Galatanan 3:29 - Papiamentu Bible 2013

²⁹ I si boso ta pertenesé na Kristu, boso ta desendiente di Abraham i ta haña benefisio di e promesanan ku Dios a hasi Abraham.

Beibel na Papiamentu Koriente 2013

²⁹ I si boso ta pertenesé na Kristu, boso ta desendiente di Abraham i ta haña benefisio di e promesanan ku Dios a hasi Abraham.

Galatanan 3:29 Referans Kwoze

Efesionan 3:6

Anto esaki ta loke tabata skondí: ku esnan ku no ta hudiu, pa medio di predikamentu di e bon notisia i di nan union ku Kristu, huntu ku nos, ku ta hudiu, ta tuma parti na e mesun herensia, ta bira miembro di e mesun kurpa i ta risibí e mesun promesa di Dios.

Galatanan 3:7

P'esei boso mester realisá ku ta esnan ku ta kere Dios ta desendiente di Abraham.

Romanonan 8:17

I komo nos ta yu, nos lo tin parti tambe den e benefisionan ku Dios a primintí. Nos lo tin parti den nan huntu ku Kristu, basta nos sufri huntu kunÉ pa asina nos por ta huntu kunÉ den su gloria tambe!

Tito 3:7

Dios a salba nos, pa, despues ku den su bondat El a aseptá nos komo hustu, nos por tin e speransa di tuma parti na e benefisionan di bida eterno.

Revelashon 21:7

Es ku triunfá lo haña tur e kosnan akí, i lo Mi ta su Dios i e mi yu.

Galatanan 4:7

Ke men antó ku bo no ta katibu mas, pero yu di Dios i ta Dios su boluntat pa, komo yu, bo ta heredero tambe!

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

2 Korintionan 10:7

No pèrdè loke ta bon kla for di bista! Si un hende ta pensa ku e ta pertenesé na Kristu, e mester tene kuenta ku nos tambe ta pertenesé na Kristu!

Hebreonan 6:17

Dios ker a sigurá esnan ku e promesa tabata destiná p'e, mashá kla, ku su desishon tabata inkambiabel. P'esei El a konfirmá e promesa ei ku un huramentu.

Galatanan 3:16

Wèl, Dios a hasi su promesanan na Abraham i su desendiente. Skritura no ta papia di desendientenan; tin skibí: ‘bo desendiente’, esta Kristu.

Hebreonan 11:18

‘Dor di Isak bo ta haña e desendientenan ku Mi a primintí.’

Hebreonan 11:7

Pasobra Noe tabatin fe, el a tuma Dios na serio, ora El a atvertié pa kos ku ainda no por a mira. El a konstruí un arka pa salba su famia. Su bida di fe a kondená e otro hendenan riba mundu, pero a pone ku Dios a aseptá é komo hustu.

Hebreonan 1:14

Pasobra tur e angelnan ta spiritu den servisio di Dios, ku E ta manda bai sirbi esnan ku lo risibí salbashon.

Galatanan 5:24

Esnan ku ta pertenesé na Kristu-Hesus, ya a krusifiká e hende pekadó den nan mes, huntu ku su pashon- i mal deseonan.

Galatanan 3:28

Awor no tin kuenta di hudiu òf no hudiu, katibu òf hende liber, hende hòmber òf hende muhé, pasobra boso tur ta ún dor di boso union ku Kristu-Hesus.

1 Korintionan 15:23

Pero kada un ta lanta for di morto na su turno: promé Kristu i despues, ora E bini bèk, esnan ku ta pertenesé n'E.

Mateo 3:9

No pensa den boso mes ku boso ta skapa pasobra boso ta desendiente di Abraham. Ami ta bisa boso: Dios por traha desendiente pa Abraham for di e piedranan ku tin aki.

Galatanan 3:18

Pues si e benefisionan ku Dios a primintí tabata dependé di Lei di Moises, nan lo no tabata dependé di e promesa. Pero Dios a duna Abraham e benefisionan ei gratuitamente pa medio di e promesa.

Galatanan 4:1

Esaki ta loke mi ke men: miéntras un heredero ta menor di edat, no tin niun diferensia entre e i un katibu di kas, ounke en realidat e heredero ta doño di tur kos.

Galatanan 6:16

Pas i mizerikòrdia pa tur hende ku ta biba segun e regla akí, esta pa e Israel di Dios!