Huan 21:22 - Papiamentu Bible 2013

²² Hesus a bis'é: ‘Si Mi ke lag'é keda na bida te ora Mi bini bèk, esei no tin nada di aber ku bo! Sòru pa abo sigui Mi!’

Beibel na Papiamentu Koriente 2013

²² Hesus a bis'é: ‘Si Mi ke lag'é keda na bida te ora Mi bini bèk, esei no tin nada di aber ku bo! Sòru pa abo sigui Mi!’

Huan 21:22 Referans Kwoze

Marko 9:1

Hesus a bisa nan: ‘Mi ta sigurá boso: tin di boso aki ku lo no muri promé nan mira ku reino di Dios a yega ku poder.’

Revelashon 2:25

Solamente, tene loke boso tin, te ora Mi bini.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

Revelashon 3:11

Mi ta bini pronto! Tene loke boso tin, pa ningun hende no kohe boso rekompensa bai kuné.

Hakobo 5:7

Rumannan, tene pasenshi antó te dia Señor bini. Wak ku kuantu pasenshi un kunukero ta warda pa su kunuku produsí kosecha presioso! E sa ku e mester warda te ora e promé i e delaster tempu di awa pasa.

1 Korintionan 11:26

Kada be ku boso kome for di e pan akí i bebe for di e kopa akí, boso ta proklamá morto di Señor te ora E bolbe bini.

Huan 21:19

Hesus a bisa asina pa indiká ki tipo di morto Pedro lo a muri pa duna Dios gloria. Despues El a bisa Pedro: ‘Sigui Mi!’

Mateo 24:44

P'esei boso tambe sea semper prepará antó, pasobra e Yu di hende ta bini un ora ku bo no ta sper'É!

Revelashon 22:20

Esun, ku ta deklará esaki, ta bisa: ‘Sigur, Mi ta bini pronto!’ Amèn! Bini Señor Hesus!

Revelashon 22:7

Tende, Mi ta bini pronto. Felis esnan ku ta tuma e mensahe profétiko di e buki akí na pechu.’

Revelashon 1:7

Wak, at'É ta bini riba nubia; tur hende lo Mir'É, tambe esnan ku a traspas'É; i tur pueblo na mundu lo ta na rou pa su motibu. Sí, amèn!

Mateo 25:31

Ora Yu di hende bini den su gloria, huntu ku tur su angelnan, lo E sinta riba su trono glorioso.

Mateo 24:27

Meskos ku welek ta kòrta den ost i por mir'é te den wèst, asina binida di e Yu di hende lo ta.

Mateo 24:3

Ora Hesus tabata sintá riba Seru di Oleifi, e disipelnan a bin puntr'É den privá: ‘Bisa nos: ki dia e kosnan akí lo sosodé? Na kua señal nos por mira ku Bo ta serka di bini i ku fin di tempu ta serka di yega?’

Mateo 8:22

Hesus a kontest'é: ‘Sigui Mi i laga morto dera nan morto.’

Mateo 16:24

Despues El a bisa su disipelnan: ‘Si un hende ke sigui Mi, e mester lubidá su mes, hisa su krus i sigui Mi.

Huan 21:21

Ora Pedro a mir'é, el a puntra Hesus: ‘Señor, ke tal di esun ei?’

1 Tesalonisensenan 2:19

Pasobra ora nos Señor Hesus bini bèk, ken otro ku no ta boso lo ta nos motibu pa speransa òf goso, e krans di viktoria pa nos por broma kuné su dilanti?

Hakobo 5:8

Boso tambe mester warda ku pasenshi! Para firme, pasobra Señor ta serka di bini!