Ezekiel 48:8 - Papiamentu Bible 2013

⁸ Na parti zùit di e tereno di Huda for di e frontera parti ost te na Laman Mediteráneo e tereno ku boso mester apartá ta keda. E ta diesdos kilometer i mei hanchu; e largura ta meskos ku di e otro terenonan. E tèmpel lo ta meimei.

Beibel na Papiamentu Koriente 2013

⁸ Na parti zùit di e tereno di Huda for di e frontera parti ost te na Laman Mediteráneo e tereno ku boso mester apartá ta keda. E ta diesdos kilometer i mei hanchu; e largura ta meskos ku di e otro terenonan. E tèmpel lo ta meimei.

Ezekiel 48:8 Referans Kwoze

Isaías 12:6

Dal gritu di legria i di húbilo boso tur bibá na Sion, pasobra grandi E ta, Esun ku ta biba meimei di boso, e Dios Santu di Israel.’

Revelashon 22:3

Lo no haña den siudat nada ku Dios su maldishon ta sosegá riba dje. Dios i e Lamchi lo tin nan trono den siudat, i sirbidónan di Dios lo ador'É.

Revelashon 21:22

Den e siudat mi no a mira un tèmpel, pasobra Señor Dios, Esun Todopoderoso, i e Lamchi ta su tèmpel.

Revelashon 21:3

For di direkshon di e trono mi a tende un stèm duru bisa: ‘Esaki ta e lugá di biba di Dios serka hende. Lo E biba serka nan i nan lo ta su pueblonan. E mes lo ta serka nan komo nan Dios.

Kolosensenan 2:9

Pasobra Dios su naturalesa dibino ta kompletamente presente den Kristu su kurpa físiko

2 Korintionan 6:16

Tèmpel di Dios no tin nada en komun ku ídolo pagano. Wèl, nos ta tèmpel di e Dios bibu. Dios mes a bisa: ‘Ami lo biba serka nan i lo Mi ta huntu ku nan. Lo Mi ta nan Dios i nan lo ta mi pueblo.’

Ezekiel 48:35

Largura total di e murayanan rondó di e siudat ta anto nuebe kilometer. For di awor e siudat lo yama: SEÑOR ta aya!

Ezekiel 48:21

E tereno ku sobra na kada banda di e tereno sagrado i di e tereno di e siudat ta pa e gobernante; e ta kore paralelo ku e parti di e tribunan, diesdos kilometer i mei, for di Laman Mediteráneo te na e frontera parti ost. E tereno sagrado ku e santuario ta keda meimei di nan.

Ezekiel 48:9

E parti di e tereno ku boso mester konsagrá na Mi mester ta diesdos kilometer i mei largu i dies kilometer hanchu.