2 Samuel 6:16 - Papiamentu Bible 2013

¹⁶ Ora e arka di SEÑOR tabata drenta Siudat di David, Mikal, yu muhé di Saul, tabata pará na bentana ta wak pafó. El a mira rei David ta bula bula i balia dilanti di SEÑOR; el a sinti un despresio profundo p'e.

Beibel na Papiamentu Koriente 2013

¹⁶ Ora e arka di SEÑOR tabata drenta Siudat di David, Mikal, yu muhé di Saul, tabata pará na bentana ta wak pafó. El a mira rei David ta bula bula i balia dilanti di SEÑOR; el a sinti un despresio profundo p'e.

2 Samuel 6:16 Referans Kwoze

1 Korintionan 2:14

Esun ku no tin Spiritu Santu no ta aseptá loke ta bini di Spiritu di Dios. P'é nan ta kos di loko; e no por komprondé nan, pasobra hende por husga balor di e kosnan ei solamente ku yudansa di Spiritu Santu.

1 Krónikanan 15:29

Ora e arka di aliansa di SEÑOR tabata serka di drenta Siudat di David, Mikal, yu muhé di Saul i esposa di David, tabata pará den bentana ta wak afó. El a mira David ta bula rònt ta balia i a sinti un despresio profundo p'e.

Salmo 69:7

Pa bo motibu mi ta wanta insulto i bèrgwensa ta tapa mi kara.

Echonan 2:13

Otronan tabata hasi bofon i bisa: ‘Nan a bebe muchu biña!’

2 Samuel 3:14

Tambe David a manda mensahero serka Ish-Boshèt, yu di Saul, ku e rospondi: ‘Manda Mikal, mi kasá, ku mi a optené ora mi a entregá prepusio di shen filisteo, bèk.’

Isaías 53:3

E tabata despresiá, bandoná pa tur hende, un hòmber ku konosé doló, ku sa di sufrimentu; ku ta pone bo kita kara p'e, despresiá, konsiderá sin balor.

2 Samuel 5:7

Sinembargo David a kapturá fòrti Sion, ku awendia ta konosí komo Siudat di David.

2 Samuel 6:15

Asina David i tur e israelitanan a trasladá e arka bou di gritu di legria i tokamentu di kachu.

2 Samuel 6:20

David tambe a bai kas pa e kumindá su famia. Mikal, yu muhé di Saul, a sali top'é i a bis'é: ‘Esta nèchi e rei di Israel a keda awe, ora el a kita paña, manera kualke sinbèrgwensa, dilanti di e katibunan muhé di su sirbidónan!’

1 Samuel 18:17

Un dia Saul a bisa David: ‘Ata mi yu muhé mayó Merab. Lo mi hasié bo esposa basta bo sirbi mi manera un hòmber balente i bringa bataya di SEÑOR.’ Saul a pensa: ‘Asina mi mes no tin mester di mata David, mi ta laga esei pa e filisteonan.’

1 Samuel 18:20

Mikal, e otro yu muhé di Saul, a namorá di David. Ora Saul a tende esaki, el a gosa e kos,

Salmo 123:3

Kompashon, SEÑOR! Tene kompashon! Nos ta hartá di ultrahe!