Filipensenan 4:6 - Papiamentu Bible 2013

⁶ No preokupá pa nada, sino den tur sirkunstansia presentá boso petishonnan na Dios den orashon i semper ku gradisimentu.

Beibel na Papiamentu Koriente 2013

⁶ No preokupá pa nada, sino den tur sirkunstansia presentá boso petishonnan na Dios den orashon i semper ku gradisimentu.

Filipensenan 4:6 Referans Kwoze

1 Pedro 5:7

Tira tur preokupashon riba djE, pasobra E ta kuida boso.

Salmo 55:22

Tira bo preokupashon riba SEÑOR, E mes lo perkurá pa bo: nunka lo E no pèrmití pa un hende hustu trompeká.

Mateo 6:8

No hasi antó manera nan, pasobra boso Tata sa loke boso mester, promé ku boso pidiÉ.

Yeremías 33:3

‘Yama Mi i Mi ta rospondé! Lo Mi konta bo di kosnan grandi, insondabel, kosnan ku bo no sa ni por sa di dje tampoko.

Proverbionan 16:3

Pone tur loke bo hasi den man di SEÑOR, i bo plannan lo realisá.

Salmo 62:8

Mi pueblo, konfia semper den djE, deshogá bo kurason serka djE. Ta Dios, t'E ta nos refugio.

Kolosensenan 4:2

Perseverá den orashon; resa alerta i yama Señor danki.

Efesionan 6:18

Resa i pidi Dios su yudansa semper i na tur okashon, guiá pa Spiritu Santu. Den esei sea alerta, i resa sin deskurashá pa henter e pueblo santu.

Kolosensenan 3:17

Den tur loke boso bisa òf hasi, boso mester honra nòmber di Señor Hesus, yamando Dios Tata danki pa medio di djE.

Lukas 18:1

Hesus a konta su disipelnan un parábola pa siña nan ku nan mester resa semper, sin deskurashá.

Lukas 12:22

Hesus a bisa su disipelnan: ‘Ta p'esei Mi ta bisa boso: no preokupá pa boso bida, esta kiko kome òf kua paña bisti.

Salmo 51:15

Señor, habri mi lepnan i mi boka lo kanta bo alabansa.

Kolosensenan 3:15

Laga e pas di Kristu guia boso kurason; pasobra ta pa haña e pas ei mes, Dios a yama boso pa huntu boso forma ún kurpa. Sea gradesido na Dios!

1 Samuel 30:6

David tabata den mashá pèrtá, pasobra su kompañeronan tabata papia di batié ku piedra mata. Nan tur tabata mashá disgustá pa loke a pasa ku nan yunan. Sinembargo, David a haña brio atrobe, danki na SEÑOR su Dios.

Efesionan 5:20

Semper yama Dios Tata danki pa tur kos, den nòmber di nos Señor Hesu-Kristu.

Salmo 55:17

Anochi, mainta i mèrdia mi ta grita yora i keha: i enberdat E ta tende mi stèm.

Lukas 10:41

Señor a kontest'é: ‘Marta, Marta, bo ta preokupá i den tenshon pa hopi kos,

Lukas 18:7

Akaso Dios lo no duna su eskohidonan ku ta sklama n'E di dia i anochi, nan derecho? Lo E no tarda pa yuda nan.

Mateo 10:19

Ora nan entregá boso na tribunal, no preokupá di antemano kiko bisa òf kon papia. Ora e momento yega, boso lo risibí loke boso mester bisa.

Proverbionan 15:8

SEÑOR ta detestá sakrifisio ku mal hende ofresé, orashon di hende hustu E ta apresiá.

Lukas 12:29

No tormentá boso mes kontinuamente ku pensamentu tokante kiko kome i bebe.

1 Samuel 1:15

‘Nò, mi shon, no ta asina,’ Hana a kontestá. ‘No ta biña ni ningun bibida stèrki mi a bebe, ma mi ta sinti un peso na mi kurason i mi ta deshogando mi pena dilanti di SEÑOR.

2 Korintionan 1:11

Boso ta koperá ku esei si boso resa pa nos. Asina hopi hende lo gradisí Dios mashá pa e bondat ku El a mustra nos.

1 Korintionan 7:32

Mi ke pa boso ta liber di ansiedat; e hòmber ku no ta kasá, ta okup'é ku trabou di Señor i kon komplasé Señor.

1 Pedro 4:7

Fin di tur kos ta serka! P'esei boso mester ta prudente i alerta pa boso por dediká boso na orashon.

Mateo 13:22

E simia ku a kai meimei di sumpiña, ta esun ku ta tende e palabra, ma kosnan di mundu ta preokup'é hopi i rikesa ta gañ'é. Tur e kosnan akí ta stek e palabra i e no ta karga fruta.

Daniel 3:16

Shadrak, Meshak i Abed-Nego a kontestá: ‘Mihó nos no diskutí riba e asuntu akí.

2 Krónikanan 32:20

Pero rei Ezekías i profeta Isaías, yu di Amoz, a resa pidi Dios yudansa.

1 Samuel 7:12

Despues Samuel a kohe un piedra i a pon'é meimei di Mispa i Sen; el a yam'é Ebèn-Haezèr, es desir piedra di yudansa. ‘Pasobra,’ el a bisa, ‘te awor akí SEÑOR a yuda nos.’

E kanto di tur kanto 2:14

Mi palomita, skondí den kibrá di baranka, den bo hòl na altu den lomba di seru, laga mi mira bo figura, esta un enkanto e ta; laga mi tende bo stèm, esta dushi e ta!’

1 Korintionan 7:21

Bo tabata katibu dia Dios a yama bo? No wòri bo kabes, ma si bo haña oportunidat pa bira liber, tuma bo chèns!

1 Reinan 8:28

P'esei SEÑOR mi Dios, pone atenshon na loke mi ta roga i pidi Bo. Skucha e súplika i e orashon ku bo sirbidó ta dirigí na Bo awe!

Yeremías 32:16

Despues ku mi a kaba di duna Barug, yu di Neria, e akto di kompra, mi a resa na SEÑOR:

Daniel 6:10

Asina Daniel a tende di e dekreto, el a bai su kas. Su sala di ariba tabatin bentana ku ta habri den direkshon di Herusalèm. Den e sala ei, kaminda e tabatin kustumber di resa i alabá su Dios tres be pa dia, el a hinka rudia.

Mateo 6:34

Pues, no preokupá pa e dia di mañan, pasobra e dia di mañan ta preokupá pa su mes problemanan. Kada dia tin sufisiente problema di su mes.

1 Timoteo 2:1

Promé ku tur kos mi ta hasi un apelashon serio na e kreyentenan pa ofresé súplika, orashon, interseshon i gradisimentu na Dios pa tur hende.

1 Timoteo 5:5

E biuda ku a keda kompletamente so, sin niun hende pa kuid'é, a pone tur su speransa den Dios; di dia i anochi e ta resa, hasi petishon na Dios.