Hebreonan 12:14 - Papiamentu Bible 2013

¹⁴ Hasi esfuerso pa biba na pas ku tur hende i trata di biba santu. Es ku no biba santu, no ta mira Señor nunka.

Beibel na Papiamentu Koriente 2013

¹⁴ Hasi esfuerso pa biba na pas ku tur hende i trata di biba santu. Es ku no biba santu, no ta mira Señor nunka.

Hebreonan 12:14 Referans Kwoze

2 Korintionan 7:1

Rumannan stimá, tur e promesanan akí ta pa nos tambe! P'esei antó laga nos purifiká nos di tur kos ku ta hasi nos impuru na alma i kurpa, i laga nos, ku rèspèt pa Dios, dediká nos kompletamente na djE.

1 Tesalonisensenan 4:7

Dios no a yama nos pa un bida inmoral, pero pa un bida santu.

1 Pedro 3:11

Laga nan hui for di kos malu, hasi bon, buska pas, trata di gan'é.

Romanonan 12:18

Biba na pas ku tur hende te kaminda esei ta dependé di boso.

Romanonan 14:19

P'esei anto nos mester buska ku afan loke ta kontribuí na pas entre ruman i nan kresementu komo komunidat di fe.

Proverbionan 16:7

Si loke bo hasi ta agradá SEÑOR, E ta hasi asta bo enemigunan, bo amigu.

1 Tesalonisensenan 3:13

Asina lo E fortifiká boso kurason pa boso por para ireprochabel i santu dilanti di nos Dios i Tata, ora nos Señor Hesus bini bèk huntu ku esnan ku ta pertenesé na djE. Amèn.

Romanonan 6:22

Awor ku Dios a libra boso di piká, boso a drenta den sirbishi di Dios; ku esei sí boso a gana algu: un bida santu i na final bida eterno!

Salmo 34:14

Hui kos malu, hasi bon, buska pas, trata di gan'é.

3 Huan 1:11

Kerido ruman, no sigui mal ehèmpel, sino sigui loke ta bon. Esun ku hasi bon ta pertenesé na Dios; esun ku hasi malu no a mira Dios nunka.

Efesionan 5:5

Boso por ta sigur di esaki: niun hende ku ta inmoral, impuru i haragan pa kos — e último kos ei ta igual na idolatria — no por tuma parti den reino di Kristu i di Dios!

Isaías 51:1

‘Boso ku ke hiba un bida hustu i ta buska Mi, skucha Mi,’ SEÑOR ta bisa. ‘Kòrda e baranka ku a kap boso fo'i dje, e mina ku a saka boso fo'i dje.

Hebreonan 12:10

Nos mayornan aki na mundu a koregí nos durante e bida kòrtiku akí, segun a parse nan mas kumbiniente; pero Dios ta koregí nos pa nos berdadero probecho, pa hasi nos santu manera E.

1 Timoteo 6:11

Pero abo, ku ta hòmber di Dios, hui for di tur e kosnan ei! Lucha pa bo kondukta agradá Dios, pa bo ta dediká n'E i tin fe, amor, perseveransia i mansedumbre.

Proverbionan 15:1

Palabra kariñoso ta plakia rabia, palabra brutu ta lant'é.

1 Pedro 3:13

Ken lo hasi boso daño, si boso hasi esfuerso pa hasi bon?

Marko 9:50

Salu ta un kos bon, ma si e pèrdè su stansha ta kiko lo por dun'é su smak atrobe? Wak pa boso ta salgá i biba na pas ku otro.’

Salmo 120:6

Ya mi ta biba muchu tempu serka nan ku ta odia pas.

2 Pedro 3:11

Si konsiderá ku tur e kosnan akí lo keda destruí asin'ei, kon santu i dediká na Dios boso bida lo no mester ta!

1 Korintionan 1:10

Den nòmber di nos Señor Hesu-Kristu, rumannan, mi ta apelá na boso, pa boso ta di akuerdo ku otro. No pèrmití divishon entre boso, ma sea kompletamente ún di mente, di mesun konvikshon.

Proverbionan 17:14

Kuminsá pleita ta manera traha buraku den dam; asina ta, légumai e motibu promé ku e pleitu kuminsá.

Lukas 1:75

ku dedikashon i honestidat, henter nos bida largu.

2 Timoteo 2:22

Abo kore pa e pashonnan di hubentut i buska hustisia, fe, amor i pas, huntu ku esnan ku ta invoká Señor ku un kurason limpi.

1 Tesalonisensenan 5:15

Mira pa niun hende no paga malu ku malu, pero semper buska pa hasi loke ta bon pa e otro rumannan i pa tur hende.

Salmo 133:1

Esta bon, esta dushi di ta ruman i biba huntu den union!

Salmo 94:15

Lo tin hustisia atrobe den korte i tur hende honrado lo siguié.

Salmo 38:20

ku ta paga bondat ku maldat i ku atake mi afan pa hasi bon.

Job 19:26

Mi deseo ta di mira Dios, tanten ku mi tin karni na mi kurpa ainda, ounke a destrosá mi kueru di e forma akí.

Job 33:26

Ora e hende akí resa na Dios, e ta agradá Dios, e ta alabá Dios ku gritu di alegria i Dios ta dun'é prosperidat atrobe.

Génesis 32:30

Yakob a yama e lugá Peniel. E di: ‘Mi a para kara kara ku Dios i tòg mi a keda na bida.’

2 Pedro 3:18

Pero sigui krese den grasia i konosementu di nos Señor i Salbador Hesu-Kristu. Gloria n'E, awor i pa semper! Amèn!

Filipensenan 3:12

Mi no ta bisa ku mi a alkansá esei òf ta perfekto kaba. Ma mi ta sigui pusha bai dilanti, pa mi gar'é; ta pa e motibu ei Kristu-Hesus a gara mi.

2 Korintionan 6:17

P'esei Señor ta bisa: ‘Sali for di nan kompania, alehá boso di nan; no mishi ku nada impuru! I Ami lo aseptá boso.

1 Korintionan 13:12

Awor akí nos ta mira via un spil, no direktamente, pero e dia ei nos lo mira direktamente. Awor akí mi konosementu ta limitá, pero e dia ei lo mi tin konosementu kompleto manera Dios konosé mi kompletamente.

Galatanan 3:21

Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu!

Hebreonan 9:28

Asina Kristu tambe a ofresé ún bia e sakrifisio di su bida pa kita piká di hopi hende. E di dos bia ku E bini, E no ta bini pa karga piká di hende, pero pa salba esnan ku ta sper'É.

Huesnan 11:14

E ora ei Yefta a bolbe manda mensahero serka rei di e amonitanan. Su kontesta tabata: