Génesis 49:8 - Papiamentu Bible 2013

⁸ Huda, abo, bo rumannan lo gaba, lo bo dominá bo enemigunan, bo mes rumannan lo bùig pa bo.

Beibel na Papiamentu Koriente 2013

⁸ Huda, abo, bo rumannan lo gaba, lo bo dominá bo enemigunan, bo mes rumannan lo bùig pa bo.

Génesis 49:8 Referans Kwoze

Hebreonan 7:14

Pasobra ta generalmente konosí ku E tabata bini di tribu di Huda, un tribu ku Moises no ta menshoná den su stipulashonnan tokante saserdote.

Génesis 27:29

E pueblonan lo sirbi bo i e nashonnan lo bùig pa bo. Goberná bo mes rumannan; desendiente di bo mama lo bùig pa bo. Esun ku maldishoná bo lo ta maldishoná i esun ku bendishoná bo lo ta bendishoná.’

1 Krónikanan 5:2

Huda a bira mas poderoso ku su otro rumannan. Un di su desendientenan a bira rei di Israel, pero Jozef a keda ku e derechi di yu mayó.

Yozue 10:24

Asina nan a yega, Yozue a yama tur e hòmbernan di Israel i a bisa e komandantenan di ehérsito ku a bai guera kuné: ‘Yega serka i pone pia riba garganta di e reinan akí.’ Nan a hasié.

Deuteronomio 33:7

Di tribu di Huda Moises a bisa: ‘Skucha, SEÑOR, kon Huda ta grita i tres'é bèk serka su pueblo; e ta lucha pa e pueblo, yud'é lucha kontra su atversarionan.’

Génesis 29:35

Lea a bolbe haña un yu hòmber mas. El a bisa: ‘E bia akí mi ta alabá SEÑOR.’ P'esei el a yam'é Huda. Despues di e yu akí Lea a keda poko tempu sin haña yu.

Revelashon 11:15

Ora e di shete angel a supla tròmpèt, stèm duru a zona den shelu ku a grita: ‘Reinado di mundu ta awor den man di nos Señor i di su Mesias; lo E goberná komo rei te den tur eternidat.’

Revelashon 5:5

Pero un di e ansianonan a bisa mi: ‘No yora! E leon for di tribu di Huda, desendiente di David, a triunfá: e mag kibra e shete seyonan i habri e ròl.’

Hebreonan 10:13

Einan E ta keda warda te ora Dios lo a hasi su enemigunan un banki pa su pia sosegá.

Ezekiel 21:29

Ounke tabatin vishonnan mentiroso tokante bo i profesianan engañoso, ya bo ta dal e hendenan malbado riba nan nèk; dia di nan kastigu ta bini.

Isaías 9:7

Su dominio lo ekspandé infinitamente, l'e trese pas pa semper. L'e sinta riba trono di David i ehersé poder riba su reino, un poder ku e ta establesé i sostené ku derecho i hustisia, for di e momento ei te na kabamentu di tempu. Amor perfekto di SEÑOR soberano ta hasi esei posibel.

Salmo 76:1

Dios ta konosí na Huda, su fama ta grandi na Israel.

2 Krónikanan 30:11

Tòg tabatin algun hende di tribu di Asher, Manase i Zebulon ku a arepentí i bai Herusalèm.

2 Krónikanan 17:2

El a pone sòldá den tur e siudatnan reforsá di Huda i a lanta pòstnan militar den henter pais, tambe den e siudatnan ku su tata Asa a konkistá di Efraim.

2 Krónikanan 15:9

E ora ei el a laga yama henter Huda i Benhamin pa bini Herusalèm, tambe tur hende den e regionnan di tribu di Efraim, Manase i Simeon ku a bin biba na Huda. Hopi di nan a bandoná Israel i a djòin Asa ora nan a ripará ku SEÑOR, su Dios, tabata kuné.

2 Krónikanan 14:8

Asa tabatin un ehérsito di 300.000 hudeo; nan tabatin eskudo i lansa. E tabata disponé tambe di un ehérsito di 280.000 benhaminita; nan tabatin eskudo chikí i bog. Tur tabata sòldánan balente.

2 Samuel 24:9

Yoab a partisipá rei resultado di e senso. Israel tabatin 800.000 sòldá ku por a bringa den guera, Huda 500.000.

2 Samuel 22:41

Bo a pone mi enemigu bira lomba, hui bai, mi a destruí tur esnan ku ta odia mi.

2 Samuel 5:3

Asina tur e ansianonan di Israel a bai Hebron serka rei David i rei a sera un pakto ku nan, ku SEÑOR komo testigu. E ora ei nan a konsagrá David komo rei di Israel.

Huesnan 20:18

E israelitanan a sali bai Betel, kaminda nan a konsultá Dios. Nan a puntr'É: ‘Kua tribu mester bai dilanti, ora nos ataká tribu di Benhamin?’ SEÑOR a kontestá: ‘Tribu di Huda.’

Numbernan 10:14

Promé e tribunan ku tabatin nan kampamentu bou di bandera di Huda a desarmá; tribu di Huda tabata bou di guia di Nagshon, yu di Aminadab,

Génesis 46:12

E yu hòmbernan di Huda: Shèla, Pèrès i Zèrag. Su otro yu hòmbernan: Er i Onan a muri na Kanaan. E yu hòmbernan di Pèrès tabata Hèsron i Hamul.

Génesis 42:6

Komo ta Jozef tabata guia Egipto, e mes tabata bende trigo ku e hendenan di tur parti di e pais. Ora e rumannan di Jozef a yega Egipto, nan a bùig te na suela p'e.

1 Krónikanan 28:4

Tòg SEÑOR, Dios di Israel, a skohe ami den henter mi famia pa ta rei di Israel pa semper. Pasobra El a skohe tribu di Huda pa ta hefe di Israel. Den tribu di Huda El a skohe mi famia i den e yu hòmbernan di mi tata El a hiba di gustu di skohe ami, di manera ku El a hasi mi rei di henter Israel.

Yozue 15:20

Ata e propiedat ku tribu di Huda a haña. Nan a parti e teritorio segun famia.