Echonan 11:24 - Papiamentu Bible 2013

²⁴ Barnabas tabata un bon hende, ku un fe firme i yená ku Spiritu Santu. Na Antiokia a gana hopi hende pa Señor.

Beibel na Papiamentu Koriente 2013

²⁴ Barnabas tabata un bon hende, ku un fe firme i yená ku Spiritu Santu. Na Antiokia a gana hopi hende pa Señor.

Echonan 11:24 Referans Kwoze

Echonan 11:21

Señor su poder tabata ku nan, i un kantidat grandi di hende a bini na fe i sigui Señor.

Echonan 5:14

Mas i mas hende ku a kere den Señor, grupo grandi di hòmber i muhé, tabata bini aserka.

Echonan 6:5

Henter e grupo a bai di akuerdo ku e proposishon, i nan a skohe Esteban, un hòmber yen di fe i Spiritu Santu, tambe Felipe, Progoro, Nikanor, Timon, Parmenas, i Nikolaos di Antiokia ku a kombertí bira hudiu.

Romanonan 15:15

Pero komo persona ku a risibí grasia di Dios, mi a tribi skibi boso sierto kos tòg den e karta, pa boso no lubidá.

Echonan 9:31

Pa e komunidat di kreyente rònt Hudea, Galilea i Samaria a kuminsá un tempu di pas. Tabatin kresementu i e hendenan tabata biba ku rèspèt di Señor. E kantidat di miembro tabata subi ku yudansa di Spiritu Santu.

Echonan 6:8

Esteban, yená ku e poder ku el a risibí di Dios, tabata hasi hopi milager i señal tremendo den pueblo.

Echonan 6:3

P'esei, rumannan, skohe shete hòmber di bon reputashon for di boso seno, hòmber yená ku Spiritu Santu i sabiduria, i nos lo duna nan e enkargo ei.

Salmo 112:5

Felis t'esun ku tin heful i ku sa fia hende, ma ta regla su asuntunan manera mester ta.

2 Samuel 18:27

E sòldá na warda a bisa despues: ‘Manera mi por mira na e moda di kore, esun di promé ta Ahimaas, yu di Sadok.’ Rei a bisa: ‘E ta un bon hòmber, i sigur sigur lo e ta trese bon notisia.’

Romanonan 5:7

Awor no ta fásil haña un hende dispuesto pa muri pa un hende hustu, ounke un hende lo por entregá su bida pa un otro hende ku a hasi un gran bondat p'e.

Echonan 24:16

Asina mi tambe ta bringa duru pa semper mi konsenshi ta limpi dilanti di Dios i dilanti di hende.

Huan 7:12

Ketu ketu tabatin hopi komentario riba djE den pueblo. Tin hende tabata bisa: ‘E ta un bon hende!’ i otro tabata komentá: ‘Nò, e ta kohe e hendenan kabes abou!’

Lukas 23:50

Tabatin un sierto hòmber, yamá Hosé, ku tabata bini di e pueblo Arimatea na Hudea. E tabata un bon hende i un hòmber hustu, ku tabata spera binida di reino di Dios. E tabata miembro di Konseho Supremo, sinembargo e sí no a bai di akuerdo ku loke e otro miembronan a disidí di hasi.

Mateo 19:17

Hesus a kontest'é: ‘Pakiko bo ta puntra Mi tokante bondat? Ta Dios so ta bon! Pa bo haña bida eterno, bo mester kumpli ku e mandamentunan.’

Mateo 12:35

Un bon hende ta saka kos bon for di su mangasina di kos bon; un mal hende ta saka kos malu for di su mangasina di kos malu.

Proverbionan 14:14

Hende perverso ta kosechá fruta di su mes echonan, pero bon hende tambe.

Proverbionan 13:22

Te asta ñetunan di un bon hende lo heredá di dje, rikesa di mal hende ta keda akumulá pa al fin i al kabo kai den man di hende hustu.

Proverbionan 12:2

Es ku hasi bondat tin simpatia di SEÑOR, hende ku mal ehèmpel E ta kastigá.

Salmo 37:23

SEÑOR ta guia un hende su pasonan, ora E gusta su kondukta.

Echonan 2:4

Nan tur a keda yená ku Spiritu Santu i a kuminsá papia na otro lenga, segun Spiritu Santu tabata inspirá nan.

Echonan 2:47

Nan tabata alabá Dios i tabata bon mirá serka henter pueblo. I tur dia Señor tabata trese mas hende ku a keda salbá, aserka.