Ezekiel 1:10 - Papiamentu Bible 2013

¹⁰ Serka kada di e kuater sernan e kara parti dilanti tabata parse kara di hende, e kara na banda drechi tabata parse kara di un leon, e kara na banda robes tabata parse kara di un baka i e kara parti patras tabata parse kara di un águila.

Beibel na Papiamentu Koriente 2013

¹⁰ Serka kada di e kuater sernan e kara parti dilanti tabata parse kara di hende, e kara na banda drechi tabata parse kara di un leon, e kara na banda robes tabata parse kara di un baka i e kara parti patras tabata parse kara di un águila.

Ezekiel 1:10 Referans Kwoze

Ezekiel 10:14

Kada kerubin tabatin kuater kara: e promé kara tabata kara di un angel, e di dos di un hende, e di tres di un leon i e di kuater di un águila.

Revelashon 4:7

E promé ser tabata parse un leon, e di dos un toro yòn, e di tres tabatin un kara manera di hende i e di kuater tabata parse un águila ku tabata bula.

Revelashon 5:5

Pero un di e ansianonan a bisa mi: ‘No yora! E leon for di tribu di Huda, desendiente di David, a triunfá: e mag kibra e shete seyonan i habri e ròl.’

Lukas 15:10

Mi ta bisa boso: asina tambe e angelnan di Dios lo tin goso, ora ún pekadó kombertí.’

Daniel 7:4

Esun promé tabata parse un leon, ma e tabatin ala di un águila. Mi a keda wak i mi a mira kon a ranka su alanan i hisa e bestia pon'é para riba dos pia meskos ku un ser humano. Tambe el a haña sintí di hende.

Isaías 46:8

Kòrda esaki, rebeldenan, grab'é den boso memoria i tum'é na kuenta.

Isaías 40:31

pero esnan ku konfia den SEÑOR ta haña forsa nobo kada be; nan lo bula altu manera águila. Nan ta kore sin kansa nan ta kana sin pèrdè rosea.

Proverbionan 14:4

Si bo n' tin bestia pa traha, bo mangasina ta keda bashí, pero forsa di bue ta sòru pa bon kosecha.

Job 39:27

Ta riba bo komando águila ta subi bai laria i traha su nèshi te arib'ayá?

1 Krónikanan 12:8

Di tribu di Gad tambe algun hòmber balente, sòldánan eksperensiá, armá ku eskudo i lansa, a djòin David, tempu e tabata den spelònk den desierto di Huda. Nan tabata parse leon i tabata lihé manera biná.

Huesnan 14:18

Riba e di shete dia, promé ku solo baha, e hòmbernan di e siudat a bisa Samson: ‘Kiko ta mas dushi ku stropi di abeha i kiko ta mas fuerte ku un leon?’ Pero el a kontestá nan: ‘Boso a bringa mi ku mi mes arma. Asin'ei boso a saka mi charada.’

Deuteronomio 28:49

Riba su òrdu un nashon for di un region mashá mashá leu lo baha riba boso manera un águila, un nashon ku boso no ta komprondé su idioma.

Numbernan 2:25

Na parti nort e sekshon ku ta kai bou di bandera di Dan ta haña su kampamentu. Ta e siguiente tribunan ku nan hefe: tribu di Dan, bou di guia di Ahiezèr, yu di Amishadai, ku 62.700 hòmber; tribu di Asher, bou di guia di Pagiel, yu di Okran, ku 41.500 hòmber; tribu di Naftali, bou di guia di Ahira, yu di Enan, ku 53.400 hòmber; en total 157.600 hòmber. E tribu akí ta sali delaster.’

Numbernan 2:18

Na parti wèst e sekshon ku ta kai bou di bandera di Efraim ta haña su kampamentu. Nan ta e siguiente tribunan ku nan hefe: tribu di Efraim, bou di guia di Elishama, yu di Amihud, ku 40.500 hòmber; tribu di Manase, bou di guia di Gamliel, yu di Pedasur, ku 32.200 hòmber; tribu di Benhamin, bou di guia di Abidan, yu di Guideoni, ku 35.400 hòmber; en total 108.100 hòmber. E tribunan akí ta sali na di tres lugá ora e pueblo ta sigui su biahe.

Numbernan 2:10

Na parti sur e sekshon ku ta kai bou di bandera di Ruben ta haña su kampamentu. Nan ta e siguiente tribunan ku nan hefe: tribu di Ruben, bou di guia di Elisur, yu di Shedeur, ku 46.500 hòmber; tribu di Simeon, bou di guia di Shelumiel, yu di Surishadai, ku 59.300 hòmber; tribu di Gad, bou di guia di Elyasaf, yu di Deuel, ku 45.650 hòmber, en total 151.450 hòmber. E tribunan akí ta sali na di dos lugá, ora e pueblo ta sigui su biahe.

Numbernan 2:3

Na parti ost e grupo ku ta kai bou di bandera di Huda ta haña su kampamentu. Ta e siguiente tribunan ku nan hefe: tribu di Huda, bou di guia di Nagshon, yu di Aminadab, ku 74.600 hòmber; tribu di Isakar, bou di guia di Netanel, yu di Suar, ku 54.400 hòmber; tribu di Zebulon, bou di guia di Eliab, yu di Helon, ku 57.400 hòmber; en total 186.400 hòmber. E tribunan akí ta sali bai promé ora e pueblo ta sigui su biahe.

1 Korintionan 14:20

Rumannan, no pensa manera mucha. Bon, sea manera mucha sí pa loke ta trata maldat, pero sea madurá den boso forma di pensa.

Ezekiel 1:6

Kada un di nan tabatin kuater kara i kuater ala.

Ezekiel 41:19

un kara di hende birá pa e palma na esun banda, i un kara di leon birá pa e palma na e otro un banda. Tur e murayanan di tèmpel tabata dòrná ku e figuranan akí,