Hagai 2:14 - Papiamentu Bible 2013

¹⁴ E ora ei Hagai a kontinuá: ‘SEÑOR ta bisa ku t'esei tambe ta pasa ku e pueblo, e nashon akí. P'esei kua trabou ku nan produsí i kua sakrifisio ku nan hiba altá no ta nada otro ku kos impuru.’

Beibel na Papiamentu Koriente 2013

¹⁴ E ora ei Hagai a kontinuá: ‘SEÑOR ta bisa ku t'esei tambe ta pasa ku e pueblo, e nashon akí. P'esei kua trabou ku nan produsí i kua sakrifisio ku nan hiba altá no ta nada otro ku kos impuru.’

Hagai 2:14 Referans Kwoze

Tito 1:15

Pa esnan puru, tur kos ta puru, pero pa esnan impuru i ku no ta kere, nada no ta puru, pasobra asta nan mente i nan konsenshi mes no ta puru.

Proverbionan 28:9

Si kualke hende sera orea pa lei, asta su orashonnan ta detestabel.

Proverbionan 15:8

SEÑOR ta detestá sakrifisio ku mal hende ofresé, orashon di hende hustu E ta apresiá.

Hudas 1:23

Lo tin algun ku ainda boso lo por salba for di kandela di huisio i lo tin otro ku ounke boso mester tene mizerikòrdia ku nan, tòg boso mester warda boso mes di nan i repudiá asta e pañanan na nan kurpa, ku ta manchá pa un bida inmoral!

Proverbionan 21:27

Sakrifisio di mal hende ta detestabel, kuantu mas ainda ora nan ofres'é ku mal intenshon.

Proverbionan 21:4

Mirada di menospresio i kurason orguyoso — un aktitut asina — ta piká.

Hoséas 9:4

E ora ei nan no por basha biña mas pa SEÑOR ni agrad'É ku nan sakrifisionan. Nan kuminda ta hasi nan impuru manera pan ku hende ta kome den kas mortuorio. E pan ta plakia solamente nan hamber, nan no por ofres'é na SEÑOR den su tèmpel.

Isaías 66:3

No riba hende ku ta mata un bue pa Mi, pero alabes ta sakrifiká hende pa ofresé Mi, ku ta ofresé Mi un lamchi, pero alabes ta kibra garganta di un kachó. Nan ta trese ofrenda vegetal pa Mi i ofresé na mes momento sanger di porko. Nan ta kima sensia pa Mi i adorá diosnan falsu tambe. I nan ta pretendé ku nan ta sirbi Mi? Sigur no, na nan mes manera! Esta dushi nan ta pasa ku nan diosnan abominabel!