Esdras 1:8 - Papiamentu Bible 2013

⁸ Korèsh a laga su wardadó di tesoro Mitredat entregá nan. Mitredat a traha un lista di e ophetonan pa Sheshbasar, gobernador di Huda.

Beibel na Papiamentu Koriente 2013

⁸ Korèsh a laga su wardadó di tesoro Mitredat entregá nan. Mitredat a traha un lista di e ophetonan pa Sheshbasar, gobernador di Huda.

Esdras 1:8 Referans Kwoze

Esdras 5:14

Tambe rei Korèsh a debolbé e ophetonan di uso di oro i plata ku Nebukadnèsar a yega di saka for di tèmpel na Herusalèm hiba tèmpel di Bábel. Korèsh a entregá un tal Sheshbasar nan, un hòmber ku el a nombra gobernador.

Hagai 1:14

Asina SEÑOR a lanta e gana pa rekonstruí e tèmpel tantu den kurason di Zerubabel, kansier di Huda i yu di Shealtiel, komo den esun di gransaserdote Yozue, yu di Yosadak, i den kurason di tur hende di e pueblo ku a sobra. Nan a kuminsá ku e trabou na tèmpel di SEÑOR soberano, nan Dios,

Hagai 1:1

Riba e promé dia di e di seis luna den e di dos aña di gobernashon di rei Dario, SEÑOR a papia ku Zerubabel, kansier di Huda i yu di Shealtiel, i ku gransaserdote Yozue, yu di Yosadak, pa boka di profeta Hagai. El a bisa lo siguiente:

Esdras 5:16

E Sheshbasar akí a pone fundeshi di tèmpel na Herusalèm i for di e dia ei nan a traha riba dje, pero te ainda e no ta kla.”

Esdras 1:11

E kantidat total di e artíkulonan di oro i plata tabata 5400. Tur esaki Sheshbasar a trese Herusalèm bèk, ora el a regresá for di Babilonia ku e otro eksiliadonan.

Yeremías 51:44

SEÑOR ta anunsiá: ‘Mi ta bai kastigá Bel, e dios di e pais! Mi ta bai lag'é arohá loke el a guli. Pueblonan lo no bolbe basha bai serka dje mas pa hiba nan ofrendanan. Muraya di Bábel a bash'abou.

Esdras 5:2

E ora ei Zerubabel, yu di Shealtiel, i Yeshua, yu di Yosadak, a kuminsá lanta e tèmpel na Herusalèm atrobe, ku sosten di e dos profetanan.