Huan 20:19 - Papiamentu Bible 2013

¹⁹ Tabata e anochi di e mesun promé dia di e siman ei ku e disipelnan tabata reuní porta será, pasobra nan tabatin miedu di e outoridatnan hudiu. Hesus a yega para meimei di nan i bisa nan: ‘Pas sea ku boso!’

Beibel na Papiamentu Koriente 2013

¹⁹ Tabata e anochi di e mesun promé dia di e siman ei ku e disipelnan tabata reuní porta será, pasobra nan tabatin miedu di e outoridatnan hudiu. Hesus a yega para meimei di nan i bisa nan: ‘Pas sea ku boso!’

Huan 20:19 Referans Kwoze

Huan 20:26

Un siman despues e disipelnan tabata paden atrobe i Tomas tambe tabata huntu ku nan. E portanan tabata será, ma tòg Hesus a drenta bai para meimei di nan i bisa: ‘Pas sea ku boso!’

Huan 14:27

Pas Mi ta laga pa boso; mi pas Mi ta duna boso, ma no manera mundu ta deseá otro pas ora nan ta kumindá otro. No laga boso kurason bira intrankil, ni no kobardiá.

Huan 20:21

Hesus a bolbe bisa nan: ‘Pas sea ku boso! Manera Tata a manda Mi, asina Ami ta manda boso.’

Efesionan 2:14

Pasobra Kristu mes ta nos pas: El a hasi hudiu i no hudiu ún pueblo; El a basha e muraya di enemistat ku tabata separá nan, abou dor di entregá su mes kurpa.

2 Tesalonisensenan 3:16

Señor ku ta duna pas, duna boso e pas ei tur ora i bou di tur sirkunstansia. Señor sea ku boso tur!

Huan 7:13

Sinembargo niun hende no tabata papia abiertamente di djE, pasobra nan tabatin miedu di e outoridatnan hudiu.

Marko 16:14

Mas despues, ora e diesun disipelnan tabata sintá ta kome, Hesus a aparesé na nan. El a skual nan pa nan falta di fe i pasobra nan tabata tèrko; nan a keda sin kere esnan ku a mira ku Hesus a resusitá.

Revelashon 1:4

Huan na e shete iglesianan na Asia: Grasia i pas sea ku boso di Dios ku ta, ku tabata i ku ta bini, di e shete spiritunan dilanti di su trono,

1 Korintionan 15:5

ku El a aparesé na Kefas i despues na e diesdos apòstelnan.

Huan 16:33

Mi a bisa boso tur e kosnan akí pa boso tin pas den Mi. Na mundu boso lo pasa den tribulashon; ma tuma kurashi, Ami a derotá mundu!’

Hebreonan 7:2

Abraham a duna Melkisedèk un désimo parti di tur loke el a kita for di e reinan. E nòmber Melkisedèk ta nifiká: rei di hustisia; tambe e tabata rei di Shalem i esei ta nifiká: rei di pas.

Filipensenan 1:2

Dios nos Tata i Señor Hesu-Kristu duna boso grasia i pas.

Efesionan 6:23

Dios Tata i Señor Hesu-Kristu duna tur ruman pas, amor i fe.

Romanonan 15:33

Dios, ku ta fuente di pas, sea ku boso tur. Amèn.

Huan 16:22

Meskos asina boso tambe ta pasa un tempu difísil awor akí, ma lo Mi bolbe mira boso i boso kurason lo yena ku alegria, un alegria ku niun hende no por kita for di boso.

Mateo 18:20

Pasobra kaminda dos òf tres reuní den mi nòmber, Ami lo ta huntu ku nan.’

Mateo 10:13

Si e hendenan di e kas ta digno, laga e pas ku boso a deseá nan, baha riba nan i si e hendenan di e kas no ta digno, hala boso palabranan di pas atras.

Salmo 122:8

Pa amor di mi rumannan i amigunan mi ta bisa: ‘Pas pa bo!’

Huan 21:1

Despues Hesus a aparesé un bia mas na su disipelnan na lago di Tiberias. Esaki a tuma lugá di siguiente manera.

Huan 21:14

Esei tabata e di tres bia ku Hesus a aparesé na su disipelnan, despues ku El a lanta for di morto.

Echonan 1:3

Na nan El a aparesé diferente bia, durante kuarenta dia largu, despues di su morto. El a proba nan na un manera kombinsente ku E tabata bibu i El a papia ku nan tokante reino di Dios.

3 Huan 1:14

Mi ta spera di mira bo pronto i nos lo papia personalmente.