Filemon 1:17 - Papiamentu Bible 2013

¹⁷ Ke men si bo tin mi pa kompañero, risibí Onésimo manera lo bo a risibí mi mes.

Beibel na Papiamentu Koriente 2013

¹⁷ Ke men si bo tin mi pa kompañero, risibí Onésimo manera lo bo a risibí mi mes.

Filemon 1:17 Referans Kwoze

2 Korintionan 8:23

Pa loke ta trata Tito, e ta mi kompañero i ta kolaborá ku mi pa yuda boso. E otro rumannan ku ta bai huntu kuné, ta representá e iglesianan; nan ta hende ku ta honra Kristu.

Mateo 10:40

Esun ku risibí boso, ta risibí Mi i esun ku risibí Mi, ta risibí esun ku a manda Mi.

Filemon 1:12

Mi ta mand'é bèk pa bo i ta manera ta mi kurason mes mi ta saka manda pa bo!

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

Hebreonan 3:1

P'esei, rumannan, boso ku ta pertenesé na Dios i ku El a yama pa ta di djE, paga bon tinu na Hesus, Apòstel i Gransaserdote di e fe ku nos ta profesá.

Efesionan 3:6

Anto esaki ta loke tabata skondí: ku esnan ku no ta hudiu, pa medio di predikamentu di e bon notisia i di nan union ku Kristu, huntu ku nos, ku ta hudiu, ta tuma parti na e mesun herensia, ta bira miembro di e mesun kurpa i ta risibí e mesun promesa di Dios.

Echonan 16:15

Despues ku e i e hendenan di su kas a batisá, el a invitá nos ku e siguiente palabranan: ‘Si boso ta konsiderá mi un disipel di Señor, ban mi kas ku mi.’ Anto el a gana nos pa bai kuné tambe!

Mateo 25:40

Rei lo bisa nan: “Mi ta sigurá boso: tur kos ku boso a hasi pa un di e rumannan di ménos importansia akí di Mi, boso a hasié pa Mi.”

Mateo 18:5

I es ku risibí un mucha asin'akí den mi nòmber, ta risibí Mi mes.

1 Huan 1:3

Ta loke nos a mira i tende nos ta proklamá na boso, pa boso por tin komunion ku nos, meskos ku nos tin komunion ku Tata i ku su Yu Hesu-Kristu.

1 Pedro 5:1

Mi ta hasi un apelashon serio na boso ku ta ansiano di iglesia. Ademas mi tambe ta un ansiano meskos ku boso, testigu di Kristu su sufrimentunan i mi tin parti tambe den su gloria benidero.

Hebreonan 3:14

Pasobra nos tin parti na Kristu, si nos mantené e konfiansa ku nos tabatin na prinsipio, te na final.

Filemon 1:10

Mi ke pidi bo pa mi yu Onésimo; ta den prizòn mi a bira su tata spiritual.

1 Timoteo 6:2

Katibu den sirbishi di e kreyentenan no mester menospresiá nan shon pasobra nan ta ruman den fe. Al kontrario, nan mester sirbi nan shon mihó, pasobra esnan ku ta risibí e benefisionan di nan sirbishi ta kreyente i ruman stimá. Instruí i animá e hendenan ku loke mi a bisa aki.

Filipensenan 1:7

Boso tin un lugá den mi kurason! P'esei mes ta korekto ku mi ta pensa asin'akí di boso tur ku ta tuma parti na e grasia ku mi a haña di Dios, awor ku mi ta den prizòn i tin ku defendé e bon notisia i konfirmá su bèrdat.

Filemon 1:18

Si el a perhudiká bo den ki forma ku ta òf si e ta debe bo algu, laga esei pa mi kuenta.