2 Timoteo 1:10 - Papiamentu Bible 2013

¹⁰ Pero awor Dios a hasi e bondat ei visibel pa medio di binida di nos Salbador Kristu-Hesus: T'É a kaba ku poder di morto i pa medio di e bon notisia El a pone bida inmortal sali na kla.

Beibel na Papiamentu Koriente 2013

¹⁰ Pero awor Dios a hasi e bondat ei visibel pa medio di binida di nos Salbador Kristu-Hesus: T'É a kaba ku poder di morto i pa medio di e bon notisia El a pone bida inmortal sali na kla.

2 Timoteo 1:10 Referans Kwoze

1 Huan 1:2

E Bida akí a bira visibel. E Bida eterno ku tabata huntu ku Tata i a keda revelá na nos, nos a mira, nos ta testiguá di djE i ta proklam'É na boso.

Romanonan 16:26

Pero awor Dios a revelá e plan skondí ei pa medio di Skritura di e profetanan, skibí segun mandato di e Dios eterno. E plan ei a keda revelá pa tur nashon kere i obedesé Dios.

2 Pedro 3:18

Pero sigui krese den grasia i konosementu di nos Señor i Salbador Hesu-Kristu. Gloria n'E, awor i pa semper! Amèn!

Tito 2:11

Pasobra Dios a mustra su bondat dor di ofresé salbashon na tur hende.

1 Korintionan 15:26

Anto morto ta e último enemigu ku lo keda derotá,

Romanonan 2:7

Esnan ku ta sigui perseverá den loke ta bon i ta buska gloria, honor i bida ku no ta kaba nunka, Dios lo duna bida eterno.

2 Timoteo 1:1

Esaki ta un karta di Pablo, apòstel di Kristu-Hesus segun boluntat di Dios, mandá pa proklamá loke Dios a primintí tokante bida den union ku Kristu-Hesus.

Efesionan 1:9

Dios a laga nos konosé su propósito skondí di akuerdo ku su boluntat, e propósito ku El a disidí di antemano pa realisá pa medio di Kristu

Huan 14:6

Hesus a kontest'é: ‘Ami ta e kaminda, bèrdat i bida; niun hende no por yega serka Tata, si no ta pa medio di Mi.

Hoséas 13:14

Lo Mi a liberá nan e ora ei for di reino di morto, salba nan for di poder di Lamuèrtè? Lamuèrtè, unda bo pèst ta keda? Reino di morto, unda bo plaganan ta keda? Mi no sa mas kiko ta duele.

Revelashon 22:17

Spiritu di Dios i brùit ta bisa: ‘Bini!’ I es ku tende esei, bisa tambe: ‘Bini!’ I es ku tin set, bini numa; i es ku ke awa ku ta duna bida, bini numa i tum'é, pòrnada.

Revelashon 22:14

Felis esnan ku ta laba nan paña i asina haña derecho di kome for di e palu ku ta duna bida i drenta siudat via di e portanan.

Revelashon 18:1

Despues mi a mira un otro angel baha for di shelu. E tabatin gran poder i su splendor tabata iluminá mundu.

Revelashon 2:7

Es ku tin orea, mester skucha loke Spiritu di Dios ta bisa e iglesianan. Es ku triunfá, lo Mi duna di kome for di e palu ku ta duna bida ku ta pará den hardin di Dios.

2 Pedro 3:2

Kòrda loke e profetanan santu a bisa hopi tempu pasá i e loke Señor i Salbador, pa boka di boso apòstelnan, a manda boso hasi.

2 Pedro 2:20

Si e hendenan ei, ku a konosé nos Señor i Salbador Hesu-Kristu i asina a logra hui di e sushedat ku tin den mundu, bolbe kai den e kosnan ei i keda bou di nan dominio, nan lo ta pió ku ántes.

2 Pedro 1:11

Asin'ei porta di e reino eterno di nos Señor i Salbador Hesu-Kristu lo ta hanchu hanchu habrí pa boso.

2 Pedro 1:3

Su poder dibino a duna nos tur loke nos mester pa hiba un bida dediká na Dios pa medio di nos konosementu di Esun ku a yama nos dor di su mes gloria i obra maravioso.

Hebreonan 10:32

Kòrda promé aya, tempu boso a haña lus di Dios i mester a sufri tantu asina. Pero boso a sobrebibí e lucha.

Tito 3:4

Pero Dios, nos Salbador, a mustra su bondat i amor pa humanidat,

Tito 2:13

miéntras nos ta warda ansiosamente riba e dia felis ku nos speransa lo bira realidat. Esei ta e dia ku gloria di nos gran Dios i Salbador Hesu-Kristu lo ta manifestá.

2 Tesalonisensenan 2:8

Ora esei sosodé, e hòmber ku ta personifikashon di maldat lo sali bini dilanti. Anto ora Hesus aparesé den su splendor, lo E destruyé ku su rosea i derot'é kompletamente.

