Génesis 1:27 - Papiamentu Bible 2013

²⁷ Dios a krea hende segun su imágen. Segun imágen di Dios El a kre'é: hòmber i muhé.

Beibel na Papiamentu Koriente 2013

²⁷ Dios a krea hende segun su imágen. Segun imágen di Dios El a kre'é: hòmber i muhé.

Génesis 1:27 Referans Kwoze

Mateo 19:4

Hesus a kontestá nan: ‘Boso no a lesa ku na kuminsamentu, Kreador a krea nan hòmber i muhé?

Efesionan 2:10

Pasobra ta Dios a hasi nos loke nos ta: den Kristu-Hesus El a krea nos pa hasi bon obra. Asina nos por kana den e kaminda di bon obra, ku Dios a prepará kaba pa nos.

Marko 10:6

Na kuminsamentu Dios a krea nan hòmber i muhé.

Efesionan 4:24

i boso mester biba manera hende nobo, kreá segun imágen di Dios, hende ku ta biba un bida rekto i hustu, inspirá pa bèrdat.

Salmo 139:14

Mi t'alabá Bo pasobra B'a traha mi di un manera asombroso, un milager. Hundu den mi kurason mi sa esei.

Isaías 43:7

tur ku ta karga mi Nòmber, ku M'a krea na mi honor, ku M'a forma i ku ta mi obra.” ’

Kolosensenan 1:15

E ta imágen visibel di Dios invisibel; E ta Esun promé, alsá riba henter kreashon.

Malakías 2:15

Ningun hende ku djis un tiki sano huisio no ta hasi algu asina. Kiko e ta hasi e ora ei sí? E ta sòru pa e haña yu ku ta honra Dios. No pèrdè bo sano huisio i no sea infiel na e muhé ku bo a kasa kuné tempu bo tabata yòn.

Génesis 2:18

Despues SEÑOR Dios a bisa: ‘No ta bon pa e hende ta so. Mi ta bai traha un kompañero ku ta yud'é i ku ta pas kuné.’

Kolosensenan 1:26

E mensahe ta e plan ku tabata skondí pa tur hende durante tur e siglonan ku a pasa, ma ku awor El a revelá na e pueblo santu.

Kolosensenan 3:10

i boso a kuminsá biba manera hende nobo, ku Dios, e Kreador, ta sigui renobá pa asina boso kambia den su imágen i siña konos'É di bèrdat.

Génesis 9:6

Esun ku drama sanger di un hende, un otro hende lo drama di dje, pasobra hende ta trahá segun Dios su imágen.

Deuteronomio 4:32

Studia pasado, kuminsá ku e dia ku Dios a krea e promé hende na mundu. Sondia henter mundu di ost pa wèst: Nunka algu asina a yega di sosodé? Nunka niun hende a yega di tende di algu asombroso asina?

Predikador 7:29

Mi a topa solamente lo siguiente: ku Dios a traha hende perfekto, pero ku hende mes a hasi su bida kompliká.

Génesis 2:7

E ora ei SEÑOR Dios a forma hende for di tera. El a supla rosea den su nanishi i asina hende a haña bida.

Huesnan 21:22

Si nan tata òf ruman hòmber bin reklamá serka nos, nos lo bisa nan: “Regalá tribu di Benhamin e mucha muhénan, pasobra den e bataya kontra Yabèsh nos no por a haña un mucha muhé pa kada un di nan. Fuera di esei, no ta boso a regalá nan e yu muhénan. Awèl, boso no a falta ku e huramentu.” ’

Yeremías 29:6

Kasa i haña yu; kasa boso yunan di manera ku nan tambe ta haña yu. Boso kantidat mester oumentá, no disminuí.