Hoséas 2:22 - Papiamentu Bible 2013

²² i tera lo kontestá ku grano, biña i zeta di oleifi pa Yizreel.

Beibel na Papiamentu Koriente 2013

²² i tera lo kontestá ku grano, biña i zeta di oleifi pa Yizreel.

Hoséas 2:22 Referans Kwoze

Yoel 2:19

SEÑOR a kontestá su pueblo: ‘Lo Mi duna boso grano, biña i zeta, boso lo tin mas ku sufisiente; otro pueblonan lo no hasi chèrchè mas di boso.

Hoséas 1:11

E ora ei e pueblonan di Israel i Huda lo uni, skohe un lider pa nan mes i sali for di e pais. E dia di Yizreel lo ta un dia grandi.

Hoséas 1:4

SEÑOR a bisa Hoséas: ‘Yama e yu Yizreel, pasobra aki poko tempu Mi ta laga e kas real di Yehu paga pa e dramamentu di sanger na siudat Yizreel; Mi ta pone un fin na reinado di Israel.

Yeremías 31:12

Hubilando di alegria nan ta bini seru di Sion, nan kara ta bria ora nan mira su regalonan: trigo, biña yòn, zeta di oleifi, karné i baka. Nan lo ta manera un hardin bon muhá, nan lo no tisga mas di mizeria.

Hoséas 14:7

Esnan ku ta biba den su sombra, lo kultivá grano atrobe. Nan lo floresé manera mata di wendrùif, lo ta famoso manera biña di Libanon.

Isaías 62:4

Lo no yama bo mas Siudat Bandoná, bo pais lo no karga nòmber mas di Tera Desolá. Nò, nan lo yama bo Dios su Pret'i Wowo, i bo pais Esposa. Pasobra bo ta pret'i wowo di SEÑOR i bo ta bolbe haña esposo.

Yeremías 24:7

Mi ta bolbe laga nan rekonosé ku Ami ta SEÑOR. Nan lo bolbe serka Mi di henter nan kurason. E ora ei nan lo ta mi pueblo i Ami nan Dios.

Zakarías 8:8

Mi ta trese nan Herusalèm bèk i nan lo biba aki. Nan lo ta mi pueblo i Ami nan Dios, na un manera fiel i hustu.’