Huan 14:24 - Papiamentu Bible 2013

²⁴ Esun ku no ta stima Mi, no ta obedesé mi palabranan. I e palabranan ku boso a tende, no ta di Mi, ma di mi Tata ku a manda Mi.

Beibel na Papiamentu Koriente 2013

²⁴ Esun ku no ta stima Mi, no ta obedesé mi palabranan. I e palabranan ku boso a tende, no ta di Mi, ma di mi Tata ku a manda Mi.

Huan 14:24 Referans Kwoze

Huan 7:16

Hesus a kontestá nan: ‘Mi siñansa no ta bini di Mi mes, ma di Esun ku a manda Mi.

Huan 14:10

Bo no ta kere ku Mi ta den Tata i Tata ta den Mi? Mi palabranan na boso no ta di Mi mes; ta Tata ta den Mi, ta hasi su mes trabou.

Huan 8:42

Hesus a bisa nan: ‘Si Dios tabata boso Tata, boso lo a stima Mi, pasobra Mi a bini di Dios i Mi t'aki. Mi no a bini riba Mi mes, ma t'E a manda Mi.

Huan 5:19

P'esei Hesus a tuma palabra i sigui bisa nan: ‘Mi ta sigurá boso: Yu no por hasi nada riba su mes; E ta hasi solamente loke El a mira su Tata hasi. Loke Tata hasi, e Yu tambe ta hasi.

Huan 3:34

Pasobra esun ku Dios a manda ta papia palabra di Dios; pasobra Dios ta dun'É Spiritu Santu na abundansia.

Huan 14:15

Si boso ta stima Mi, boso lo warda mi mandamentunan.

Huan 5:38

ni boso no ta warda su palabra den boso kurason, pasobra boso ta nenga di pone boso fe den Esun ku El a manda.

Huan 8:38

Ami ta papia di loke Mi a mira serka mi Tata; ma boso ta hasi loke boso a tende di boso tata.’

Huan 8:26

Mi tin hopi kos di bisa i di husga di boso, ma Esun ku a manda Mi, ta papia bèrdat i Ami ta anunsiá na mundu solamente loke Mi tende di djE.’

Huan 8:28

P'esei El a bisa nan: ‘Ora boso alsa Yu di Hende, boso lo sa ku “AMI TA” i ku Mi no ta hasi nada riba Mi mes. Mi ta papia solamente loke mi Tata a siña Mi.

Huan 7:28

P'esei miéntras Hesus tabata siña e hendenan den tèmpel, El a bisa na bos altu: ‘Sí, boso konosé Mi i sa di unda Mi ta bini. Mi no a bini riba mi mes kuenta; tin un ku a manda Mi i boso no konos'É.

Mateo 19:21

Hesus a bis'é: ‘Si bo ke ta perfekto, bai bende bo propiedatnan, duna pober e sèn i lo bo tin tesoro den shelu. Despues bin sigui Mi.’

Huan 3:11

Mi ta sigurá bo: nos ta papia loke nos sa i nos ta testiguá loke nos a mira, ma boso no ta aseptá nos testimonio.

Huan 14:25

Mi ta papia e kosnan akí ku boso miéntras Mi ta huntu ku boso.