Efesionan 1:18

Mi ta pidiÉ pa iluminá boso mente, pa boso sa kiko boso por spera awor ku El a yama boso, kon abundante e glorioso herensia ku Dios ta duna su pueblo santu,

Galatanan 5:4

Boso ku ke pa Dios aseptá boso komo hustu, pasobra boso ta kumpli ku Lei, a keda separá di Kristu. Boso a benta grasia di Dios afó.

2 Korintionan 5:4

Nos ku ta bibando den e tènt akí ainda, ta sigui suspirá bou di peso di aflikshon, pasobra nos no ke deshasí di nos kurpa terenal, pero nos ke bisti e bida selestial manera ta bisti un bistí, ya asina e bida selestial akí por kaba kompletamente ku loke ta mortal den nos.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

Romanonan 6:6

Nos sa ku e hende ku nos tabata ántes a keda krusifiká huntu ku Kristu, pa kibra forsa di deseo pa hasi piká i pa nos no ta katibu di piká mas.

Romanonan 3:31

Ke men anto ku nos ta pone Lei di Moises un banda pa motibu di fe? Klaro ku nò! Al kontrario, nos ta duna Lei su berdadero balor.

Echonan 13:23

Ta for di desendensia di e hòmber akí Dios a hasi Hesus salbador di Israel, di akuerdo ku su promesa.

Echonan 5:31

Ta É Dios a alsa na un lugá di honor na su man drechi komo Guia i Salbador, pa kombertí e hendenan di Israel i pordoná nan piká.

Huan 20:31

Ma e kosnan skibí aki den ta skibí pa boso kere ku Hesus ta e Mesias, Yu di Dios, i pa medio di boso fe, boso haña bida den su nòmber.

Huan 5:40

Ma boso no ta dispuesto pa bini serka Mi pa boso haña bida.

Huan 4:42

nan a bisa e muhé: ‘Nos no ta kere mas a base di loke nos a tende di bo, awor nos mes a tend'É i nos sa ku enberdat E ta e Salbador di mundu!’

Huan 1:9

E lus berdadero ku ta lusa tur hende, tabata biniendo na mundu.

Lukas 13:7

E ora ei el a bisa su fitó: “Ya ta di tres aña ku mi ta bin wak si e palu akí tin fruta i mi n' ta haña nada. Kap e basha abou numa. Pakiko lag'é sigui probechá di bon tera?”

Lukas 11:36

Si henter bo kurpa ta yen di lus, sin ningun parti den skuridat, e ora ei lo ta komo si fuera un lampi ta iluminá bo ku su lus briante.’

Lukas 2:11

Awe boso Salbador, e Mesias, Señor, a nase den e siudat di David.

Isaías 45:21

Palabrá ku otro kon boso ta bai presentá boso kaso i ki prueba boso por bini kuné. Ken a anunsiá loke ta pasando awor akí, ken a predesí esei basta tempu pasá? N' ta Ami, SEÑOR, e úniko Dios ku ta eksistí? Fuera di Mi no tin otro Dios legítimo ku ta salba hende di bèrdè.

Isaías 45:15

Dios di Israel, Abo, Salbador, Abo sí ta un Dios, ku a tene su mes skondí.

Isaías 43:3

Pasobra Ami ta SEÑOR, bo Dios, e Dios Santu di Israel, bo Salbador. Mi ta duna Egipto komo pago pa bo libertat, Etiopia i Seba Mi ta kambia pa bo.

1 Huan 4:14

I nos a mira i ta testiguá ku Dios Tata a manda su Yu komo Salbador di mundu.

2 Pedro 1:1

Esaki ta un karta di Simeon Pedro, sirbidó i apòstel di Hesu-Kristu, pa esnan ku a risibí un fe mes presioso ku esun di nos pasobra nos Dios i Salbador Hesu-Kristu ta hustu.

Revelashon 20:14

E ora ei a benta morto i reino di morto den e lago di kandela. E lago di kandela ei ta e di dos morto.

2 Timoteo 1:8

Ke men, bo no mester tin bèrgwensa di testiguá na fabor di nos Señor òf di e echo ku ami ta prizonero pa su kousa. Al kontrario, aseptá, ku forsa di Dios, bo parti di e sufrimentu ku ta konsekuensia di predikamentu dje bon notisia.

2 Timoteo 4:1

Solemnemente mi ta pidi bo dilanti di Dios i Kristu-Hesus, Esun ku ta bai husga bibu i morto, mi ta pidi bo, pasobra Kristu-Hesus ta bini bèk komo rei:

2 Timoteo 4:8

No a keda mi nada mas awor ku risibí e korona di hustisia ku Señor, e hues hustu, lo duna mi dia E bini bèk. No solamente ami, pero tur ku ta ward'É bini atrobe ku un deseo fervoroso.