Huan 19:26 - Papiamentu Bible 2013

²⁶ Ora Hesus a mira su mama i su disipel stimá pará einan, El a bisa su mama: ‘Señora, ata bo yu!’

Beibel na Papiamentu Koriente 2013

²⁶ Ora Hesus a mira su mama i su disipel stimá pará einan, El a bisa su mama: ‘Señora, ata bo yu!’

Huan 19:26 Referans Kwoze

Huan 21:24

Ta e disipel ei mes ta testiguá tokante tur e kosnan akí; ta e mes tambe a skibi nan. I nos sa ku su testimonio ta kuadra ku bèrdat.

Huan 20:2

El a kore bai serka Simon Pedro i e disipel stimá di Hesus i bisa nan: ‘Nan a kohe kurpa di Señor bai kunÉ i nos no sa unda nan a pon'É!’

Huan 13:23

Un di nan, e disipel ku Hesus tabata stima mashá, tabata sintá serka di Hesus.

Huan 2:4

Hesus a kontest'é: ‘Señora, kiko bo ta deseá di Mi anto? Mi ora no a yega ainda.’

Huan 21:7

E ora ei e disipel stimá di Hesus a bisa Pedro: ‘Ta Señor!’ Ora Pedro a tende ku ta Señor, el a shorotá su paña djariba, pasobra e no tabatin nada otro bistí i a bula na awa.

Huan 21:20

Pedro a bira wak i mira e disipel stimá di Hesus ta bini nan tras. Ta e mesun disipel ei a lèn patras, hala mas serka di Hesus durante e sena i puntr'É: ‘Señor, ken ta bai traishoná Bo?’