Éksodo 21:1 - Papiamentu Bible 2013

¹ SEÑOR a sigui: ‘Duna e israelitanan e siguiente reglanan tambe.

Beibel na Papiamentu Koriente 2013

¹ SEÑOR a sigui: ‘Duna e israelitanan e siguiente reglanan tambe.

Éksodo 21:1 Referans Kwoze

Deuteronomio 4:14

I SEÑOR a ordená mi pa siña boso e leinan i e reglanan, pa boso kumpli ku nan na e pais ku boso ta bai tuma pa boso.

Deuteronomio 6:20

Ora boso yu hòmber puntra boso kualke dia: “Kiko e mandamentunan, reglanan i leinan akí, ku SEÑOR, boso Dios, a duna boso ta nifiká?”,

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

Mateo 28:20

i siña nan kumpli ku tur loke Mi a manda boso. I sa ku Mi ta ku boso tur dia, te na fin di mundu.’

Malakías 4:4

‘Kòrda e lei di mi sirbidó Moises, kumpli ku e leinan i reglanan ku Mi a dun'é riba seru di Horeb pa henter Israel.

Ezekiel 20:25

Tambe Mi a duna nan leinan ku no tabata bon pa nan i reglanan pa medio di kua nan no por a keda na bida.

Ezekiel 20:11

Mi a duna nan mi leinan i a laga nan sa mi reglanan, ku hende mester kumpli kuné pa keda na bida.

Salmo 147:19

El a revelá su palabra na Yakob su presepto i leinan na Israel.

Nehemías 10:29

a djòin e lidernan di pueblo. Nan a primintí bou di huramentu di biba segun e lei di Dios ku nan a haña pa medio di Moises, sirbidó di Dios; tambe di kumpli eksaktamente ku tur mandamentu, dekreto i lei di SEÑOR, nos Dios. Nan a bisa ku kastigu di Dios lo kai riba nan si nan no kumpli.

2 Krónikanan 19:10

Den tur kaso ku boso rumannan, huesnan di den siudat, presentá boso, sea ta trata asesinato òf matamentu, òf splikashon di lei ku su mandamentunan, su instrukshonnan òf su dekretonan, boso mester konsehá nan seriamente, pa nan no bira kulpabel den bista di Dios. Si boso no trata asina, boso tambe lo ta kulpabel i Dios lo rabia ku boso meskos ku lo E rabia ku nan.

1 Reinan 6:12

‘Pa loke ta trata e tèmpel ku bo ta traha, Mi ker a bisa bo ku, si bo komportá bo segun mi leinan i tene bo na mi dekretonan, si bo kumpli ku tur mi mandamentunan i biba di akuerdo ku nan, lo Mi kumpli dor di bo ku e promesa ku Mi a hasi David, bo tata.

Deuteronomio 6:1

Esaki anto ta e mandamentunan, esta e leinan i reglanan ku SEÑOR, boso Dios, a ordená mi siña boso. Boso mester kumpli ku nan den e pais ku boso ta bai tuma pa boso.

Deuteronomio 5:31

Pero abo bin para aki serka Mi, pa Mi anunsiá bo tur e mandamentunan, esta e leinan i reglanan ku bo mester siña nan, pa nan kumpli ku nan na e pais ku Mi ta bai duna nan pa nan tuma.”

Deuteronomio 5:1

Moises a yama henter pueblo di Israel huntu i bisa nan: ‘Israel, skucha e leinan i e reglanan ku mi ta anunsiá awe, siña nan bon i kumpli ku nan.

Deuteronomio 4:45

Huntu ku e stipulashonnan di e aliansa e ta kontené e leinan i e reglanan ku Moises a preskribí e israelitanan durante nan biahe for di Egipto.

Deuteronomio 4:8

Tin un nashon, kon grandi ku e por ta, ku tin lei i regla ku ta hustu manera henter e lei akí ku mi ta presentá na boso?

Deuteronomio 4:5

Awèl, mi a siña boso e leinan i e reglanan manera SEÑOR, boso Dios, a ordená mi, pa boso kumpli ku nan na e pais ku boso ta bai tuma pa boso.

Numbernan 36:13

Esakinan ta e mandamentunan i reglanan, ku SEÑOR a duna e israelitanan pa medio di Moises, den e kunukunan di Moab kantu di Yordan enfrente di Yériko.

Numbernan 35:24

E ora ei komunidat mester husga segun e reglanan akí, entre e hende ku a mata i e famia mas yegá ku mester venga morto di e defuntu.

Levítiko 20:22

Tene bon kuenta ku mi leinan i reglanan i kumpli ku nan. E ora ei e pais kaminda Mi ta bai hiba boso pa boso keda, no ta skupi saka boso afó.

Levítiko 19:37

Sòru pa boso kumpli ku tur mi leinan i reglanan. Ami ta SEÑOR.’

Levítiko 18:26

P'esei, israelitanan òf strañeronan ku ta biba meimei di e israelitanan, kumpli ku mi leinan i reglanan; i nenga tur e aktonan repugnante akí.

Levítiko 18:5

Kumpli anto ku mi leinan i reglanan. Esun ku praktiká nan, lo biba dor di nan. Ami ta SEÑOR.

Éksodo 19:7

Moises a bai bèk, el a yama tur e ansianonan di pueblo i a konta nan tur loke SEÑOR a orden'é pa bisa.

Deuteronomio 15:12

Ora bo ruman hebreo, hòmber òf muhé, bende su mes ku boso komo katibu, e mester sirbi boso seis aña; pero den e di shete aña boso mester lag'é bai.