Deuteronomio 15:11 - Papiamentu Bible 2013

¹¹ Hende pober lo tin semper den pais. P'esei mi ta ordená boso: Duna man yen ora boso ta duna boso ruman ku ta pober i den mizeria.

Beibel na Papiamentu Koriente 2013

¹¹ Hende pober lo tin semper den pais. P'esei mi ta ordená boso: Duna man yen ora boso ta duna boso ruman ku ta pober i den mizeria.

Deuteronomio 15:11 Referans Kwoze

Marko 14:7

Hende pober boso lo tin semper serka boso i boso por yuda nan ora boso ke, ma Ami sí boso lo no tin semper serka boso.

Mateo 26:11

Hende pober boso lo tin semper serka boso, ma Ami sí boso lo no tin semper!

Huan 12:8

Hende pober boso tin semper serka boso, ma Ami sí boso lo no tin semper serka boso.’

Deuteronomio 15:8

Al kontrario, habri man duna i fi'é mes tantu ku e tin mester.

Proverbionan 22:2

Riku i pober tin ún kos komun, esta, ta SEÑOR a krea tur dos.

Lukas 12:33

Bende boso propiedat i duna hende pober e sèn; buska saku di plaka ku no ta bira bieu, yená ku rikesa inagotabel den shelu. Ladron no por yega serka dje ni mòt no por destruyé.

Echonan 2:45

Nan tabata bende tur nan propiedat i parti e plaka entre nan segun kada un su nesesidat.

Mateo 5:42

Esun ku pidi bo algu, dun'é i esun ku ke fia algu serka bo, fi'é.

Deuteronomio 15:7

Si tin un hende pober, un di boso kompatriotanan, ta biba den un di e siudatnan na e pais ku SEÑOR, boso Dios, ta bai duna boso, no hasi kos di sin heful, no tene man será hasi kos di pichiri.

Proverbionan 31:20

E ta kla pa yuda pobernan i dispuesto pa duna esnan den nesesidat un man.

Ezekiel 18:7

E no ta oprimí ningun hende. Ora un hende a fia algu serka dje i a dun'é un pant, e ta duna e pant bèk. E no ta hòrta. Es ku tin hamber, e ta duna kuminda; es ku ta sunú, e ta duna paña di bisti.

Éksodo 23:11

pero e di shete aña lag'é sosegá, no hasi nada kuné. Loke e por produsí ainda ta pa e pobernan di bo pueblo kome i loke nan sobra ta pa e bestianan di mondi. Hasi meskos ku bo hòfi di wendrùif i bo palunan di oleifi.

Proverbionan 19:17

Es ku demostrá amor pa hende pober ta honra SEÑOR, i SEÑOR lo pag'é pa loke el a hasi.