Génesis 34:2 - Papiamentu Bible 2013

² Ora Shikem, yu di Hamor e hiwita, hefe di e lugá, a mira Dina, el a bai ku Dina kontra Dina su gustu i a viol'é.

Beibel na Papiamentu Koriente 2013

² Ora Shikem, yu di Hamor e hiwita, hefe di e lugá, a mira Dina, el a bai ku Dina kontra Dina su gustu i a viol'é.

Génesis 34:2 Referans Kwoze

Job 31:9

Si akaso un muhé a sedusí mi kurason, o si mi a lur den kas di mi bisiña pa slùip drenta serka su kasá,

Mateo 5:28

Ma Ami ta bisa boso: Ken ku fiha su bista riba un muhé ku deseo, ya a kometé adulterio den su kurason kaba.

Proverbionan 13:20

Es ku anda ku hende sabí ta bira sabí, pero ai di esun ku ta amigu di hende bobo.

Job 31:1

Mi a sera un pakto ku mi wowonan pa nan no fiha ku deseo riba niun muhé,

Huesnan 14:1

Samson a bai Timna i einan el a mira un muhé filisteo.

2 Samuel 11:2

Un dia ora nochi tabata bai sera, David a lanta for di su kama pa e keiru riba e dak plat di su palasio. For di riba dak el a mira un hende muhé ku tabata baña; e muhé ei tabata mashá bunita pa mira.

Deuteronomio 22:29

Den e kaso ei e hòmber mester paga tata di e mucha muhé sinkuenta moneda di plata. Pasobra el a deshonrá e mucha muhé, e mester kasa kuné i e no mag divorsiá nunka for di dje.

Deuteronomio 22:24

Hiba nan tur dos porta di siudat i tira nan ku piedra mata. E mucha muhé ta kulpabel, pasobra no a tend'é grita pidi yudansa, ounke e tabata paden di siudat. E hòmber, pasobra el a deshonrá un mucha muhé ku tabata komprometé pa kasa ku otro hende. Kaba asina ku e maldat ku tin serka boso.

Deuteronomio 21:14

Si despues bo no ta gust'é mas, lag'é bai kaminda e ke. Di ningun manera bo no mag bend'é òf trat'é komo katibu, pasobra bo a tene relashon kuné.

Génesis 33:19

E tereno kaminda el a lanta su tènt ta un tereno ku el a kumpra pa shen moneda di plata serka e desendientenan di Hamor, fundadó di Shikem.

Génesis 20:2

Ei el a laga sa ku su kasá Sara ta su ruman. P'esei Abimelèk, rei di Guerar, a duna òrdu pa buska Sara.

Génesis 10:17

hiwita, arkita, sinita,

Génesis 6:2

E tempu ei e yu hòmbernan di Dios a ripará kon bunita e yu muhénan akí, yu di hende, tabata; nan a skohe den nan i a kasa ku esnan ku nan a gusta.

Génesis 34:3

Pero el a enamorá asina tantu di Dina, ku el a purba gana su kariño.

Génesis 34:30

E ora ei Yakob a bisa Simeon ku Levi: ‘Boso a hinka mi den pèrtá. Awor e habitantenan di e lugá akí, e kanaanitanan i e perizitanan, lo haña rabia riba mi. Nan lo uni forsa i ataká mi, i komo nos ta muchu poko hòmber, nan lo mata ami i mi famia.’

Huesnan 9:28

Na e okashon ei, Gaal, yu di Ebèd, a bisa: ‘Ta ken Abimelèk ta kere ku e ta? I di kon un siudat manera Shikem mester sirbi yu di Yerubaal i su komandante Zebul? Boso no mester sirbi Abimelèk, pero e hòmbernan di Hamor, fundadó di e siudat Shikem.

Génesis 34:27

E otro yunan di Yakob tambe a yega, nan a bai hòrta propiedat di e mortonan i a sakia e siudat pa asina venga loke a pasa nan ruman Dina.

Yozue 9:7

Pero e israelitanan a kontestá e hiwitanan: ‘Kon nos por sera un aliansa ku boso? Por ta ku ta djis aki banda mes boso ta biba!’

2 Samuel 11:4

Despues di esei David a manda su mensaheronan bai busk'é. E muhé, ku a kaba di purifiká su mes despues di su dianan di regla, a bini serka David i David a drumi kuné. Despues el a bai su kas bèk.

2 Samuel 13:14

Sinembargo Amnon no ker a tende di Tamar, pero el a gar'é i viol'é.