Echonan 1:14 - Papiamentu Bible 2013

¹⁴ Henter e grupo akí a dediká nan mes na orashon, huntu ku algun hende muhé, manera Maria mama di Hesus, i tambe e ruman hòmbernan di Hesus.

Beibel na Papiamentu Koriente 2013

¹⁴ Henter e grupo akí a dediká nan mes na orashon, huntu ku algun hende muhé, manera Maria mama di Hesus, i tambe e ruman hòmbernan di Hesus.

Echonan 1:14 Referans Kwoze

Efesionan 6:18

Resa i pidi Dios su yudansa semper i na tur okashon, guiá pa Spiritu Santu. Den esei sea alerta, i resa sin deskurashá pa henter e pueblo santu.

Echonan 6:4

Nos mes lo dediká nos na orashon i predikamentu di palabra di Dios.’

Kolosensenan 4:2

Perseverá den orashon; resa alerta i yama Señor danki.

Echonan 2:42

Tur e kreyentenan tabata fiel na siñansa di e apòstelnan i na e bida den nan komunidat, i fielmente nan tabata kibra pan i hasi orashon.

Romanonan 12:12

Laga e speransa ku boso tin hasi boso kontentu; perseverá den tempu di tribulashon; resa konstantemente.

Lukas 18:1

Hesus a konta su disipelnan un parábola pa siña nan ku nan mester resa semper, sin deskurashá.

Mateo 21:22

Si boso konfia, boso lo risibí tur loke boso pidi den orashon.’

Echonan 2:1

Ora fiesta di Pentekòster a yega, tur e siguidónan di Hesus tabata huntu na e mesun lugá.

Lukas 11:13

Ke men, si boso mes ku ta mal hende sa di duna boso yunan kos bon, kuantu mas antó boso Tata den shelu lo no duna esnan ku pidiÉ Spiritu Santu?’

Echonan 2:46

Tur dia nan tabata huntu den tèmpel; nan tabata kibra pan na kas di otro i kome nan kuminda huntu, ku legria i simplesa di kurason.

Lukas 24:53

Nan tabata kontinuamente den tèmpel, kaminda nan tabata alabá Dios.

Mateo 12:46

Miéntras Hesus tabata papia ku e hendenan, ata su mama i su rumannan a bin para pafó; nan tabata buska moda di papia kunÉ.

Lukas 24:10

E muhénan tabata: Maria Magdalena, Huana, i Maria mama di Hakobo. E otro muhénan ku a kompañá nan, tambe a konta e apòstelnan e historia.

Lukas 23:55

E muhénan ku a bini for di Galilea pa sigui Hesus, a sigui Hosé. Nan a mira e graf i opservá kon a pone su kurpa aden.

Lukas 23:49

Hesus su amigunan i e muhénan ku tabata huntu kunÉ for di Galilea, a keda para na un distansia ta mira loke a pasa.

Marko 16:1

Despues di sabat Maria Magdalena, Maria, mama di Hakobo, i Salomé a bai kumpra zeta perfumá pa hunta Hesus su kurpa kuné.

Marko 15:40

Tabatin algun muhé ku djaleu tabata para wak kiko tabata pasando. Maria Magdalena, Maria, mama di Hakobo Menor i Yoses, i Salomé tambe tabata den e grupo

Mateo 27:55

Tabatin hopi muhé ku djaleu tabata para wak kiko tabata pasa. Nan tabata sigui Hesus for di Galilea pa nan sòru p'E.

Lukas 24:33

Nan a lanta mesora bai Herusalèm bèk. Aya nan a haña e diesun apòstelnan huntu ku e otro disipelnan.

Lukas 8:20

Hende a bisa Hesus: ‘Bo mama i bo rumannan ta pará pafó, i nan tin gana di mira Bo.’

1 Korintionan 14:13

Ke men, e persona ku ta papia den lenga straño mester resa pa e don pa interpretá e mensahe den lenga.