Deuteronomio 17:8 - Papiamentu Bible 2013

⁸ Por sosodé ku den boso siudatnan tin kaso di korte ku ta muchu kompliká pa yega na un desishon; den kaso di matamentu, pleitu òf leshon na kurpa bai e ora ei e lugá ku SEÑOR, boso Dios, skohe.

Beibel na Papiamentu Koriente 2013

⁸ Por sosodé ku den boso siudatnan tin kaso di korte ku ta muchu kompliká pa yega na un desishon; den kaso di matamentu, pleitu òf leshon na kurpa bai e ora ei e lugá ku SEÑOR, boso Dios, skohe.

Deuteronomio 17:8 Referans Kwoze

Deuteronomio 12:5

Bishitá solamente e lugá ku SEÑOR, boso Dios, skohe den e region di un di boso tribunan pa manifestá su presensia i biba einan. Bai einan so.

Hagai 2:11

T'esaki SEÑOR Soberano a bisa: ‘Puntra e saserdotenan kon nan lo apliká lei den e siguiente kaso:

Deuteronomio 1:17

No tuma parti i husga tantu hende di kategoria komo hende humilde. No tene miedu di ningun hende, pasobra boso ta hasi hustisia den nòmber di Dios. E kasonan muchu difísil pasa nan pa mi, ya mi mes ta trata nan.”

Malakías 2:7

Saserdotenan tin e deber di warda e konosementu di Mi i mester por puntra nan kon tin ku apliká lei, pasobra nan ta mensahero di Ami, SEÑOR di universo.

Deuteronomio 19:17

e dos partidonan mester presentá den santuario di SEÑOR serka e saserdotenan i e huesnan di e tempu ei.

Deuteronomio 19:4

Den siguiente kaso e hende ku a mata un otro hende hui bai einan por keda na bida: si el a mata e hende sin ku e por a yuda òf sin ku tabatin enemistat entre nan.

Numbernan 35:16

Suponé ku un hende dal un otro hende asina duru ku un opheto di heru, ku e hende ta muri dje sla. E ora ei e hende ku a dal, ta un asesino i mester mat'é.

Numbernan 35:11

indiká algun siudat komo siudat di asilo. Ei un hende ku sin por yuda mata un otro hende por hui bai.

Éksodo 22:2

Si un hende haña un ladron ta hòrta anochi i e dal e mata, no por kulp'é di asesinato.

Éksodo 21:28

Si un toro hinka un hòmber òf un muhé mata, mester bati e toro ku piedra mata i no mag kome su karni. Doño di e bestia no tin falta.

Éksodo 21:22

Si dos hende hòmber ta bringa ku otro, i un di nan stot un muhé na estado, di manera ku e muhé ta pèrdè su yu, pero no ta haña otro leshon, e hòmber kulpabel mester paga but. Kasá di e muhé ta disidí kuantu e but mester ta i hues ta sòru pa e kulpabel paga.

Éksodo 21:20

Si un hende bati su katibu, hòmber òf muhé, ku palu mata, mester kastig'é.

Éksodo 18:26

Nan tabata husga kaso tur dia. E kasonan mas pisá nan tabata pasa pa Moises i esnan chikitu nan mes tabata atendé.

Éksodo 18:15

Moises a kontestá: ‘Nan ta bini serka mi pa konsultá Dios.

Éksodo 22:8

Si no haña e ladron, e doño di kas mester hura dilanti di Dios ku no ta é a mishi ku propiedat di su próhimo.

Deuteronomio 12:11

E ora ei numa, na e lugá ku SEÑOR skohe pa manifestá su presensia, boso mester ofresé tur loke mi a ordená: sakrifisio di kandela i otro sakrifisio, boso désimo parti i otro kontribushon i tur e regalonan spesial ku boso primintí SEÑOR.

Deuteronomio 25:1

Suponé ku dos hòmber no ta di akuerdo ku otro, ku nan ta hiba e kaso dilanti i ku ta sentensiá e kulpabel na un halá di sota. E ora ei hues mester ordená pa pone e kulpabel drumi abou i dun'é un bon halá di sota. E kantidat di sla mester kuadra ku e delito.

Ezekiel 44:24

Ora tin pleitu nan ta aktua komo hues i dikta sentensia segun mi leinan. Nan mester selebrá tur dia di fiesta segun mi leinan i reglanan i santifiká mi sabat.

Deuteronomio 12:14

Hasi esei na e lugá ku SEÑOR skohe den teritorio di un di boso tribunan. Ofresé einan tur sakrifisio i hasi tur kos ku mi a ordená boso.

Deuteronomio 21:5

E ora ei e saserdotenan levita mester bai para dilanti, pasobra ta nan SEÑOR, boso Dios, a skohe pa sirbi den santuario i duna bendishon den su nòmber. Na nan ta keda e desishon den kada pleitu òf kaso di delito.

2 Samuel 15:2

Regularmente e tabata bai para mainta trempan kantu di e kaminda ku ta bai porta di siudat. Kada be ku tabatin un hende ku ker a bai kuminsá un kaso i ku ker a bai serka rei pa rei hasi hustisia, Absalon tabata yam'é: ‘Di kua siudat bo ta?’ Si e hende kontestá e ora ei: ‘Bo sirbidó ta bini di tal i tal tribu di Israel’,

1 Krónikanan 26:29

Kenanías i su yu hòmbernan tabatin puesto pafó di tèmpel komo atministradó òf hues di Israel.