Hebreonan 12:24 - Papiamentu Bible 2013

²⁴ Boso a yega serka Hesus, e Mediador di un aliansa nobo, i serka e sanger ku El a drama, ku ta papia di algu mihó ku e sanger di Abel.

Beibel na Papiamentu Koriente 2013

²⁴ Boso a yega serka Hesus, e Mediador di un aliansa nobo, i serka e sanger ku El a drama, ku ta papia di algu mihó ku e sanger di Abel.

Hebreonan 12:24 Referans Kwoze

Hebreonan 9:15

P'esei E ta Mediador di un aliansa nobo, un tèstamènt nobo. El a muri pa salba hende di e pikánan kometé den tempu di e promé aliansa. Asina esnan ku Dios a yama, por risibí e herensia ku El a primintí.

Hebreonan 11:28

Pasobra e tabatin fe, el a instituí fiesta di Pésag i a laga hunta sanger na kozein di porta, di manera ku e angel di morto lo no a mata e yu mayónan di e famianan di Israel.

Hebreonan 11:4

Pasobra Abel tabatin fe, el a ofresé Dios un mihó sakrifisio ku Kain a ofresé. Pa motibu di su fe Dios a deklará ku Abel tabata hustu i Dios a aseptá su sakrifisionan. Pa medio di su fe Abel ta papia awor akí ainda, maske el a muri kaba.

Hebreonan 8:6

Pero e trabou saserdotal ku Hesus a haña, ta mas elevá; E ta Mediador di un aliansa ku tambe ta mihó, pasobra e ta basá riba mihó promesa.

Génesis 4:10

SEÑOR a puntr'é: ‘Ta kiko e kos ku bo a hasi ei? Sanger di bo ruman ku a drama riba tera ta sklama na Mi pa hustisia!

1 Timoteo 2:5

Ta ún Dios so tin i ún Mediador entre Dios i nos, esta e hende, Kristu-Hesus;

Mateo 26:28

Esaki ta mi sanger, ku ta konfirmá e aliansa i ku Mi ta drama pa hopi hende, pa pordon di piká.

Mateo 23:35

Asina e kastigu pa morto di tur hende inosente lo kai riba boso, for di morto di e hòmber hustu Abel, te ku morto di Zakarías, yu di Bèrèkías. E Zakarías ku boso a mata entre altá i santuario den tèmpel.

Lukas 22:20

Di mesun forma, El a kohe e kopa despues di sena i bisa: ‘Esaki ta e kopa di e aliansa nobo konfirmá ku mi sanger, ku lo ta dramá pa boso.

1 Pedro 1:2

Di akuerdo ku su propósito, Dios Tata a skohe boso di antemano i a apartá boso pa medio di Spiritu Santu komo pueblo di Dios pa obedesé Hesu-Kristu i keda purifiká ku su sanger. Dios duna boso grasia i pas na abundansia!

Éksodo 24:8

E ora ei Moises a kohe e sanger i a sprengu e riba e pueblo. El a bisa: ‘Esaki ta sanger di e aliansa ku SEÑOR ta sera ku boso a base di tur e mandamentunan akí.’

Hebreonan 10:22

laga nos aserká Dios ku un kurason sinsero i un fe firme, ku un kurason purifiká di un mal konsenshi i ku un kurpa labá ku awa puru.

Hebreonan 9:21

Na mes manera Moises a sprengu e tèntnan i tur kos di uso pa sirbishi tambe ku e sanger.

Hebreonan 13:20

Dios a tuma Señor Hesus bèk for di morto, Hesus, ku ta e gran wardador di karné a base di e sanger ku El a drama pa konfirmá e aliansa eterno. Dios, ku ta duna pas,

Hebreonan 7:22

E diferensia akí ta pone ku Hesus ta para bòrg pa un aliansa ku ta mihó ku esaya.

Lukas 11:51

For di sanger di Abel te ku sanger di Zakarías, ku nan a mata entre altá i santuario. Sí, Mi ta sigurá boso ku e generashon akí lo ta responsabel pa tur e kosnan akí.

Marko 14:24

El a bisa: ‘Esaki ta mi sanger, ku ta konfirmá e aliansa; e sanger ku lo ta dramá pa hopi hende.

Isaías 55:3

Bini serka Mi i skucha; si boso skucha, boso ta biba plenamente. Mi ta komprometé Mi pa semper, SEÑOR ta bisa, pa duna boso e amor fiel ku M'a primintí David.

Hebreonan 8:8

Pero Dios ta skual su pueblo, ora E bisa: ‘ “Tende, pronto Mi ta sera un aliansa nobo ku pueblo di Israel i ku pueblo di Huda.

Levítiko 1:5

Despues e ta mata e toro dilanti di santuario, i e saserdotenan, yunan di Aaron, ta presentá e sanger na SEÑOR, kaba sprengu e kontra tur banda di e altá ku tin na entrada di tènt di enkuentro.

Galatanan 3:20

Pero no tin mester di un mediadó ora ta trata di un persona so i den e kaso akí Dios ta ún so!

Hebreonan 8:13

Dor di papia di un aliansa nobo El a deklará esun promé antikuá, i tur kos ku bira bieu i tin hopi aña, ta na punto di disparsé.

Hebreonan 9:19

Promé Moises a lesa tur e mandamentunan di lei pa henter pueblo tende. Despues el a kohe lana kòrá bibu i taki di hisopo, muha nan den sanger di bisé i di chubatu mesklá ku awa; ku esei el a sprengu e buki i henter pueblo.