Galatanan 2:19 - Papiamentu Bible 2013

¹⁹ Pasobra ami, ku tabata bou di Lei, a muri pa Lei pa asina mi biba pa Dios. Mi a keda krusifiká huntu ku Kristu

Beibel na Papiamentu Koriente 2013

¹⁹ Pasobra ami, ku tabata bou di Lei, a muri pa Lei pa asina mi biba pa Dios. Mi a keda krusifiká huntu ku Kristu

Galatanan 2:19 Referans Kwoze

Romanonan 7:4

Asina ta sosodé ku boso tambe, mi rumannan. Ta pasobra Kristu a sakrifiká su kurpa, boso ta morto pa loke ta trata Lei di Moises. Awor boso ta pertenesé na un otro, esta, na Esun ku a lanta for di morto pa nos por biba un bida fruktífero pa Dios.

Romanonan 6:2

Apsolutamente ku nò! Nos ta morto kaba enkuanto piká. Kon anto nos por sigui biba un bida di piká?

1 Tesalonisensenan 5:10

T'É a muri pa nos, pa nos por biba huntu kunÉ, sea ku nos ta na bida òf den soño di morto.

2 Korintionan 5:15

El a muri pa tur hende, ya esnan ku ta na bida no ta biba pa nan mes, sino solamente pa Esun ku a muri pa nan, Esun ku Dios a lanta for di morto.

Romanonan 6:11

Meskos boso tambe, sigur sigur, mester konsiderá boso mes morto pa piká, pero bibu pa Dios, ya ku boso ta uní ku Kristu-Hesus.

Romanonan 8:2

Pasobra e lei di Spiritu ku ta duna bida den Kristu-Hesus, a libra bo di e lei di piká i morto.

1 Pedro 2:24

Kristu mes a karga nos pikánan den su kurpa hiba nan na krus pa nos por muri pa piká i biba un bida segun boluntat di Dios. Ta danki na su yaganan ku boso a haña kura.

Romanonan 6:14

E ora ei piká lo no dominá boso, pasobra boso no ta sometí mas na Lei di Moises, pero na grasia.

1 Pedro 4:6

P'esei mes a prediká e bon notisia na esnan ku awor akí ta morto, pa asina, ounke komo hende nan tabata sentensiá na muri físikamente, tòg nan biba pa medio di Spiritu Santu manera Dios ta biba.

Hebreonan 9:14

Kuantu mas forsa e sanger di Kristu tin e ora ei! Pasobra pa medio di e Spiritu eterno El a ofresé su mes na Dios komo un sakrifisio perfekto i asina a purifiká nos konsenshi di tur obra ku ta hiba na morto, di manera ku nos por sirbi e Dios berdadero.

Tito 2:14

Ta Hesu-Kristu a entregá su bida pa nos pa por libra nos di tur maldat i purifiká nos, di manera ku nos por bira su mes pueblo, zeloso pa hasi bon obra.

Kolosensenan 2:20

Boso a muri huntu ku Kristu i keda librá di e podernan spiritual ku ta dominá mundu. Pakiko antó boso ta obedesé sierto regla komo si fuera boso ta pertenesé na e mundu akí ainda? Regla manera:

Galatanan 3:24

Anto Lei tabata pa nos manera un yaya ku ta kuida mucha, te ora Kristu a bini pa Dios por a aseptá nos komo hustu pa medio di fe.

Galatanan 2:20

i ya no ta ami mes ta biba, pero ta Kristu ta biba den mi. E bida ku mi ta biba awor akí den e kurpa akí, mi ta biba pa medio di fe den Yu di Dios, ku a mustra mi su amor i a entregá su bida pa mi.

Kolosensenan 3:3

Pasobra boso ta morto i awor boso bida ta skondí huntu ku Kristu den Dios.

Galatanan 3:10

Pasobra tur esnan ku ta konfia riba Lei di Moises pa haña salbashon ta maldishoná, ya ku Skritura ta bisa: ‘Maldishoná ta esun ku no ta kumpli fielmente ku tur loke ta den buki di Lei.’

1 Korintionan 10:31

En todo kaso, sea ku boso ta kome òf bebe, hasi tur kos na honor di Dios.

Romanonan 7:14

Nos sa tòg ku Lei ta spiritual, pero t'ami ta hende di karni i wesu, bendí ku piká manera ta bende katibu.

Romanonan 5:20

A introdusí Lei pa piká oumentá, pero ora piká a oumentá Dios a mustra su grasia muchu mas tantu.

Romanonan 4:15

Lei ta trese kastigu, pero kaminda no tin Lei, hende no por faya kuné tampoko!

1 Korintionan 9:20

Tempu mi tabata traha bou di e hudiunan, mi tabata biba manera hudiu pa asina mi gana nan. Ounke mi mes no ta kai bou di lei di Moises, mi tabata biba komo si fuera mi tabata kai bou di lei, pa asin'ei mi por gana esnan ku ta bou di lei.

Galatanan 6:14

Ami sí no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri pa mi i ami ta morto pa mundu.