Galatanan 5:17 - Papiamentu Bible 2013

¹⁷ Pasobra mal deseo ta bringa Spiritu di Dios i E ta bringa nan! Esun ta bai kontra di e otro, ke men ku boso no por djis hasi loke boso ke!

Beibel na Papiamentu Koriente 2013

¹⁷ Pasobra mal deseo ta bringa Spiritu di Dios i E ta bringa nan! Esun ta bai kontra di e otro, ke men ku boso no por djis hasi loke boso ke!

Galatanan 5:17 Referans Kwoze

Romanonan 8:13

Pasobra si boso biba segun boso mal deseonan, sigur sigur boso lo muri, pero si, pa medio di Spiritu Santu, boso pone un fin na e práktikanan di maldat, boso lo biba!

Huan 3:6

Un hende ta nase físikamente di su mayornan humano, ma spiritualmente e ta nase di Spiritu Santu.

Mateo 26:41

Boso mester keda lantá i resa pa boso no kai den tentashon. Spiritu di hende tin boluntat sí, ma ta hende mes ta débil.’

Salmo 119:20

Mi alma ta muri di anhelo pa bo dekretonan, tur ora.

Predikador 7:20

Tene bo na tur dos konseho, pasobra riba mundu no tin niun hende hustu ku ta hasi bon sin peka nunka.

Salmo 119:32

Mi ta kore lihé riba e kaminda ku bo mandamentunan ta mustra: Bo ta aliviá mi kurason.

Hakobo 3:2

Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.

Mateo 16:23

Hesus a bira bisa Pedro: ‘Bai for di Mi, satanas! Bo ta un estorbo pa Mi; bo no ta pensa manera Dios, ma manera hende!’

Lukas 22:46

Hesus a bisa nan: ‘Pakiko boso ta drumi? Lanta ariba hasi orashon, pa boso no kai den tentashon!’

Mateo 12:30

Esun ku no ta na mi fabor, ta kontra Mi i esun ku no yuda Mi pone huntu, ta plama.

Galatanan 3:21

Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu!

Lukas 22:33

Pedro a kontest'É: ‘Señor, mi ta kla pa bai prizòn i muri huntu ku Bo!’

Mateo 16:17

Hesus a bis'é: ‘Felis bo ta, Simon, yu di Huan, pasobra no ta hende a revelá bo esaki, ma mi Tata ku ta den shelu.

Mateo 5:6

Felis esnan ku hamber i set pa hustisia; Dios lo satisfasé nan.

Isaías 6:5

Mi a bisa: ‘Ai di mi! Mi ta pèrdí! Ami un hende ku lepnan impuru, bibá meimei di otro hende ku lepnan impuru, ku mi mes wowo a mira Rei, SEÑOR soberano!’

Salmo 130:3

Si Bo kòrda nos pikánan, SEÑOR, ken lo por wanta bo huisio?

Salmo 119:176

Mi sa dualu — un karné ku a pèrdè — : buska bo sirbiente. Nò, mi no a lubidá bo mandamentunan.

Salmo 119:159

Mira kon mi ta stima bo dekretonan, piedat, SEÑOR, duna mi bida.

Salmo 119:133

Guia mi paso segun bo promesa, pa maldat no dominá mi.

Salmo 119:40

Mira kuantu mi ta stima bo dekretonan. Duna mi bida! Bo n' ta hustu?

Salmo 119:35

Pone mi sigui direkshon di bo mandatonan, pasobra nan ta mi goso.

Salmo 65:3

Hende mortal, tur ta bini serka Bo ku nan peso di piká; nos faltanan a bira muchu pa mi, Abo pordoná nan!

Génesis 6:3

E ora ei SEÑOR a bisa: ‘E rosea di bida ku Mi a supla den hende lo no keda den dje pa semper; pasobra e hende ta mortal i lo no biba mas ku 120 aña.’