Deuteronomio 1:17 - Papiamentu Bible 2013

¹⁷ No tuma parti i husga tantu hende di kategoria komo hende humilde. No tene miedu di ningun hende, pasobra boso ta hasi hustisia den nòmber di Dios. E kasonan muchu difísil pasa nan pa mi, ya mi mes ta trata nan.”

Beibel na Papiamentu Koriente 2013

¹⁷ No tuma parti i husga tantu hende di kategoria komo hende humilde. No tene miedu di ningun hende, pasobra boso ta hasi hustisia den nòmber di Dios. E kasonan muchu difísil pasa nan pa mi, ya mi mes ta trata nan.”

Deuteronomio 1:17 Referans Kwoze

Deuteronomio 16:19

No trose hustisia, no tuma parti, ni tuma regalo bou di mesa, pasobra regalo ta siega hende sabí i ta pone hende inosente pèrdè nan kaso.

Hakobo 2:9

Pero si boso diskriminá hende, boso ta kometé piká i Lei ta kondená boso komo violadó di Lei.

Éksodo 18:26

Nan tabata husga kaso tur dia. E kasonan mas pisá nan tabata pasa pa Moises i esnan chikitu nan mes tabata atendé.

Proverbionan 24:23

E siguiente dichonan tambe ta di hende sabí. No ta bon pa diskriminá niun hende ora tin kaso sivil.

2 Krónikanan 19:6

El a bisa nan lo siguiente: ‘Realisá ki tarea boso ta tuma riba boso, pasobra boso no ta hasi hustisia den nòmber di hende, pero den nòmber di SEÑOR; E ta serka boso ora boso ta dikta sentensia.

Levítiko 19:15

Ora boso ta dikta sentensia: no bai na fabor di e pober ni trata e riku mihó pasobra e ta riku. Boso mester dikta sentensia na un manera hustu.

Éksodo 18:22

Nan por sòru pa e huisionan di tur ora. Nan ta enkargá bo ku e kasonan pisá i nan mes ta atendé e kasonan chikitu. Asin'ei bo ta laga nan karga parti di responsabilidat di manera ku ta bira mas fásil pa bo.

1 Pedro 1:17

Boso ta yama Dios boso Tata; E ta Esun ku ta husga tur hende di akuerdo ku loke nan hasi, sin tuma parti pa niun. P'esei sòru biba ku temor p'E, tanten boso ta riba e mundu akí komo strañero!

1 Tesalonisensenan 2:4

Nò, al kontrario, nos ta papia komo hende ku Dios a aprobá i konfia ku e bon notisia. Anto p'esei ora nos ta proklamá e bon notisia ei, no ta hende nos ke komplasé, sino Dios ku ta skrudiñá nos kurason.

Proverbionan 29:25

Es ku tin miedu di hende ta pone trampa p'e mes, es ku konfia den SEÑOR ta seif.

2 Samuel 14:14

Muri nos tur mester muri, nos ta manera awa ku ta plama abou i ku no por rekohé mas. Dios no ta hasi eksepshon pa ningun hende. Pero wèl E ta buska di tur manera pa esun ku ta desterá no keda alehá for di djE.

1 Samuel 16:7

Pero SEÑOR a bisa Samuel: ‘No wak su aparensia ni su estatura altu, pasobra no ta e Mi ke. No ta importá loke hende ta mira, pasobra hende ta wak aparensia, Ami ta wak kurason.’

Deuteronomio 10:17

Pasobra SEÑOR, boso Dios, ta e Dios Supremo, e SEÑOR mas altu, grandioso, fuerte i temibel. E Dios ku no sa tuma parti pa hende, ni sa tuma sèn bou di mesa;

Kolosensenan 3:25

Es ku hasi malu, malu ta p'e; Dios no ta hasi distinshon di persona!

Efesionan 6:9

Di boso banda, boso ku ta shon mester trata boso katibunan na mesun manera. Stòp di menasá nan. Tene kuenta ku boso tur tambe tin un Shon den shelu; anto E no ta tuma parti pa niun hende!

Romanonan 2:11

Pasobra Dios no ta hasi distinshon di persona.

Lukas 20:21

E hendenan akí a puntra Hesus: ‘Maestro, nos sa ku loke bo ta siña hende ta hustu. Bo no ta tuma parti pa hende, ma bo ta siña hende segun bèrdat kon Dios ke pa nan biba.

Marko 12:14

Nan a aserk'É i bis'É: ‘Maestro, nos sa ku bo ta un hende honesto; bo no ta wòri bo kabes ku loke hende ta pensa, pasobra bo no ta husga segun aparensia. Ma segun bèrdat bo ta siña hende kon Dios ke pa nan biba. Bisa nos: Ta korekto pa paga belasting na emperador di Roma; sí òf nò?’

Mateo 22:16

Nan a manda nan disipelnan huntu ku algun hende di Heródes serka Hesus. Nan a bis'É: ‘Maestro, nos sa ku bo ta un hende honesto; segun bèrdat bo ta siña hende kon Dios ke pa nan biba. Bo no ta wòri bo kabes ku loke hende ta pensa, pasobra Bo no ta husga segun aparensia.

Yeremías 1:17

Sinembargo abo, faha bo sintura, bai bisa nan loke Ami manda bo. No kobardiá pa nan, sino Ami ta laga bo kobardiá nan dilanti.

Job 31:34

pasobra nunka mi no tabatin miedu di mala lenga, nunka miedu pa menospresio di parti di famia- i konosínan no a spanta mi dje tantu ei, ku mi a sera mi kurpa den kas, sin ke papia nada.

Deuteronomio 24:17

Boso no mag violá derecho di strañero òf wérfano ni tuma paña di un biuda komo pant.

Éksodo 18:18

Bo ta kaba ku bo mes i bo ta eksigí muchu di e pueblo ku ta bini serka bo. E trabou akí ta muchu pisá pa bo, bo so no por hasié.

Génesis 18:25

Bo no por mata e inosentenan huntu ku e kulpabelnan komo si fuera ta nan tur a kometé e mesun piká! Nò, SEÑOR, Bo no por hasié. Nèt Abo, SEÑOR, ku ta e Hues Supremo di henter mundu, nèt Abo ke ta inhustu?’

Deuteronomio 25:1

Suponé ku dos hòmber no ta di akuerdo ku otro, ku nan ta hiba e kaso dilanti i ku ta sentensiá e kulpabel na un halá di sota. E ora ei hues mester ordená pa pone e kulpabel drumi abou i dun'é un bon halá di sota. E kantidat di sla mester kuadra ku e delito.

1 Samuel 2:25

Si un hende hasi malu ku otro, SEÑOR por intervení. Pero si un hende hasi malu ku SEÑOR, ken lo defendé e persona ei?’ Ma nan no a preokupá ku loke nan tata a bisa nan, pasobra SEÑOR a disidí di mata nan.

2 Krónikanan 19:5

Den tur e siudatnan reforsá di Huda, el a nombra hues.

Salmo 82:2

‘Ki dia boso ta stòp di saka sentensia falsu i di skohe banda di malbadonan?

Proverbionan 18:5

No ta bon pa privilegiá un hende kulpabel, ni pa retené derechi di un hende inosente.

Malakías 2:9

‘P'esei Mi ta sòru pa e pueblo menospresiá boso i despresiá boso, pasobra boso no ta sigui e kaminda ku Mi ta mustra i boso ta laga mira ku boso no ta imparsial ora di apliká lei.’

Proverbionan 28:21

Tuma parti pa hende ta algu malu, pero p'un pida pan bo ta kla pa hasié.