Huan 15:10 - Papiamentu Bible 2013

¹⁰ Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor.

Beibel na Papiamentu Koriente 2013

¹⁰ Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor.

Huan 15:10 Referans Kwoze

Huan 14:15

Si boso ta stima Mi, boso lo warda mi mandamentunan.

1 Huan 5:3

Pasobra stima Dios ke men kumpli ku su mandamentunan. Anto su mandamentunan no ta un peso pa nos,

1 Huan 2:5

Ma esun ku obedesé palabra di Dios, ta un hende ku ta mustra ku di bèrdat e tin un amor perfekto pa Dios. Di e manera akí nos ta mira ku nos ta uní kunÉ.

2 Pedro 2:21

Pasobra lo tabata mihó pa nan si nunka nan no a konosé e kaminda rekto, ku konos'é i despues bira lomba pa loke Dios a manda nan hasi.

Huan 8:29

Esun ku a manda Mi, ta huntu ku Mi; E no a laga Mi so, pasobra semper Mi ta hasi loke ta agrad'É.’

Huan 4:34

Ma Hesus a bisa nan: ‘Mi kuminda ta: kumpli ku boluntat di Esun ku a manda Mi i kompletá e trabou ku El a enkargá Mi.

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

Huan 17:4

Mi a glorifiká Bo riba mundu; Mi a terminá e trabou ku Abo a duna Mi pa hasi.

Huan 14:31

ma mundu mester sa ku Mi ta stima Tata i ku Tata ta stima Mi i ku Mi ta hasi loke Tata manda Mi hasi. Bon, lanta ariba, ban fo'i djaki!

Huan 12:49

Pasobra Mi no a papia riba mi mes outoridat, ma riba esun di Tata ku a manda Mi; E mes a duna Mi òrdu kiko bisa i proklamá.

Revelashon 22:14

Felis esnan ku ta laba nan paña i asina haña derecho di kome for di e palu ku ta duna bida i drenta siudat via di e portanan.

Huan 14:21

Esun ku aseptá mi mandamentunan i obedesé nan, ta stima Mi. Mi Tata ta stima esun ku stima Mi i Mi tambe lo stim'é i mustr'é ken Mi ta.’

1 Korintionan 7:19

Pasobra ku un hòmber ta sirkunsidá òf nò, no ta dje importante ei; importante ta pa obedesé mandamentu di Dios.

Hebreonan 7:26

Asina anto, Hesus ta presisamente e gransaserdote ku nos tabatin mester. E ta santu, sin maldat i sin mancha, saká fo'i meimei di pekadó i poné mas altu ku shelu.

Isaías 50:5

SEÑOR Dios ta siña mi skucha bon. Mi no ta bai kontra djE ni bèk pa su enkargo.

Huan 8:55

Ma boso no konos'É; Ami sí konos'É. Anto si Mi bisa boso ku Mi no konos'É, Mi ta un gañadó meskos ku boso, pasobra Mi konos'É i Mi ta obedesé su palabra.

Huan 10:18

Niun hende no ta kita mi bida for di Mi; Mi ta entreg'é di mi mes boluntat. Mi tin poder pa entreg'é i poder pa tum'é bèk. T'esaki mi Tata a manda Mi hasi.’

Huan 14:23

Hesus a kontest'é: ‘Si un hende ta stima Mi, e ta obedesé mi palabra i mi Tata lo stim'é; nos lo bini serka dje i keda biba serka dje.

1 Huan 2:3

T'asin'akí nos por ta sigur ku nos konosé Dios, esta si nos obedesé su mandamentunan.

1 Huan 2:6

Esun ku bisa ku e ta uní ku Dios, mester biba meskos ku Hesu-Kristu a biba.

Éksodo 7:6

Moises i Aaron a hasi tur loke Dios a ordená nan.

2 Samuel 22:22

pasobra mi a sigui SEÑOR su kamindanan i mi no a peka bira lomba pa mi Dios.

2 Reinan 18:6

El a pega su kurason na SEÑOR i nunka el a bira lomba pa SEÑOR. El a kumpli ku e mandamentunan ku SEÑOR a duna Moises.