Éksodo 29:21 - Papiamentu Bible 2013

²¹ Sprengu un tiki di e sanger ku tin riba e altá i un tiki di e zeta di konsagrashon riba Aaron ku su yunan i riba nan pañanan. Asina Aaron, su yunan i nan pañanan lo ta konsagrá na Mi.

Beibel na Papiamentu Koriente 2013

²¹ Sprengu un tiki di e sanger ku tin riba e altá i un tiki di e zeta di konsagrashon riba Aaron ku su yunan i riba nan pañanan. Asina Aaron, su yunan i nan pañanan lo ta konsagrá na Mi.

Éksodo 29:21 Referans Kwoze

Hebreonan 9:22

Segun lei ta purifiká tur kos ku sanger; sin dramamentu di sanger no tin pordon.

Levítiko 8:30

Despues di esei el a kohe un tiki di e zeta sagrado i un tiki di e sanger ku tabatin riba altá i a sprengu riba Aaron i su pañanan, kaba el a sprengu riba e yunan i nan pañanan. Asina Moises a apartá Aaron i su yunan i nan pañanan pa sirbishi di Dios.

Éksodo 29:7

Basha poko zeta di konsagrashon riba su kabes i konsagr'é.

Éksodo 29:1

Hasi lo siguiente pa konsagrá Aaron i su yu hòmbernan saserdote den mi servisio: kohe un toro yòn i dos chubatu di karné sin ningun defekto.

Hebreonan 10:29

Kiko lo sosodé antó ku esun ku ta despresiá Yu di Dios? Ku ta menospresiá sanger di e aliansa ku Dios a santifik'é kuné? Ku ta ofendé Spiritu ku a dun'é grasia? Boso no ta kere ku lo e haña un kastigu muchu mas pisá?

Huan 17:19

Pa nan Mi ta konsagrá Mi mes, ya nan tambe ta konsagrá pa medio di bèrdat.

Salmo 133:2

Esei ta zeta perfumá riba kabes, ku ta kore pasa barba, sí, barba di Aaron, yega te na krag di su bistí.

Levítiko 14:29

E ta basha e zeta ku a sobra den su man riba kabes di e hende i ta drecha tur kos atrobe entre e hende i Dios, dilanti di SEÑOR.

Éksodo 29:20

Mata e chubatu, dòp bo dede den su sanger i hunt'é na e parti abou di e orea drechi di Aaron i di su yunan; tambe na nan dùim drechi i na nan tenchi grandi drechi. Basha e sobrá sanger rònt riba e altá.

Éksodo 29:22

Kohe di e chubatu di konsagrashon akí, sebu di rabu, sebu ku ta tapa e mondongo, klòmpi di sebu ku tin na e higra, e dos nirnan ku e sebu pegá na nan i e pia drechi parti patras.

Levítiko 8:23

Moises a mata e bestia i a hunta un tiki sanger na e parti abou di orea drechi, na e dùim drechi i na e tenchi grandi di Aaron su pia drechi.

Levítiko 7:35

E partinan akí di e sakrifisio na SEÑOR ta toka Aaron i su yunan for di e momento ku a nombra nan saserdote di SEÑOR.