Hoséas 8:4 - Papiamentu Bible 2013

⁴ Nan a nombra reinan, pero sin konsultá Mi; nan a skohe lidernan pa nan mes, pero sin ku Mi tabata sa. Di nan plata i oro nan a traha imágen di diosnan falsu, bon pa keda destruí.

Beibel na Papiamentu Koriente 2013

⁴ Nan a nombra reinan, pero sin konsultá Mi; nan a skohe lidernan pa nan mes, pero sin ku Mi tabata sa. Di nan plata i oro nan a traha imágen di diosnan falsu, bon pa keda destruí.

Hoséas 8:4 Referans Kwoze

Hoséas 13:2

I awor Efraim ta keda peka numa: nan ta traha imágennan di metal bashá pa nan mes, imágennan di plata segun nan smak, tur ta obra di hòmbernan di fishi. Di e imágennan akí nan ta bisa: ‘Si un hende ke ofresé sakrifisio, e mester sunchi e toro yònnan akí.’

Hoséas 2:8

E no ke rekonosé ku t'Ami tabata regal'é grano, biña i zeta di oleifi, ku t'Ami tabata dun'é plata na abundansia i oro ku el a usa pa e dios falsu Baal.

1 Reinan 16:31

Komo si fuera no tabata basta ku e tabata sigui mal ehèmpel di Yerobeam, yu di Nebat, pa kolmo el a kasa ku Izebel, yu muhé di Etbaal, rei di Sidon, i a kuminsá sirbi i adorá Baal.

Galatanan 4:9

Pero awor ku boso a siña konosé Dios, òf mihó bisá, awor ku Dios ker a konosé boso, kon ta posibel ku boso ta bolbe someté boso na e podernan spiritual débil i mizerabel ei? Akaso boso ke bolbe bira nan katibu atrobe?

Huan 10:14

Ami ta e bon wardadó; Mi konosé mi karnénan i nan konosé Mi.

1 Reinan 12:28

Despues di a pensa e asuntu bon, el a traha dos toro yòn di oro i a bisa e pueblo: ‘Pakiko boso ta molestiá bai Herusalèm? Israel, ata bo diosnan aki, ku a saka boso for di Egipto.’

Lukas 13:27

Anto lo E bisa boso: “Mi no konosé boso. Di unda boso a bini? Bai fo'i Mi, hasidónan di maldat!”

Lukas 13:25

For di momento ku doño di kas lanta sera porta, boso tin ku keda pafó. Boso ta bati riba e porta i grita: “Señor, habri porta!” i lo E kontestá: “Mi no konosé boso. Di unda boso a bini?”

Mateo 25:12

Ma e brùidehòm a kontestá: “Mi ta sigurá boso: Ami no konosé boso!” ’

Ezekiel 18:31

Kibra ku e fayonan ku boso a kometé; renobá boso kurason i boso mente, pasobra pakiko boso lo muri, pueblo di Israel?

1 Reinan 13:34

Despues pa motibu di e piká akí, famia real di Yerobeam a keda kompletamente destruí i a disparsé for di riba mundu.

Yeremías 16:20

Akaso un hende por traha su propio diosnan? Nò, pasobra loke man di hende traha no por ta dios!” ’

Daniel 3:1

Un dia rei Nebukadnèsar a ordená pa traha un estatua di oro ku un altura di trinta meter i un hanchura di tres meter i a laga pon'é den sabana di Dura, den provinsia Babilonia.

Hoséas 8:3

Pero un Israel, ku ta pusha loke ta bon fo'i su kurpa, un enemigu lo persiguié.

Hoséas 13:1

Ora tribu di Efraim tabata papia, e otro tribunan tabatin miedu, komo e tabata esun di mas poderoso na Israel. Pero el a hasi su mes kulpabel, el a adorá e dios falsu Baal i di e manera ei el a kaba ku su mes.

Hoséas 13:11

Furioso Mi a duna bo un rei, rabiá Mi a tum'é bèk.