Deuteronomio 8:5 - Papiamentu Bible 2013

⁵ Komprondé esaki bon bon: SEÑOR, boso Dios, a papia ku boso manera un tata ta papia ku su yu.

Beibel na Papiamentu Koriente 2013

⁵ Komprondé esaki bon bon: SEÑOR, boso Dios, a papia ku boso manera un tata ta papia ku su yu.

Deuteronomio 8:5 Referans Kwoze

Revelashon 3:19

Mi ta skual i disipliná kada un ku Mi ta stima. Sea antó yen di zelo i kombertí boso!

Proverbionan 3:12

Pasobra SEÑOR ta koregí esun ku E ta stima, meskos ku un tata ta koregí su yu stimá.

2 Samuel 7:14

Ami lo ta un tata p'e i e lo ta un yu pa Mi. Ora e hasi kos malu Mi ta kastig'é i sut'é ku un palu manera un tata ta hasi.

1 Korintionan 11:32

Pero awor E ta kastigá i koregí nos pa E no kondená nos huntu ku esnan ku ta pertenesé na e mundu akí.

Salmo 94:12

Felis e hende, SEÑOR, ku Bo ta skual, ku Bo ta instruí den bo lei,

Ezekiel 18:28

Su wowonan a habri i el a kombertí di su maldat. Un hende asina sigur lo no muri.

Salmo 89:32

Mi ta paga nan malu ku chapara, ku hopi sla lo Mi paga nan faltanan.

Deuteronomio 4:9

Asina ta, tene mashá kuidou. Warda rekuerdo di tur loke boso mes a mira den boso kurason tanten boso ta na bida i konta boso yunan i boso ñetunan despues.

Ezekiel 12:3

Abo, hende, paketá loke lo bo ke bai kuné komo eksiliado i bai den dia for di aki un otro lugá komo si fuera ta den eksilio bo ta bai. Sòru pa tur hende por mira bo. Podisé nan wowo habri e ora ei, pasobra nan ta un pueblo rebelde.

Deuteronomio 4:23

Tene mashá kuidou pa boso no lubidá e aliansa ku SEÑOR, boso Dios, a sera ku boso i bai traha imágen, den ki forma ku ta, di algu ku SEÑOR, boso Dios, a prohibí boso.

Isaías 1:3

Un bue konosé su doño, un buriku e shon ku ta pone yerba den su pesebre, pero Israel no ke konosé Mi; mi pueblo no tin tinu pa Mi.’

Deuteronomio 4:36

For di shelu su stèm a zona pa instruí boso. Na tera El a mustra boso e kandela grandi i for di e kandela ei boso a tend'É papia.

Deuteronomio 8:6

Kumpli anto ku e mandamentunan di SEÑOR, boso Dios, sigui e kaminda ku E ta mustra boso i tene rèspèt di djE.

Proverbionan 13:24

Hende ku nunka no suta nan yu, no ke e yu bon, hende ku sòru di straf nan yu, ta stim'é.

Predikador 7:14

Sea felis, ora ta bai bo bon; pero ora ta bai bo malu, tuma na konsiderashon ku Dios a traha tantu esun komo e otro. Ta p'esei hende no por deskubrí nada tokante nan futuro.

Deuteronomio 1:31

I den desierto boso a mira ku boso mes wowo kon SEÑOR, boso Dios, a karga boso henter e kaminda largu te aki, manera un tata ta karga su yu.

Proverbionan 3:11

No despresiá korekshon ku bini di SEÑOR, i no disgustá ora E kastigá bo.