2 Timoteo 2:14 - Papiamentu Bible 2013

¹⁴ Kòrda bo hendenan riba e kosnan akí i atvertí nan seriamente, ku Dios komo testigu, ku nan mester evitá diskushon sin sentido. E tipo di diskushon akí no ta yuda niun hende ku nada, pero ta hasi daño na esnan ku ta skucha.

Beibel na Papiamentu Koriente 2013

¹⁴ Kòrda bo hendenan riba e kosnan akí i atvertí nan seriamente, ku Dios komo testigu, ku nan mester evitá diskushon sin sentido. E tipo di diskushon akí no ta yuda niun hende ku nada, pero ta hasi daño na esnan ku ta skucha.

2 Timoteo 2:14 Referans Kwoze

2 Timoteo 2:23

Rechasá diskushon sin pia sin kabes, pasobra manera bo sa, nan ta kaba na pleitu.

2 Timoteo 4:1

Solemnemente mi ta pidi bo dilanti di Dios i Kristu-Hesus, Esun ku ta bai husga bibu i morto, mi ta pidi bo, pasobra Kristu-Hesus ta bini bèk komo rei:

Romanonan 14:1

Aseptá un hende ku ta débil den fe i no diskutí kuné tokante opinion personal.

Hebreonan 13:9

No laga tur sorto di teoria straño bruha boso. Pasobra ta bon ku nos kurason keda fortifiká dor di Dios su grasia i no dor di regla tokante kuminda; esnan ku a sigui e reglanan akí, no tabatin niun probecho di nan.

1 Timoteo 5:21

Mi ta enkargá bo seriamente, ku Dios, Hesu-Kristu i e angelnan skohí komo testigu, pa sigui e reglanan akí, sin diskriminá òf tuma parti pa niun hende!

Echonan 15:24

Nos a tende ku algun di nos hendenan, sin niun instrukshon di nos parti, a sali bai bruha boso i kita boso pas.

2 Pedro 1:13

Pero miéntras mi ta den e kaska mortal akí ta mi deber di refreská boso memoria riba e kosnan akí.

1 Timoteo 6:13

Dilanti di Dios ku ta duna bida na tur loke ta eksistí i Kristu-Hesus ku a hasi un bon deklarashon i a duna testimonio dilanti di Pilato, mi ta ordená bo:

2 Tesalonisensenan 3:6

Rumannan, den nòmber di nos Señor Hesu-Kristu, nos ta ordená boso pa no anda ku niun ruman ku ta hiba un bida indisipliná i no di akuerdo ku e instrukshonnan ku nos a duna nan.

Yeremías 7:8

Ma ki ora! Boso ta keda konfia riba palabranan bashí. Boso no ta gana nada ku nan.

1 Samuel 12:21

No bandoná SEÑOR pa sigui e diosnan sin balor ku no por yuda ni salba boso, pasobra ta balor mes nan no tin.

2 Timoteo 2:16

Evitá kòmbersashon profano i bashí, pasobra esnan ku hiba tipo di kòmbersashon asina, lo sigui alehá mas i mas di Dios.

1 Timoteo 4:8

pasobra entrenamentu físiko tin poko balor, pero un bida dediká na Dios tin hopi balor den tur sentido. Di un forma di biba asina bo por spera benefisio tantu den e bida akí komo den esun benidero.

Efesionan 4:17

Esaki antó ta loke ami tin pa bisa boso i mi ta bis'é ku énfasis na nòmber di Señor: no komportá boso manera pagano ku ta pensa lokura.

Galatanan 1:7

En realidat no tin otro evangelio. Loke ta pasa ta ku tin algun hende ta bruha boso i ta trata di kambia e evangelio tokante Kristu.

Echonan 13:10

i bis'é: ‘Abo, diabel ku bo ta, yen di triki i engaño, atversario di loke ta bon, pakiko bo ta empeñá pa trose e kamindanan rekto di Señor?

Mateo 16:26

Ki benefisio un hende tin si e gana henter mundu a kosto di su bida? Pasobra kiko un hende lo por duna komo pago pa su bida?

Habakuk 2:18

Pakiko un ídolo, ku man di hende a traha di palu o metal, ta sirbi? Mentira so e ta pone hende papia! Di kon hende ta konfia riba e diosnan sin abla ei, obra di su mes man?

Yeremías 23:36

Pa loke ta toka e ekspreshon “karga ku SEÑOR a pone riba nos”, no mester us'é mas. Mester usa e palabra “karga” solamente, ora ta trata di kos ku hende ta bisa. Hende ta trose palabra di Dios bibu, SEÑOR soberano, nos Dios.

Yeremías 23:32

Skucha loke Mi ta bisa: Mi ta kontra e profetanan ei ku ta konta soñonan mentiroso, ta pone mi pueblo pèrdè kaminda ku nan mentiranan i ku palabranan sin pia sin kabes. No ta Ami a manda nan, Mi no a duna nan niun sorto di enkargo, ta perhudiká so nan ta perhudiká e pueblo akí. Esei Mi ke pa boso komprondé.’

2 Timoteo 1:6

P'esei mi ta rekordá bo riba e don di Dios ku bo a risibí dia mi a pone man riba bo; waya e don ei pa e bira un kandela aktivo den bo bida.

1 Timoteo 1:6

Algun hende a desviá for di e kosnan akí i a kai den diskushon sin pia sin kabes.

1 Timoteo 1:4

Anto bisa nan tambe pa no sigui atendé ku fábulanan i e asuntu di lista infinito di antepasado. E kosnan ei ta trese diskushon i no ta promové e formashon ku Dios ta duna pa medio di fe.

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

Yeremías 16:19

Mi a bisa: ‘O SEÑOR, mi forsa, mi fortalesa, mi refugio den tempu di peliger. For di ekstremonan di mundu pueblonan lo bini serka Bo i bisa: “E diosnan di nos antepasadonan no ta nada mas ku engaño, airu nan ta, niun no por yuda ku nada.

Yeremías 2:11

Akaso un pueblo a yega di kambia su diosnan? Anto ni dios nan no ta! Pero mi pueblo sí a kambia Mi pa diosnan ku no por yuda nan ku nada; anto ta e mes pueblo akí a yega di mira mi gloria.

Yeremías 2:8

Saserdotenan no a puntra nan mes: “Unda SEÑOR a keda?” Nan ta eksperto den lei ma no a siña konosé Mi a fondo. E lidernan di pueblo a kibra tur relashon ku Mi, e profetanan tabata papia na nòmber di Baal, nan tabata kore tras di diosnan ku no por hasi nada pa nan.

Tito 3:1

Rekordá tur hende ku nan mester someté nan na nan gobernantenan i esnan ku tin outoridat. Nan mester ta obedesidu, kla pa hasi tur sorto di bon obra.