Galatanan 3:17 - Papiamentu Bible 2013

¹⁷ Mi ke men lo siguiente: Dios ya a sera un aliansa ku Abraham i a primintí di keda fiel na e aliansa ei. P'esei Lei di Moises, ku a bini 430 aña despues, no por a anulá e aliansa ei i kanselá e promesa ku Dios a hasi Abraham.

Beibel na Papiamentu Koriente 2013

¹⁷ Mi ke men lo siguiente: Dios ya a sera un aliansa ku Abraham i a primintí di keda fiel na e aliansa ei. P'esei Lei di Moises, ku a bini 430 aña despues, no por a anulá e aliansa ei i kanselá e promesa ku Dios a hasi Abraham.

Galatanan 3:17 Referans Kwoze

Génesis 15:13

E ora ei SEÑOR a bis'é: ‘Mi ke pa bo sa ku bo desendientenan lo ta strañero den un pais ku no ta di nan. Kuatershen aña largu nan lo ta katibu einan i nan lo ta oprimí.

2 Korintionan 1:20

Kristu ta konfirmashon di tur promesa ku Dios a hasi, p'esei ta pa medio di djE, nos ta bisa ‘amèn’ na honor di Dios.

Romanonan 3:3

pero algun di nan no tabata fiel n'E! Akaso esei ke men ku Dios ta stòp di ta fiel na nan?

Kolosensenan 2:4

Mi ta bisa esaki pa evitá ku hende ta gaña boso ku argumento bunita.

Galatanan 5:4

Boso ku ke pa Dios aseptá boso komo hustu, pasobra boso ta kumpli ku Lei, a keda separá di Kristu. Boso a benta grasia di Dios afó.

Galatanan 3:15

Rumannan, mi ta bai duna boso un komparashon for di bida diario. Ora un hende sera un kontrakt i pone su firma bou di dje, niun hende no por anul'é òf pone algu aserka.

1 Korintionan 1:17

Pasobra Kristu no a manda mi pa mi batisá hende, ma pa prediká e bon notisia, sin usa sabiduria humano ku su papiá bunita, pa Kristu su morto riba krus no pèrdè poder.

Huan 1:17

Ta asina ku a risibí lei via Moises; bondat i fieldat a bini pa medio di Hesu-Kristu.

Isaías 14:27

I ora SEÑOR soberano tuma un desishon, ken por kibr'é? I ora E hisa man, ken por bah'é?

1 Pedro 1:20

Dios a destiná Kristu pa esei for di promé ku mundu a kuminsá, pero awor akí, den e último dianan, Kristu a aparesé pa boso.

Hebreonan 11:13

Den fe nan tur a muri sin haña loke Dios a primintí nan. Pero esei nan a mira for djaleu i nan a keda kontentu kuné. Nan a rekonosé ku na mundu nan tabata strañero i habitante pasahero.

Hebreonan 7:18

A abolí e preskripshon eksistente pasobra e tabata inútil i sin forsa:

Efesionan 4:17

Esaki antó ta loke ami tin pa bisa boso i mi ta bis'é ku énfasis na nòmber di Señor: no komportá boso manera pagano ku ta pensa lokura.

Galatanan 3:21

Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu!

2 Korintionan 9:6

Kòrda bon, e persona ku sembra tiki, ta kosechá tiki! Anto es ku sembra hopi, ta kosechá hopi!

1 Korintionan 10:19

Kiko mi ke men ku esei? Akaso kuminda ofresé na dios falsu ta mas ku kuminda normal? Òf un imágen di un dios falsu ta mas ku un imágen komun i koriente?

1 Korintionan 7:29

Loke mi ke men, rumannan, ta esaki: no a sobra muchu tempu mas; p'esei for di awor hòmber kasá mester biba komo si fuera nan no ta kasá.

1 Korintionan 1:12

Loke mi ke men ta lo siguiente: tin algun di boso ta bisa: ‘Ami ta di Pablo!’, otro ta bisa: ‘Ami di Apolo!’, algun otro: ‘Ami ta di Kefas!’ i otronan ta bisa: ‘Ami ta di Kristu!’

Romanonan 3:25

Dios a hasi Kristu instrumento di pordon dor di lag'É drama su sanger. I e pordon ei nos ta alkansá pa medio di fe. Di e forma akí Dios ker a mustra kon hustu E ta dor di pordoná nos pikánan di ántes,

Echonan 7:6

Esaki ta loke Dios a bis'é: “Bo desendientenan lo biba den un pais strañero. Nan lo hasi nan katibu i maltratá nan kuatershen aña largu.

Isaías 28:18

Boso kombenio ku Lamuèrtè, e pakto ku reino di morto, niun di dos lo no tin niun krench'i balor mas. Pa loke ta toka e katástrofe, ku manera lawin'i awa, ta bira basha riba boso, lo e tapa boso.

Salmo 33:10

SEÑOR ta bruha propósito di pueblonan, E ta para plannan di nashonnan,

Job 40:8

Ta di bèrdè mes bo ke pretendé ku Mi ta inhustu i bo ke deklará Mi kulpabel, pa bo mes sali liber?

Numbernan 30:8

Pero si su esposo ta kontra ora e tende, e ta hasi e promesa i e huramentu hasí sin pensa, inbálido. SEÑOR no ta eksigí di e muhé p'e kumpli ku nan.

Numbernan 23:19

Dios no ta manera hende, E no sa gaña, E no ta manera yu di hende, E no ta haña duele di loke E bisa. Lo E bisa un kos, keda sin hasié? Primintí algu i keda sin kumpli kuné?

Génesis 17:19

Pero Dios a kontest'é: ‘Nò! Bo kasá Sara lo duna bo un yu i lo bo yam'é Isak. Ta kuné lo Mi sera mi aliansa komo un aliansa eterno ku lo konta pa su desendientenan tambe.

Génesis 15:18

E dia ei SEÑOR a sera un aliansa ku Abram i a primintié: ‘E tera akí Mi ta bai duna bo desendientenan, for di e riu di Egipto te na e riu grandi, Eufrat.

Galatanan 5:16

P'esei mes mi ta bisa: Si boso laga Spiritu di Dios dirigí boso bida, boso lo no satisfasé boso mal deseonan.

Salmo 105:9

e pakto, será ku Abraham, e huramentu, hasí na Isak,

Efesionan 2:12

Awor kòrda kon boso tabata sin Kristu den e tempu ei, ekskluí di e komunidat di Israel. Boso no tabata tuma parti na e aliansanan ni na promesa di Dios; boso tabata biba riba e mundu akí sin speransa i sin Dios.