Hakobo 1:12 - Papiamentu Bible 2013

¹² Felis ta e hende ku ta para firme no opstante e pruebanan ku e ta pasa aden. Ora e pasa e pruebanan ku éksito, lo e risibí bida komo premio, un korona ku Dios a primintí esnan ku ta stim'É.

Beibel na Papiamentu Koriente 2013

¹² Felis ta e hende ku ta para firme no opstante e pruebanan ku e ta pasa aden. Ora e pasa e pruebanan ku éksito, lo e risibí bida komo premio, un korona ku Dios a primintí esnan ku ta stim'É.

Hakobo 1:12 Referans Kwoze

1 Pedro 5:10

Pero despues di a sufri pa un tempu kòrtiku, Dios mes lo restourá, fortalesé i fortifiká boso; lo E establesé boso riba un fundeshi fuerte. Ta e mesun Dios, fuente di tur grasia, a yama boso, pa toka parti den su gloria eterno den union ku Kristu-Hesus.

Revelashon 2:10

No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.

Hakobo 5:11

Nos sa bisa: ‘Felis esnan ku a perseverá no opstante tur kos ku nan a pasa aden.’ Boso a tende kon Job a perseverá i boso a mira kiko Señor tabatin prepará p'e, ya ku Señor ta yen di mizerikòrdia i kompashon.

Romanonan 8:28

Nos sa ku tur kos ta kontribuí na bienestar di esnan ku ta stima Dios, esta esnan ku El a yama di akuerdo ku su propósito.

Mateo 10:22

Tur hende lo odia boso pa mi motibu, ma esun ku perseverá te na final lo keda salbá!

1 Korintionan 9:25

Tur atleta ku ta kompetí ta pone un disiplina fuerte riba nan kurpa. Anto nan ta hasié pa un korona ku no ta dura; nos ta hasié pa un korona duradero.

1 Pedro 3:14

Pero asta si sosodé mes ku boso mester sufri pasobra boso ta kumpli ku boluntat di Dios, boso ta felis! No spanta pa menasa di hende ni preokupá boso kabes.

2 Timoteo 4:8

No a keda mi nada mas awor ku risibí e korona di hustisia ku Señor, e hues hustu, lo duna mi dia E bini bèk. No solamente ami, pero tur ku ta ward'É bini atrobe ku un deseo fervoroso.

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

1 Pedro 5:4

I ora e Wardador prinsipal bini, boso lo haña e korona glorioso ku nunka no ta pèrdè su splendor.

1 Korintionan 2:9

Pero, manera Skritura ta bisa: ‘Loke niun hende no a yega di mira, ni niun hende no a yega di tende, ni niun hende no por imaginá nan, esei Dios a prepará pa esnan ku ta stim'É.’

Deuteronomio 8:2

Keda kòrda ku SEÑOR, boso Dios, a laga boso pasa e kuarenta añanan ei dor di desierto pa hasi boso humilde i pa pone boso na prueba. E ker a sa kiko tabata biba den boso, ku boso lo a kumpli ku su mandamentunan sí òf nò.

Proverbionan 17:3

Manera kandela ta refiná oro i plata, asina SEÑOR ta purifiká pensamentu.

Zakarías 13:9

manera ta purifiká oro i plata den krosèt. E ora ei nan lo resa na Mi i Ami lo rospondé nan. Lo Mi bisa: “Nan ta mi pueblo.” I nan lo deklará: “SEÑOR ta nos Dios.” ’

Revelashon 3:21

Esun ku triunfá, lo Mi pone sinta banda di Mi riba mi trono, manera Mi mes a triunfá i ta sintá banda di mi Tata riba su trono.

1 Pedro 4:13

Sino sea kontentu ku boso por tuma parti na sufrimentu di Kristu. Ya boso lo ta yen di goso dia ku Kristu bini bèk den su gloria.

1 Korintionan 8:3

Ma esun ku tin amor pa Dios, ta konosí serka djE.

Revelashon 3:19

Mi ta skual i disipliná kada un ku Mi ta stima. Sea antó yen di zelo i kombertí boso!

Hebreonan 10:32

Kòrda promé aya, tempu boso a haña lus di Dios i mester a sufri tantu asina. Pero boso a sobrebibí e lucha.

