Echonan 1:26 - Papiamentu Bible 2013

²⁶ Nan a tira lòt entre nan dos i e lòt a kai na fabor di Matias. Asina nan a agreg'é na e diesun apòstelnan.

Beibel na Papiamentu Koriente 2013

²⁶ Nan a tira lòt entre nan dos i e lòt a kai na fabor di Matias. Asina nan a agreg'é na e diesun apòstelnan.

Echonan 1:26 Referans Kwoze

Levítiko 16:8

i ta tira lòt pa wak kua di e chubatunan ta pa SEÑOR i kua ta pa Azazel.

Yozue 18:10

Yozue a tira lòt pa konsultá SEÑOR. El a parti e pidanan di e pais entre e israelitanan.

Yonas 1:7

E nabegantenan tabata bisa otro: ‘Laga nos tira lòt pa mira ta falta di ken ku nos ta haña nos den e desaster akí.’ Nan a hasi esaki i lòt a kai riba Yonas.

1 Krónikanan 24:5

A tira lòt pa disidí sekuensia di e gruponan, pasobra den tur dos famia, tantu den esun di Eleazar komo den esun di Itamar tabatin gerente di santuario, yamá tambe ‘Gerente den sirbishi di Dios’.

Echonan 2:14

E ora ei Pedro a bini dilanti huntu ku e otro diesun apòstelnan i dirigí palabra na nan. El a bisa na bos altu: ‘Hudiunan i boso tur ku ta biba na Herusalèm, t'esaki mi ke bisa boso, skucha bon!

Proverbionan 16:22

Sano huisio ta fuente di bida pa es ku tin e, pero un hende bobo ta kastigá su mes ku su bobedat.

Echonan 13:19

El a destruí shete nashon na tera di Kanaan i laga Israel haña nan tera komo propiedat.

Yozue 14:2

Dor di tira lòt kada un di e nuebe tribunan i e mitar tribu a haña nan propiedat, manera SEÑOR a ordená tempu di Moises.

Nehemías 10:34

Nos, esta e saserdotenan, levitanan i sobrá di e pueblo, a tira lòt, pa sa ki ora ta bùrt pa kada famia pa hiba palu kas di nos Dios; tur aña manera lei ta preskribí, nos lo entregá e palu ku ta nesesario pa kima e sakrifisionan riba altá di nos Dios.

Nehemías 11:1

E lidernan di pueblo a bai biba na Herusalèm. Pero a tira lòt entre e otro hendenan di pueblo pa indiká kua di kada dies famia ta bai biba na e siudat santu Herusalèm; e otro nuebenan por a keda biba den e otro siudatnan.

Proverbionan 16:33

Hende ta purba suerte, pero ta SEÑOR ta disidí, kon e piedranan ta kai.

Marko 6:30

E apòstelnan a regresá serka Hesus i a kont'É tur loke nan a hasi i loke nan a siña e hendenan.

Echonan 1:23

Nan a proponé dos hende: Jozef ku nan tabata yama Barsabas, tambe konosí komo Hustu, i Matias.

Revelashon 21:14

Muraya di e siudat tabata riba diesdos piedra di fundeshi grandi, riba kua nòmber di e diesdos apòstelnan di e Lamchi tabata skibí.