Hebreonan 13:17 - Papiamentu Bible 2013

¹⁷ Obedesé boso lidernan i hasi loke nan bisa; nan ta kuida boso konstantemente, pasobra ta nan mester duna kuenta na Dios. Si boso obedesé nan, nan lo kumpli ku nan tarea ku plaser; pero si boso no obedesé nan, e tarea ta bira un peso pa nan, i esei no ta kumbiní boso.

Beibel na Papiamentu Koriente 2013

¹⁷ Obedesé boso lidernan i hasi loke nan bisa; nan ta kuida boso konstantemente, pasobra ta nan mester duna kuenta na Dios. Si boso obedesé nan, nan lo kumpli ku nan tarea ku plaser; pero si boso no obedesé nan, e tarea ta bira un peso pa nan, i esei no ta kumbiní boso.

Hebreonan 13:17 Referans Kwoze

1 Timoteo 5:17

E ansianonan ku ta guia iglesia bon, meresé dòbel honor, spesialmente esnan ku a tuma e trabou di prediká i duna siñansa.

Hebreonan 13:7

Kòrda riba boso lidernan ku a anunsiá boso e mensahe di Dios. Wak kon nan a biba i kon nan a muri, i tuma un ehèmpel di nan fe.

1 Pedro 5:5

Boso ku ta hóben mester someté boso na e ansianonan di iglesia; ademas boso tur mester trata otro ku humildat, pasobra Skritura ta bisa: ‘Dios ta resistí esnan ku ta orguyoso, pero ta mustra grasia na esnan ku ta humilde.’

Echonan 20:28

Kuida boso kurpa i henter e trupa di karné ku Spiritu Santu a pone na boso enkargo. Sea wardadó di iglesia di Dios, e iglesia ku El a gana pa E mes, pa medio di su mes sanger.

Yeremías 13:17

Si boso no ke tende, ami lo yora den silensio pa e pretenshon ei di boso. Esta amargamente lo mi yora, hopi lágrima mi wowo lo basha, si kohe boso, pueblo di Dios, prezu i bai ku boso manera trupa di bestia.

1 Korintionan 16:16

Someté boso na liderazgo di hende asina i tur otro ku ta kompartí nan trabou i esfuerso.

Filipensenan 2:12

Amigunan stimá, boso a obedesé mi semper. P'esei sigui traha ku temor i rèspèt pa boso salbashon tin resultado konkreto den boso bida, no solamente manera boso tabata hasi ora mi tabat'ei, ma awor mas ku nunka den mi ousensia.

Éksodo 32:31

E ora ei Moises a bai bèk serka SEÑOR i a bisa: ‘Ai SEÑOR, e pueblo akí a hasi un piká grandi, nan a traha un dios di oro.

Filipensenan 2:29

Ke men, risibié anto ku hopi legria komo ruman den Señor. Mustra rèspèt na hende manera e,

Romanonan 14:12

Ke men ku kada un di nos mester duna kuenta na Dios di su mes echonan!

2 Tesalonisensenan 3:14

Wak ken no ke obedesé loke nos a bisa den e karta akí. No asosiá kuné, ya esei ta brongos'é.

Hebreonan 13:24

Kumindá tur boso lidernan i henter e pueblo santu. E rumannan for di Italia ta kumindá boso.

Isaías 62:6

M'a pone guardia riba bo murayanan, Herusalèm! Nan no mag sera nan boka niun momento, ni di dia ni anochi. Boso, guardianan, tin e enkargo di rekordá SEÑOR riba Herusalèm, boso no mag duna boso kurpa sosiegu,

Filipensenan 4:1

T'asina, mi rumannan stimá, ku mi tin tantu gana di mira, ku ta mi goso i mi korona, t'asina mes boso mester para firme den Señor.

Filipensenan 3:18

Pasobra mi ta bolbe ripití, ku awa na wowo, loke mi a bisa boso hopi bia kaba: tin hopi hende ta biba manera ta enemigu di Kristu su krus nan ta.

Hakobo 4:7

P'esei someté boso na Dios; resistí diabel i lo e hui bai for di boso.

Filipensenan 1:4

Semper ora mi ta resa pa boso tur, mi ta resa ku goso,

Lukas 16:2

E shon a yama su atministradó i bis'é: “Ta ki e kos ku mi a tende di bo ei? Duna mi kuenta i rason di bo maneho, pasobra asin'akí bo no por sigui traha pa mi.”

Proverbionan 5:13

Mira kon mi a keda sin tende di mi maestronan! Mira kon mi a sera orea pa nan palabranan!

1 Samuel 8:19

Pero e pueblo a bula rospondé, sin tene kuenta ku e atvertensia di Samuel: ‘N' ta nada; ta un rei nos ke,

Génesis 16:9

Angel di SEÑOR a bis'é: ‘Bai bèk serka bo shon i obedes'é den tur kos.’

Filipensenan 2:16

segun ku boso ta ofresé nan e palabra di bida. Asina mi por ta orguyoso dia di Kristu su binida, ya e ora ei lo mi no a kore ni traha enbano.

Efesionan 5:21

Someté boso na otro pa motibu di e rèspèt ku boso tin pa Kristu.

Ezekiel 33:2

‘Hende, bisa bo kompatriotanan: Suponé ku Mi trese guera riba un pais i e hendenan di e pais ei a elegí un hende i a nombr'é wardadó.