Génesis 19:5 - Papiamentu Bible 2013

⁵ Nan tabata grita: ‘Lòt, unda e hòmbernan ku a bini bo kas awe nochi ta? Bini ku nan pafó pa nos tene relashon ku nan!’

Beibel na Papiamentu Koriente 2013

⁵ Nan tabata grita: ‘Lòt, unda e hòmbernan ku a bini bo kas awe nochi ta? Bini ku nan pafó pa nos tene relashon ku nan!’

Génesis 19:5 Referans Kwoze

Huesnan 19:22

Pero miéntras nan tabata kome i bebe na nan antoho, e hòmbernan di e siudat, un sèt di malechor, a rondoná e kas. Nan a kuminsá bati riba e porta i grita e hòmber bieu, doño di e kas: ‘Trese e hòmber ku ta bo invitado, pafó, pa nos tene relashon kuné.’

Hudas 1:7

Kòrda tambe riba Sódoma i Gomora i e siudatnan den nan bisindario. Nan hendenan tambe a kometé inmoralidat seksual; nan a sigui bisio ku ta bai kontra naturalesa. P'esei nan kastigu ta: kima eternamente den kandela komo un atvertensia pa tur hende.

Isaías 3:9

E partidario ku nan ta, ta reda nan, nan ta kana konta nan pikánan tur kaminda manera e hendenan di Sódoma, nan no ta tapa nan. Ai di nan, pasobra nan a kumpra kastigu pa nan kurpa!

Levítiko 18:22

No tene relashon seksual ku un otro hòmber manera ta tene relashon ku un muhé, ta un akto mashá repugnante.

1 Timoteo 1:10

hende hòmber ku ta kometé inmoralidat seksual ku hende muhé, i hende hòmber ku ta drumi ku hende hòmber, trafikante di katibu, gañadó, esnan ku ta hura falsu òf ku ta hasi tur loke ta kontra doktrina sano.

1 Korintionan 6:9

Sigur sigur boso ta na altura ku esnan malbado no tin parti den reino di Dios. No gaña boso mes: hende inmoral, hende ku ta adorá dios falsu, ta kometé adulterio, ta praktiká homoseksualidat òf ta drumi ku un homoseksual,

Ezekiel 16:51

Samaria no a hasi ni mitar di e kantidat di pikánan ku bo a hasi. Bo a hasi mas kos repugnante ku bo ruman muhénan a hasi. Kompará ku tur e kosnan repugnante ku bo a hasi, ta parse komo si fuera nan a biba un bida bon.

2 Timoteo 3:13

i hende malbado i gañadó lo bira dia pa dia pió. Nan lo sigui gaña hende i hende lo sigui gaña nan.

Ezekiel 16:49

E piká di bo ruman muhé Sódoma tabata ku e i su yu muhénan tabata orguyoso i ku nan tabata biba den abundansia i un trankilidat negligente sin preokupá pa hende pober i den nesesidat.

Yeremías 6:15

Nan mester tin bèrgwensa di nan komportashon horibel, pero nan ta sin niun klase di bèrgwensa, nan no ta ni kambia koló. P'esei nan lo bai pèrdí meskos ku tur otro hende den Israel. Ora Mi bini pa kastigá nan, e ora ei sí palabra a kaba pa nan.’ Asina SEÑOR ta bisa.

Yeremías 3:3

P'esei Ami, SEÑOR, a wanta yobida, awa pa kosecha no a kai. Sinembargo bo a keda ku mirada frepòstu manera prostituta, sin niun klase di bèrgwensa.

Isaías 1:9

Si SEÑOR, Dios Soberano, no a laga algun di nos sobrebibí, nos lo a disparsé manera Sódoma i Gomora, siudatnan di maldat.

Levítiko 20:13

Si un hòmber tene relashon seksual ku un otro hòmber manera ta tene relashon ku un muhé, tur dos ta hasi nan mes kulpabel na un akto repugnante; mata mester mata tur dos. Nan mes ta responsabel pa nan morto.

2 Pedro 2:2

I lo tin hopi ku lo bai tras di nan komportashon inmoral, p'esei hende lo papia malu di e kaminda di bèrdat.

2 Pedro 2:7

Pero Dios a salba Lòt, un hende rekto, ku tabata biba tormentá pa e bida inmoral di e hendenan sin eskrúpulo ei.

Génesis 19:6

E ora ei Lòt a sali pafó p'e bai serka nan; pero el a sera e porta su tras.

Deuteronomio 23:17

E israelitanan, sea ku nan ta hòmber òf muhé, no mag praktiká prostitushon den santuario.

1 Reinan 14:24

Den e pais tabatin asta hende hòmber ku tabata praktiká prostitushon na honor di e diosnan falsu. Nan tabata hasi e kosnan repugnante ei meskos ku e pueblonan ku SEÑOR a kore kuné pa e israelitanan a haña nan teranan.

1 Reinan 22:46

El a saka e hòmbernan, ku for di tempu di su tata Asa tabata praktiká prostitushon sagrado, for di pais.

Ezekiel 16:50

Nan tabata sinti nan mashá kos i tabata hasi kosnan repugnante Mi dilanti. Asina Mi a mira e kos ei, Mi a kaba ku nan.