2 Timoteo 3:14 - Papiamentu Bible 2013

¹⁴ Pero abo, sigui loke bo a siña i ta konvensí di dje, pasobra bo sa ta ken a siña bo.

Beibel na Papiamentu Koriente 2013

¹⁴ Pero abo, sigui loke bo a siña i ta konvensí di dje, pasobra bo sa ta ken a siña bo.

2 Timoteo 3:14 Referans Kwoze

1 Tesalonisensenan 2:13

I p'esei mes nos ta gradisí Dios semper, pasobra tempu boso a risibí e mensahe di Dios fo'i nos boka, boso a konsider'é di ta berdadero palabra di Dios i no di hende. Ta e palabra di Dios ei ta duna resultado den bida di boso ku ta kreyente.

2 Timoteo 2:2

Pasa e siñansa ku bo a haña di mi den presensia di hopi testigu pa hende konfiabel, kapasitá pa siña otro hende tambe.

2 Timoteo 1:13

Tuma e palabranan ku bo a tende di mi komo ehèmpel di siñansa sano i sigui nan den e fe i amor ku nos tin, danki na Kristu-Hesus.

1 Tesalonisensenan 1:5

Pasobra ora nos a prediká e bon notisia na boso, nos no a hasié djis ku palabra so, pero ku poder i Spiritu Santu, basá riba un konvikshon firme. Tambe boso sa kon nos a komportá nos serka boso pa boso mes bon.

Hebreonan 10:22

laga nos aserká Dios ku un kurason sinsero i un fe firme, ku un kurason purifiká di un mal konsenshi i ku un kurpa labá ku awa puru.

Hebreonan 6:11

Pero ta nos deseo pa boso kada un keda demostrá e mesun zelo te na final, te ora e kosnan ku boso ta spera, bira realidat.

1 Timoteo 4:16

Keda kuida bo mes i paga tinu na loke bo ta siña otro hende. Sigui hasi e kosnan ku mi a bisa bo akí, pasobra si bo hasi nan lo bo salba bo mes i esnan ku ta skucha bo.

2 Timoteo 3:15

Ademas kòrda tambe ku abo konosé Skritura Sagrado fo'i chikí; Skritura por instruí bo i duna bo e sabiduria ku ta hiba na salbashon pa medio di fe den Kristu-Hesus.

Romanonan 14:5

Tin hende ta haña sierto dia mas importante ku otro dia. Pa otro hende tur dia tin mes balor. Kada ken mester ta konvensí di loke e ta kere!

Kolosensenan 2:2

Mi ta hasi esei pa nan haña kurashi i keda íntimamente uní den amor. Asina nan por risibí komprondementu profundo i kompleto, ku ta hiba nan na konosementu di e plan skondí di Dios, ku ta Kristu mes.

Echonan 17:31

Pasobra El a fiha un dia riba kua lo E husga henter mundu segun hustisia pa medio di un hòmber ku El a apuntá. El a proba esaki na tur hende pa motibu ku El a lant'É for di morto.’

Tito 1:9

Mester ta un hende ku ta tene duru na e mensahe berdadero ku el a siña, ya e por kurashá otro ku e siñansa sano i refutá argumento di e kontrinkantenan.