Echonan 5:16 - Papiamentu Bible 2013

¹⁶ E habitantenan di e pueblonan den bisindario tambe tabata bini Herusalèm na bòshi ku nan hendenan malu i esnan tormentá pa spiritu impuru, i tur tabata kura.

Beibel na Papiamentu Koriente 2013

¹⁶ E habitantenan di e pueblonan den bisindario tambe tabata bini Herusalèm na bòshi ku nan hendenan malu i esnan tormentá pa spiritu impuru, i tur tabata kura.

Echonan 5:16 Referans Kwoze

Hakobo 5:16

P'esei antó, konfesá boso pikánan na otro i resa pa boso haña kura. Orashon di un hende ku ta biba di akuerdo ku boluntat di Dios tin un resultado tremendo.

Echonan 4:30

Rèk bo man pa kura i laga kos maravioso i milager sosodé pa medio di Nòmber di Hesus, bo sirbidó santu.’

Huan 14:12

Mi ta sigurá boso: esun ku kere den Mi, tambe lo hasi e obranan ku Mi a hasi i asta obra mas grandi ainda, pasobra Ami ta bai serka Tata.

Lukas 9:11

Ora e multitut a haña sa, nan a sigui Hesus su tras. El a risibí e hendenan i a papia ku nan tokante reino di Dios. Tambe El a kura esnan ku tabatin nesesidat di kura.

Lukas 5:17

Un dia ku Hesus tabata siña e hendenan, tabatin fariseo i maestro di lei einan. Nan a bini for di tur pueblo di Galilea i Hudea i tambe for di Herusalèm. Hesus tabatin poder di Dios den djE pa kura hende.

Mateo 8:16

Ora nochi a sera, nan a trese hopi hende ku tabata poseé serka Hesus. Ku su palabra so E tabata saka e mal spiritunan fo'i nan i E tabata kura tur esnan enfermo.

Mateo 4:24

Su fama a plama rònt Siria; nan tabata trese tur hende malu serka djE, tur ku tabata sufri di kualke enfermedat, ku tabata poseé pa demoño, ku tabata kai djimpi i hende ku tabata lam, i E tabata kura nan.

1 Korintionan 12:9

E mesun Spiritu Santu ta duna fe spesial na un persona i un otro ta haña poder pa kura hende malu pa medio di e mesun Spiritu ei.

Mateo 2:16

Asina Heródes a realisá ku e sabionan a nèk e, el a bira mashá furioso i a manda mata tur mucha hòmber di Betlehèm i bisindario ku tabatin dos aña òf ménos. E edat akí tabata kuadra ku e tempu ku e sabionan a bis'é ku nan a mira e strea aparesé.

Echonan 5:15

E hendenan tabata karga enfermo riba kama i dragbar pone riba kaya. Nan tabata spera ku ora Pedro pasa eibanda maske ta su sombra lo a kai riba un di nan.

Echonan 5:17

E ora ei gransaserdote i su eskolta, esta esnan ku tabata pertenesé na e partido di saduseo, a bira mashá yalurs riba e apòstelnan.

Lukas 6:18

E hendenan a bini pa tende Hesus papia i pa lag'É kura nan di nan enfermedat. Esnan tormentá pa mal spiritu, tambe tabata kura.