Génesis 49:29 - Papiamentu Bible 2013

²⁹ Yakob a ordená su yunan: ‘Pronto lo mi bai sosegá serka mi antepasadonan. Dera mi e ora ei serka mi famianan na Kanaan, den e kueba ku tin riba tereno di Efron, e hetita,

Beibel na Papiamentu Koriente 2013

²⁹ Yakob a ordená su yunan: ‘Pronto lo mi bai sosegá serka mi antepasadonan. Dera mi e ora ei serka mi famianan na Kanaan, den e kueba ku tin riba tereno di Efron, e hetita,

Génesis 49:29 Referans Kwoze

Génesis 50:13

Nan a hib'é Kanaan i a der'é den e kueba na Makpela riba e tereno ku Abraham a kumpra serka e hetita Efron pa nan tin un graf di famia. E tereno i e kueba akí ta keda na ost di Mamre.

Génesis 47:30

Dia mi muri, bai ku mi for di Egipto i dera mi den graf di mi antepasadonan.’ ‘Lo mi hasié,’ Jozef a kontestá.

Génesis 15:15

Pero abo lo biba den pas i lo bo bai sosegá serka bo antepasadonan i lo dera bo te dia bo yega un edat mashá altu.

Hebreonan 12:23

i e asamblea di e yunan privilegiá di Dios, ku ta inskribí den shelu. Boso a yega serka Dios, ku ta hues riba tur hende, i serka e spiritunan di hende hustu, ku Dios a hasi perfekto.

2 Samuel 19:37

Laga mi bai bèk, pa mi por muri na mi mes siudat, serka di graf di mi tata i di mi mama. Pero ata bo sirbidó Kimham aki. E por sigui bai ku mi shon rei; hasi p'e loke bo ta haña ta bon.’

Génesis 35:29

Bieu i satisfecho el a bai sosegá serka su antepasadonan. Su yunan Esou i Yakob a der'é.

Génesis 23:16

Abraham a bai di akuerdo ku e preis ku Efron a menshoná den presensia di tur e hetitanan. El a pisa e montante: 400 pida plata, manera tabata kustumber di paga serka e komersiantenan.

Génesis 23:17

Asina ei e tereno di Efron, na Makpela, pariba di Mamre, a bira propiedat di Abraham. No e tereno so, sino tambe e kueba i tur e palunan riba e tereno. Tur hetita ku tabata reuní na porta di siudat tabata testigu.

Génesis 49:28

Esakinan ta e diesdos tribunan di Israel, i esaki ta loke nan tata a bisa ora el a bendishoná kada un di nan apart.

Génesis 49:33

Ora Yakob a kaba di duna su yunan e instrukshonnan akí, el a kai drumi, hala delaster rosea i a bai sosegá serka su antepasadonan.

Génesis 23:9

bende mi e kueba di Makpela. E kueba ta su propiedat i ta keda na rant di su kunuku. Boso dilanti mi ke pag'é e preis kompleto ku e pidi mi, ya mi ta haña un graf pa dera mi famianan.’

Génesis 23:20

Asina Abraham a bira doño di un tereno ku un kueba ku promé tabata di e hetitanan. Awor e tabatin un graf pa dera su famianan.

Génesis 35:27

Yakob a bai bishitá su tata Isak na Mamre, serka di e siudat Kiriat-Arba ku yama Hebron tambe. Ei Abraham i Isak a biba komo strañero.

Génesis 50:12

E yunan di Yakob a hasi ku nan tata manera el a ordená nan.