Deuteronomio 9:9 - Papiamentu Bible 2013

⁹ Tabata tempu mi a subi seru pa bai tuma e tablanan di e aliansa ku SEÑOR a sera ku boso. Mi a keda kuarenta dia i kuarenta nochi riba e seru, sin kome òf bebe nada.

Beibel na Papiamentu Koriente 2013

⁹ Tabata tempu mi a subi seru pa bai tuma e tablanan di e aliansa ku SEÑOR a sera ku boso. Mi a keda kuarenta dia i kuarenta nochi riba e seru, sin kome òf bebe nada.

Deuteronomio 9:9 Referans Kwoze

Éksodo 34:28

Moises a keda kuarenta dia i kuarenta nochi serka SEÑOR. E no a kome pan ni a bebe awa. El a skibi e palabranan di e aliansa, e dies mandamentunan, riba e tablanan.

Éksodo 24:18

Moises a drenta den e nubia i a sigui subi e seru. El a keda kuarenta dia i kuarenta nochi riba e seru.

1 Reinan 19:8

Elías a lanta, kome i bebe; e kuminda akí a dun'é forsa pa kana 40 dia i 40 nochi te yega Horeb, e seru di Dios.

Éksodo 24:15

Ora Moises a kaba di papia, el a subi e seru i un nubia a tapa e seru.

Éksodo 24:12

SEÑOR a bisa Moises: ‘Sigui subi seru bini serka Mi i keda para. Lo Mi duna bo e tablanan di piedra ku e lei, esta e mandamentunan, ku Mi a skibi pa siña e israelitanan.’

Mateo 4:2

Despues di a yuna kuarenta dia largu, Hesus a haña hamber.

Deuteronomio 9:18

Kaba mi a tira mi kurpa abou dilanti di SEÑOR manera e promé bia. Kuarenta dia i kuarenta nochi mi a keda ku mi kurpa tirá abou, sin kome òf bebe nada pa motibu di e kantidat grandi di boso piká. Boso a hasi loke ta malu den bista di SEÑOR, boso a provok'é.

Galatanan 4:24

Esaki tin un nifikashon simbóliko. E dos muhénan ta representá e dos aliansanan: un ta e aliansa di seru di Sinai ku ta produsí katibu; esei ta Hagar.

2 Reinan 6:22

Pero Eliseo a kontestá: ‘Nò, no hasié, akaso bo ta mata esnan ku bo a kohe prezu den bataya? Duna nan pan i awa pa nan kome i bebe i laga nan bai bèk serka nan rei.’

Deuteronomio 9:15

Despues di esei mi a bira baha for di e seru ku tabata na kandela ainda, ku e dos tablanan di e aliansa den mi man.

Éksodo 31:18

Ora Dios a kaba di papia ku Moises riba Seru Sinai, Dios a dun'é e dokumento di aliansa, dos tabla di piedra, ku Dios mes mes a skibi.

Hebreonan 9:4

Aya tabatin e altá di oro pa kima sensia i e arka di aliansa, ku tabata tur furá ku oro. Den e arka tabatin e butishi di oro ku mana, e bastòn di Aaron ku a floria i e tablanan di piedra riba kua e lei di aliansa tabata skibí.

Deuteronomio 8:3

Sí, El a hasi boso humilde dor di laga boso sufri hamber i duna boso mana pa kome, kuminda ku ni boso ni boso antepasadonan no tabata konosé. Ku esei E ker a mustra boso bon kla: hende no ta keda na bida dor di kome pan so; ma dor di kada palabra ku Dios papia.

Deuteronomio 9:11

Ora e kuarenta dianan i kuarenta nochinan ei a pasa, El a duna mi e dos tablanan di piedra ku e stipulashonnan di e aliansa.

Éksodo 32:1

Ora e israelitanan a ripará ku Moises a tarda pa baha for di seru, nan a rondoná Aaron i bis'é: ‘Ban traha un dios pa guia nos, pasobra nos no sa kiko a pasa ku e Moises ei ku a saka nos for di Egipto.’