Hebreonan 2:18 - Papiamentu Bible 2013

¹⁸ Komo E mes a pasa den prueba i a sufri, E por yuda tur esnan ku ta pasa den prueba.

Beibel na Papiamentu Koriente 2013

¹⁸ Komo E mes a pasa den prueba i a sufri, E por yuda tur esnan ku ta pasa den prueba.

Hebreonan 2:18 Referans Kwoze

1 Korintionan 10:13

Ningun prueba ku boso a pasa aden mes no ta algu nobo pa hende. Boso por konfia den Dios; lo E no pèrmití pa boso pasa dor di prueba ku ta surpasá boso forsa. I ora boso pasa dor di prueba lo E sòru pa un salida, di moda ku boso por soportá e prueba.

Hudas 1:24

E úniko Dios, nos Salbador, tin poder pa protegé boso pa boso no kai i pa presentá boso sin mancha i yená ku goso den su presensia glorioso. Gloria, mahestat, poder i outoridat, pa medio di nos Señor Hesu-Kristu ta toka n'E; for di den tur eternidat, awor i pa semper. Amèn.

Hebreonan 5:2

Komo e mes tambe ta someté na debilidat humano, e por tin komprenshon pa hende ignorante i esnan ku a pèrdè kaminda.

Revelashon 3:10

Boso a tene na mi òrdu pa perseverá den sufrimentu. P'esei Ami tambe lo tene na boso den e tempu ku ta bai bini riba henter mundu pa pone tur hende na prueba.

2 Pedro 2:9

Ke men antó ku Señor sa kon salba hende dediká n'E di tribulashon i tambe kon hasi pa e malechornan haña nan kastigu riba dia di huisio.

2 Timoteo 1:12

P'esei mes mi ta pasa den tur e sufrimentunan akí. Pero mi no tin bèrgwensa, pasobra mi sa den ken mi a pone mi fe i ta konvensí ku E tin sufisiente poder pa kuida loke mi a konfia n'E, te riba e dia ku Kristu-Hesus bini bèk.

Huan 10:29

Mi Tata ku a duna Mi nan, ta mas grandi ku tur i niun hende no por ranka nan kita for di man di mi Tata.

Lukas 22:53

Dia aden dia afó Mi tabata huntu ku boso den tèmpel i boso no a arestá Mi; ma ta boso ora, e momento pa forsa di skuridat hasi su trabou!’

Filipensenan 3:21

E lo transformá nos kurpa mizerabel den kurpa glorioso, meskos ku esun di djE. Pa hasi esei lo E usa e poder ku E tin pa someté tur kos na su outoridat.

Lukas 22:28

Boso a keda huntu ku Mi durante mi tribulashonnan.