Huan 10:10 - Papiamentu Bible 2013

¹⁰ Un ladron no ta bin hasi nada otro ku hòrta, mata i destruí. Ami a bini pa duna bida, bida na abundansia.

Beibel na Papiamentu Koriente 2013

¹⁰ Un ladron no ta bin hasi nada otro ku hòrta, mata i destruí. Ami a bini pa duna bida, bida na abundansia.

Huan 10:10 Referans Kwoze

Lukas 19:10

Yu di hende a bini pa buska i salba esun ku ta pèrdí!’

Huan 6:51

Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’

Huan 12:47

Si un hende tende mi palabranan i keda sin kumpli ku nan, no t'Ami ta esun ku ta husg'é. Pasobra Ami no a bini pa husga mundu, ma pa salb'é!

Huan 6:33

Pasobra e pan ku Dios ta duna, ta baha for di shelu i ta duna mundu bida.’

Huan 3:17

Dios no a manda su Yu den mundu pa kondená mundu, ma pa salba mundu pa medio di djE.

1 Timoteo 1:15

E palabranan ku ta sigui ta konfiabel i ta meresé aseptashon kompleto: Kristu-Hesus a bini na mundu pa salba pekadónan. I ami ta esun di mas grandi!

Huan 10:1

Hesus a sigui bisa: ‘Mi ta sigurá boso: esun ku no drenta kurá di karné di porta, ma bula drenta di otro kaminda, ta un ladron i bandidu.

Mateo 20:28

Meskos ku Yu di hende no a bini pa hende sirbiÉ ma pa E sirbi nan i pa E entregá su bida pa liberashon di hopi hende.’

Hebreonan 7:25

P'esei pa semper E por salba esnan ku ta aserká Dios pa medio di djE, pasobra E ta biba pa semper pa boga pa nan serka Dios.

Isaías 56:11

Nan ta kachó haragan tambe, nunka nan no tin basta. Anto ta nan ta lider di pueblo! Nan no tin niun klase di komprondementu; tur ta kohe nan mes kaminda, tur ta buska nan propio probecho.

2 Pedro 1:11

Asin'ei porta di e reino eterno di nos Señor i Salbador Hesu-Kristu lo ta hanchu hanchu habrí pa boso.

Hebreonan 6:17

Dios ker a sigurá esnan ku e promesa tabata destiná p'e, mashá kla, ku su desishon tabata inkambiabel. P'esei El a konfirmá e promesa ei ku un huramentu.

Mateo 23:13

Ai di boso, dòktornan di lei i fariseonan! Hipókritanan! Boso ta dal porta di reino di Dios sera den kara di hende. Boso mes no ta drenta paden, ma ora otro hende ta bai drenta, boso no ta pèrmití nan. [

Romanonan 2:21

Bon antó, si bo ta siña otro, di kon bo no ta instruí bo mes? Bo ta prediká pa no hòrta, anto bo mes ta hòrta?

Hoséas 7:1

Na momento ku Mi ke kura Israel, maldat di Efraim ta sali na kla, e pikánan di Samaria: nan ta entretené nan mes ku engaño, ladronnan ta penetrá drenta den kas, pafó riba kaya bandidunan ta sakia.

Mateo 18:10

Sòru pa boso no trata niun di e chikitunan akí ku menospresio. Un kos Mi por bisa boso: e angelnan ku ta enkargá ku nan, ta den presensia di mi Tata den shelu. [

Marko 11:17

El a splika nan: ‘No ta skibí den Skritura ku Dios a bisa: Mi kas lo yama kas di orashon pa tur nashon pagano? Ma boso a hasié un kueba di bandidu.’

Huan 12:6

Hudas no a papia asina, pasobra e tabata preokupá pa e hende pobernan, ma pasobra e tabata un ladron. T'e tabata tene e kaha di plaka i e tabata hòrta sèn afó.

Mateo 21:13

El a bisa nan: ‘Ta pará skibí den Skritura: Mi kas lo ta yamá kas di orashon. Ma boso ta hasi di dje un kueba pa bandidu.’

Huan 5:40

Ma boso no ta dispuesto pa bini serka Mi pa boso haña bida.

Huan 10:11

Ami ta e bon wardadó; un bon wardadó ta entregá su bida pa su karnénan.

Mateo 18:11

Yu di hende a bini pa salba esun ku ta pèrdí!]