2 Timoteo 3:16 - Papiamentu Bible 2013

¹⁶ Henter Skritura ta inspirá pa Dios i ta útil pa duna siñansa, refutá, koregí i pa instruí kon biba un bida rekto,

Beibel na Papiamentu Koriente 2013

¹⁶ Henter Skritura ta inspirá pa Dios i ta útil pa duna siñansa, refutá, koregí i pa instruí kon biba un bida rekto,

2 Timoteo 3:16 Referans Kwoze

Romanonan 15:4

Sí, tur kos ku tabata skibí anteriormente den Skritura t'ei pa duna nos instrukshon, di manera ku e perseveransia i ánimo ku nos ta haña di dje ta yena nos ku speransa.

Hebreonan 4:12

Pasobra palabra di Dios ta bibu i poderoso. E ta kòrta mas skèrpi ku un spada ku ta kòrta tur dos banda. E ta penetrá te na e punta kaminda alma i spiritu, manteka di wesu i wesu ta mishi ku otro. E ta analisá deseo i pensamentu di hende.

Marko 12:24

Hesus a kontestá: ‘Boso ta kibuká komo boso no konosé Skritura ni poder di Dios.

Salmo 119:9

Kon un hóben su andá por keda limpi? Si e warda bo palabra.

Proverbionan 6:23

Pasobra e mandamentunan akí ta un lampi, e siñansa un lus, i e guia ku korekshon ta duna ta e manera di siña bo biba,

2 Timoteo 4:2

prediká e palabra, insistí ku mester proklam'é na momento oportuno i inoportuno, ku tur pasenshi ku instrukshon ta eksigí, konvensé, koregí i kurashá hende.

Salmo 119:11

Mi ta warda bo palabra den mi alma, pa mi no peka kontra Bo.

Salmo 119:130

Bo palabra, si splik'é, ta trese lus, ta hasi bobonan sabí.

2 Samuel 23:2

Spiritu di SEÑOR ta papia pa medio di mi, mi ta anunsiá loke E ta bisa mi.

Proverbionan 15:31

Esnan ku tende ora koregí nan, ta haña un lugá entre hende sabí.

2 Timoteo 2:25

i e mester koregí esnan ku ta kontra dje ku suavidat. Pasobra tal bes Dios por duna e hendenan ei oportunidat di kombertí i yega na un konosementu real di e bèrdat.

Deuteronomio 4:36

For di shelu su stèm a zona pa instruí boso. Na tera El a mustra boso e kandela grandi i for di e kandela ei boso a tend'É papia.

Echonan 20:20

Boso sa ku mi no a keda sin bisa boso loke ta di probecho pa boso; al kontrario, mi a proklamá e bon notisia na boso, i a siña boso, públikamente i na kas.

Huan 3:20

Tur hende ku ta praktiká maldat ta odia lus i nan no ta bini serka djE, pa nan aktonan malbado no pone nan kara na bèrgwensa.

Mateo 13:52

Hesus a sigui bisa: ‘P'esei un dòktor di lei ku a bira disipel den reino di Dios ta meskos ku un doño di kas ku ta saka kos nobo i kos bieu for di loke e tin na stòk.’

Echonan 18:25

El a haña instrukshon tokante e kaminda di Señor i ku gran entusiasmo e tabata prediká i instruí korektamente tokante Hesus. Ma e tabata konosé solamente boutismo di Huan.

Romanonan 2:20

edukadó di esun ku ta ignorante i maestro di hende simpel, pasobra den lei bo ta haña formulashon perfekto di konosementu i bèrdat.

Nehemías 9:20

Bo a manda bo spiritu pa duna nan komprondementu; Bo no a kita mana for di nan boka i Bo a duna nan awa pa kalma nan set.

Galatanan 3:8

Skritura a tene kuenta di antemano ku e echo ku Dios lo bai aseptá no hudiu pa medio di fe. Ta p'esei Skritura a anunsiá e bon notisia akí na Abraham di antemano: ‘Tur pueblo di mundu lo ta bendishoná pa medio di bo.’

Hebreonan 3:7

Ta manera Spiritu Santu a bisa antó: ‘Si awe boso tende su stèm,

1 Korintionan 12:7

Spiritu Santu ta mustra su presensia den tur kreyente na un òf otro manera na benefisio di nan tur.

Echonan 20:27

Pasobra mi a anunsiá boso henter plan di Dios, sin tene nada atras.

Proverbionan 15:10

Es ku desviá di e bon kaminda ta haña kastigu pisá, es ku odia korekshon ta muri.

Huan 10:35

Dios a yama esnan ku a risibí su palabra “dios”, i nos sa ku no por kita Skritura su outoridat.

Mateo 26:56

Ma tur e kosnan akí a sosodé pa Skritura di e profetanan keda kumplí.’ E ora ei tur e disipelnan a bandoná Hesus i a hui bai.

Echonan 1:16

‘Rumannan! E palabra ku Spiritu Santu a papia hopi tempu pasá pa medio di David tokante Hudas, esun ku a guia esnan ku a kohe Hesus prezu, mester a keda kumplí.

Mateo 21:42

Hesus a bisa nan: ‘Nunka boso no a lesa e palabranan akí den Skritura? E piedra ku e trahadónan a rechasá, a bira piedra prinsipal; ta trabou di Señor esei, algu milagroso pa mira!

Romanonan 4:23

Anto esaki no ta skibí pa Abraham so,

Hebreonan 11:1

Fe ke men ku nos ta sigur di e kosnan ku nos ta spera di risibí i ku nos ta konvensé di e realidat ku nos no ta mira.

Romanonan 3:2

Hopi bentaha, anto den diferente forma! Pa kuminsá, Dios a konfia su palabra na nan,

Echonan 28:25

E hudiunan a kita bai den desakuerdo ku otro; esei a pone Pablo añadí: ‘Esta korekto Spiritu Santu a papia ku boso antepasadonan, pa medio di profeta Isaías:

Marko 12:36

David mes, guiá pa Spiritu Santu, ta bisa: “Señor Dios a bisa mi Señor: Sinta Bo na mi man drechi, te ora Mi pone bo enemigunan na bo pia.”

Mikéas 2:7

N' ta desendiente di Yakob nos ta? SEÑOR n' primintí di keda fiel na nos? Ta pèrdè El a pèrdè pasenshi awor? No ta su hasí!’ Mikéas Nò, pa hende ku ta hiba un bida honesto, mi palabranan ta trese bendishon i felisidat.

Mateo 26:54

Ma e ora ei, ta kon Skritura ku ta bisa ku e kosnan akí mester pasa, por keda kumplí?’

Mateo 22:43

Hesus a bisa nan: ‘Ta di kon David mes antó, guiá pa Spiritu Santu, ta yam'É Señor, ora e bisa:

Deuteronomio 29:29

Tin kos ku nos no sa: nan ta pertenesé na SEÑOR, nos Dios; pero tin kos ku a keda revelá na nos i na nos yunan pa nos kumpli semper ku nan, esta tur e mandamentunan di e lei akí.

Sofonías 3:2

E no ta skucha niun atvertensia, no ta aseptá korekshon di niun hende, e no ta konfia den SEÑOR, no ta buska yudansa serka su Dios.