Salmo 119:71

Esta bon ku m'a topa sufrimentu, esei a siña mi bo mandatonan.

Deuteronomio 7:9

Rekonosé ku SEÑOR, boso Dios, so ta Dios. Un Dios ku bo por konfia, ku ta aten'É na e aliansa i ku ta keda fiel te den e di mil generashon na esnan ku ta stim'É i ta kumpli ku su mandamentunan.

Hebreonan 6:15

Asina, despues di a warda ku pasenshi, Abraham a haña loke Dios a primintié.

Mateo 25:34

E ora ei e Rei lo bisa esnan pará na su man drechi: “Bini serka Mi, boso ku mi Tata a bendishoná; tuma poseshon di e reino ku ta prepará pa boso for di kuminsamentu di mundu.

Salmo 119:67

Promé ku topa sufrimentu mi a dualu, ma awor ta bo palabra ta amèn.

Nehemías 1:5

Mi a bis'É: ‘Ai SEÑOR, Dios di Shelu, Dios grandi i temibel, Bo ta mantené bo aliansa, Bo ta keda fiel na esnan ku ta stima Bo i ta kumpli ku bo mandamentunan!

Hebreonan 11:17

Pasobra Abraham tabatin fe, el a ofresé Isak komo sakrifisio ora Dios a pon'é na prueba. E tabata dispuesto pa ofresé su úniko yu komo sakrifisio, ounke Dios a hasié un promesa:

Salmo 119:75

Mi sa, SEÑOR, ku bo dekretonan ta hustu, ku B'a flihi mi ku rason.

1 Huan 4:19

Nos ta stima, pasobra Dios a stima nos promé!

Isaías 64:4

Pasobra nunka niun hende n' tende un kos asina, nunka ántes e n' haña sa, niun wowo hamas no a kontemplá un Dios manera Abo. Un Dios ku ta hasi tur kos pa hende ku ta spera riba djE.

Salmo 5:11

Esun ku skonde serka Bo ta kontentu, lo kanta semper ku alegria. Sí, protegé nan pa nan kanta bo gloria, nan ku ta stima bo nòmber i ku lo gosa pa bo via.

Éksodo 20:6

Pero na esnan ku ta stima Mi i ku ta atené nan na mi mandamentunan, Mi ta keda fiel te den di mil generashon.

Hebreonan 12:5

Ya boso a lubidá loke Dios a bisa boso, su yunan, pa kurashá boso. Den Skritura E ta bisa: ‘Mi yu, no despresiá korekshon ku bini di Señor, i no pèrdè kurashi ora E kastigá bo.

Job 5:17

P'esei felis e hende ku SEÑOR skual; e no mester tuma na malu ora SEÑOR todopoderoso koregié.

Salmo 94:12

Felis e hende, SEÑOR, ku Bo ta skual, ku Bo ta instruí den bo lei,

Génesis 22:1

Poko tempu despues Dios a pone Abraham na prueba. El a yam'é: ‘Abraham!’ Abraham a kontestá: ‘Ata mi aki.’

Job 2:10

Pero Job a rospondé: ‘Bo ta papia manera hende muhé sin sintí. Kos bon sí nos ke aseptá di Dios; di kon no aseptá kos malu tambe?’ Te na e momento ei Job no a pronunsiá niun palabra di piká.

Salmo 11:5

SEÑOR ta tèst hende hustu i pekadó. Di henter su kurason E ta odia esnan ku ta gusta violensia.

Lukas 6:22

Felis boso ta ora hende odia boso, rechasá boso, zundra i papia malu di boso, pa motibu di e Yu di hende.

Romanonan 5:4

Perseveransia ta hasi nos hende ku un karakter aprobá pa Dios; esei na su turno ta yena nos ku speransa.

2 Timoteo 2:15

Hasi bo máksimo esfuerso pa presentá bo mes na Dios komo un trahadó ku E ta aprobá, un trahadó ku ta siña hende e mensahe di bèrdat korektamente, sin hasi nada pa pone su mes kara na bèrgwensa.

1 Pedro 4:14

Felis boso ta si insultá boso pasobra boso ta siguidó di Kristu; esei ta mustra ku e Spiritu glorioso di Dios ta kontinuamente riba boso.