Ezekiel 6:2 - Papiamentu Bible 2013

² ‘Hende, wak den direkshon di e serunan di Israel i aktua komo profeta kontra esnan ku ta biba einan.

Beibel na Papiamentu Koriente 2013

² ‘Hende, wak den direkshon di e serunan di Israel i aktua komo profeta kontra esnan ku ta biba einan.

Ezekiel 6:2 Referans Kwoze

Ezekiel 19:9

Nan a domin'é ku hak i a ser'é den un kouchi. Nan a hib'é pa e rei di Bábel i a hink'é den un fòrti reforsá pa no tende su gruñamentu mas riba e serunan di Israel.

Ezekiel 37:22

Aya, riba serunan di Israel, Mi ta hasi ún pueblo di nan, i ún rei lo goberná riba tur israelita. Nan lo no ta dos pueblo mas, dos reino separá.

Ezekiel 36:1

SEÑOR a bisa: ‘Hende, mira den direkshon di e serunan di Israel i papia ku nan. Bisa: Serunan di Israel, skucha loke SEÑOR ta bisa.

Ezekiel 35:12

Boso lo rekonosé ku Ami, SEÑOR, a tende e palabranan ofensivo ku boso a papia di e serunan di Israel, ora boso a bisa: “Nan ta bandoná, a duna nos nan pa nos probechá di nan!”

Ezekiel 34:14

Den bon kunuku lo Mi laga nan kome yerba, nan lo kome yerba den e serunan mas altu di Israel. Aya nan lo drumi den bunita kunuku den seru kaminda tin yerba na abundansia.

Ezekiel 33:28

Mi ta hasi nan pais un desierto, un mondi, pone un fin na poder di e pais, e poder ku ta nan orguyo. Serunan di Israel ta bira un teritorio bandoná kaminda ningun hende no ta pasa mas.

Ezekiel 25:2

‘Hende, fiha bo bista riba e amonitanan i profetisá kontra nan.

Ezekiel 21:2

‘Hende, fiha bo bista den direkshon di Herusalèm, basha bo palabranan riba e lugánan sagrado, profetisá kontra e pais Israel.

Ezekiel 20:46

“Hende, fiha bo bista den direkshon zùit, basha bo palabranan riba e region ei, profetisá kontra e parti zùit yen di boske.

Ezekiel 13:17

Hende, dirigí bo na e muhénan di bo pueblo ku ta profetisá riba nan mes outorisashon; profetisá kontra nan

Ezekiel 4:7

Fiha bo bista riba e siudat sitiá, Herusalèm; profetisá kontra e siudat, ku bo manga hisá i bo brasa irèk na un manera menasante.

Yozue 11:21

Den e mes tempu ei tambe Yozue a kaba ku e anakitanan ku tabata biba den e serunan, na Hebron, Debir, Anab i den tur e serunan di Huda i Israel. El a destruí nan siudatnan por kompleto.

Ezekiel 6:1

SEÑOR a dirigí palabra na mi:

Ezekiel 28:21

‘Hende, fiha bo bista riba e siudat Sidon i profetisá kontra dje.

Ezekiel 21:7

I si nan puntra bo pakiko bo ta keha, bo mester bisa: Pa motibu di un notisia ku ta bai bini; e ora ei kurason di tur hende lo paralisá di miedu, nan brasanan lo kologá slap, nan lo pèrdè kurashi i lo no por wanta nan awa. E notisia ei ta bini sigur, e kos ta bai sosodé.’ Esei ta loke SEÑOR Dios ta bisa.