Ezekiel 3:10 - Papiamentu Bible 2013

¹⁰ El a bisa mi: ‘Hende, habri bo kurason i bo orea pa mi palabranan i keda kòrda nan bon.

Beibel na Papiamentu Koriente 2013

¹⁰ El a bisa mi: ‘Hende, habri bo kurason i bo orea pa mi palabranan i keda kòrda nan bon.

Ezekiel 3:10 Referans Kwoze

Salmo 119:11

Mi ta warda bo palabra den mi alma, pa mi no peka kontra Bo.

Job 22:22

Laga E instruí bo; graba su siñansa den bo mente.

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

1 Tesalonisensenan 2:13

I p'esei mes nos ta gradisí Dios semper, pasobra tempu boso a risibí e mensahe di Dios fo'i nos boka, boso a konsider'é di ta berdadero palabra di Dios i no di hende. Ta e palabra di Dios ei ta duna resultado den bida di boso ku ta kreyente.

Lukas 8:15

E simia ku a kai den bon tera, ta e hendenan ku ta skucha e palabra i ta risibié ku un kurason noble i bon. Nan ta tene duru na e palabra, perseverá i karga fruta.’

Ezekiel 2:8

I abo, hende, skucha loke Mi ta bisa bo. No sea rebelde manera e pueblo akí. Habri bo boka i kome loke Mi ta duna bo.’

Proverbionan 19:20

Skucha bon konseho, guli un skual mand'abou, t'asina so lo bo bira sabí.

Proverbionan 8:10

Mihó aseptá mi siñansa ku aseptá plata, mihó preferá mi konosementu ku preferá e oro di mas puru.

Ezekiel 2:7

Pero bo mester bisa nan loke Mi ta enkargá bo, ku nan skucha òf nò, komo nan ta rebelde.

Ezekiel 3:9

Mi ta hasi bo mas duru ku djamanta, mas iresistibel ku un baranka. No tene miedu di nan, no laga e pueblo ei hinka sustu den bo, pasobra nan ta un pueblo rebelde.’

Ezekiel 3:11

Bai serka e eksiliadonan, bo kompatriotanan, i papia ku nan na mi nòmber, na nòmber di SEÑOR Dios, ku nan skucha òf laga.’

Salmo 85:9

Salbashon ya ta serka su fielnan, su gloria ta bin biba den nos tera: