2 Timoteo 2:13 - Papiamentu Bible 2013

¹³ Si nos no ta fiel n'E, E sí ta keda fiel na nos, pasobra E no por bai kontra su mes.

Beibel na Papiamentu Koriente 2013

¹³ Si nos no ta fiel n'E, E sí ta keda fiel na nos, pasobra E no por bai kontra su mes.

2 Timoteo 2:13 Referans Kwoze

Numbernan 23:19

Dios no ta manera hende, E no sa gaña, E no ta manera yu di hende, E no ta haña duele di loke E bisa. Lo E bisa un kos, keda sin hasié? Primintí algu i keda sin kumpli kuné?

Romanonan 3:3

pero algun di nan no tabata fiel n'E! Akaso esei ke men ku Dios ta stòp di ta fiel na nan?

Tito 1:2

i tambe pa hende por tin speransa riba bida eterno. Dios, ku no ta gaña, a primintí e bida eterno ei promé ku kuminsamentu di tempu.

2 Tesalonisensenan 3:3

Pero Señor ta fiel, lo E fortalesé boso i warda boso di e malbado.

1 Tesalonisensenan 5:24

Dios ku ta yama boso ta fiel i E lo kumpli.

1 Korintionan 1:9

Dios ta fiel, E ku a yama boso pa biba den komunion ku su Yu, nos Señor Hesu-Kristu.

Hebreonan 6:18

Ke men ku Dios a hasi dos kos irevokabel, esta un promesa i un huramentu, ku ta hasi imposibel p'E pa gaña nos; p'esei pa nos, ku ta buska nos refugio serka djE, nan ta un stimulashon fuerte pa sigui spera loke tin nos dilanti firmemente.

Mateo 24:35

Shelu i tera sí lo pasa bai, ma mi palabranan nò!

Romanonan 9:6

Loke mi ke men ta: Dios a keda fiel na loke El a primintí. Ma no ta tur ku ta desendiente di Israel ta pertenesé na e berdadero pueblo di Israel

Isaías 25:1

T'Abo, SEÑOR, ta mi Dios, mi ke alsa Bo, bo nòmber mi ke alabá, pasobra bo obranan ta maravioso. Bo ta keda fiel na desishonnan, ku B'a tuma fo'i tempu bieu.

Deuteronomio 7:9

Rekonosé ku SEÑOR, boso Dios, so ta Dios. Un Dios ku bo por konfia, ku ta aten'É na e aliansa i ku ta keda fiel te den e di mil generashon na esnan ku ta stim'É i ta kumpli ku su mandamentunan.