Éksodo 31:15 - Papiamentu Bible 2013

¹⁵ Seis dia bo tin pa traha, pero e di shete dia ta un dia di sosiegu kompleto, un dia konsagrá na SEÑOR. Ken ku traha riba dia di sabat ta haña kastigu di morto.

Beibel na Papiamentu Koriente 2013

¹⁵ Seis dia bo tin pa traha, pero e di shete dia ta un dia di sosiegu kompleto, un dia konsagrá na SEÑOR. Ken ku traha riba dia di sabat ta haña kastigu di morto.

Éksodo 31:15 Referans Kwoze

Génesis 2:2

Di shete dia Dios tabata kla ku su trabou; e dia ei El a sosegá.

Levítiko 23:3

Den un siman tin seis dia di trabou; e di shete dia ta sabat, e dia di sosiegu kompleto ku boso ta reuní na mi honor. Boso no mag hasi ningun sorto di trabou e dia ei; e sabat mester ta un dia dediká na Mi, unda ku boso por ta biba.

Éksodo 16:23

Moises a bisa nan: ‘Ata loke SEÑOR a bisa: Mañan ta un dia di sosiegu, un dia di sabat, konsagrá na SEÑOR. Hasa i kushiná, manera boso ke i warda sobrá pa mañan.’

Éksodo 34:21

Boso tin seis dia pa traha, pero sosegá e di shete dia. Respetá dia di sosiegu asta den tempu di sembra i den tempu di kosecha.

Lukas 23:56

Despues nan a bai kas bèk bai prepará zeta i speserei pa hunta e kurpa kuné. Nan a sosegá nan kurpa riba sabat, manera lei tabata preskribí.

Lukas 13:14

Ma e kabes di snoa ku tabata rabiá ku Hesus, pasobra El a kura hende riba dia di sabat, a bisa e multitut: ‘Tin seis dia pa hasi trabou. Bini riba un di e seis dianan ei pa haña sanashon i no riba sabat.’

Éksodo 35:2

Tin seis dia pa traha, pero e di shete dia ta un dia sagrado pa boso; un dia di sosiegu kompleto, dediká na SEÑOR. Ken ku traha riba e dia ei, ta haña kastigu di morto.

Éksodo 31:17

Ta un señal di e laso entre Ami ku e israelitanan pa semper. Pasobra den seis dia Ami, SEÑOR, a traha shelu i tera i riba e di shete dia Mi a sosegá pa kohe un rosea.’

Hebreonan 4:9

Ke men ku tin un tempu di deskanso ta warda pueblo di Dios ainda, manera Dios a sosegá riba e di shete dia.

Ezekiel 46:1

Esaki ta loke SEÑOR, mi Dios, ta bisa: ‘E porta na parti ost di e plenchi parti paden mester keda será riba e seis dianan di trabou; solamente riba sabat i riba dia di luna nobo mag habrié.

Levítiko 23:32

Hasié un dia di sosiegu kompleto, un dia di yuna. Boso mester selebrá e dia di sosiegu akí for di e di nuebe te e di dies dia di luna, for di ora solo baha esun anochi te ora solo baha e otro anochi.’

Éksodo 31:14

Respetá dia di sabat pasobra e ta un dia konsagrá na Mi. Esun ku no respet'é ta haña kastigu di morto, pasobra ken ku traha e dia ei, ta keda eliminá for di su pueblo.

Éksodo 16:26

Seis dia boso por rekohé pan pero e di shete dia ta dia di sabat, e dia ei no tin nada.’

Éksodo 23:12

Bo tin seis dia pa traha, pero sosegá e di shete dia. Ya bo baka i bo buriku por sosegá i yu di bo katibu muhé i e strañero tambe por kohe un rosea.

Éksodo 31:16

E israelitanan mester keda selebrá dia di sabat. Ta un determinashon den e aliansa ku ta konta pa semper, pa nan i nan desendientenan.

Éksodo 35:3

Riba e dia ei ningun hende no mag sende kandela den su kas.’

Levítiko 16:29

Ata un lei permanente pa boso: Riba di dies dia di e di shete luna boso mester yuna i laga tur kos di hasi para. Esaki ta konta tantu pa e israelitanan komo pa e strañeronan ku ta biba meimei di boso.

Deuteronomio 5:12

Kumpli ku dia di sabat i dedik'é na SEÑOR, manera SEÑOR, bo Dios, a ordená bo.