2 Samuel 22:3 - Papiamentu Bible 2013

³ Mi Dios, e baranka pa mi skonde, mi eskudo, arma di mi viktoria, baluarte, mi asilo, mi refugio, Bo ta libra mi di hende violento.

Beibel na Papiamentu Koriente 2013

³ Mi Dios, e baranka pa mi skonde, mi eskudo, arma di mi viktoria, baluarte, mi asilo, mi refugio, Bo ta libra mi di hende violento.

2 Samuel 22:3 Referans Kwoze

Salmo 9:9

P'esei SEÑOR ta un fòrti pa hende oprimí, un fortalesa den tempu di tribulashon.

Isaías 12:2

Mira kon Dios a salba mi, tur mi konfiansa ta den djE, mi n' tin miedu: SEÑOR Dios ta mi forsa, mi refugio. E mes t'Esun ku a salba mi.’

Proverbionan 18:10

Nòmber di SEÑOR ta manera un toren poderoso, ei hende hustu ta akudí pa haña protekshon.

Proverbionan 30:5

Semper bai kada palabra di Dios a resultá di ta bèrdat, E t'un eskudo pa esnan ku skonde serka djE.

Salmo 46:11

SEÑOR di universo — E ta ku nos. Dios di Yakob ta un fòrti pa nos.

Salmo 18:2

SEÑOR ta mi baranka, mi fòrti; mi salbador, esei ta mi Dios, mi baranka pa mi skonde, mi eskudo, mi defensa i salbashon, mi baluarte!

Deuteronomio 33:29

Esta felis bo ta! Kua pueblo por midi su mes ku bo? Ta SEÑOR mes a liberá bo. E ta e eskudo ku ta protegé bo, E sabla ku ta laga abo triunfá. Enemigu lo gatia pa bo, i abo lo pone pia riba nan garganta.’

Génesis 15:1

Despues SEÑOR a papia ku Abram den un vishon: ‘No tene miedu, Abram, pasobra Mi ta protegé bo. Bo rekompensa lo ta mashá grandi.’

Hebreonan 2:13

Tambe E ta bisa: ‘Lo Mi pone mi konfiansa den Dios.’ I: ‘At'Ami aki ku e yunan ku Dios a duna Mi.’

Lukas 1:69

El a lanta un salbador poderoso pa nos, desendiente di David, su sirbidó,

Salmo 144:2

E ta mi aliado, mi fòrti, mi baluarte, Esun ku ta libra mi, mi eskudo tras di kual mi ta sigur, El a someté mi pueblo na mi.

Salmo 59:16

Ma mi ta kanta gloria di bo forsa, mi ta hubilá bo bondat di mainta. Bo tabata un fòrti pa mi, un refugio na ora di mi ansha.

Salmo 14:6

Boso ke bruha propósito di un pober, ma SEÑOR ta su refugio!

Yeremías 16:19

Mi a bisa: ‘O SEÑOR, mi forsa, mi fortalesa, mi refugio den tempu di peliger. For di ekstremonan di mundu pueblonan lo bini serka Bo i bisa: “E diosnan di nos antepasadonan no ta nada mas ku engaño, airu nan ta, niun no por yuda ku nada.

Isaías 32:2

Kada un di nan lo ta manera un sket kontra bientu, un lugá di skonde pa mal tempu, un roi di awa den desierto, sombra di un baranka grandi den un tera mort'i set.

Salmo 140:4

SEÑOR, warda mi di gara di malbadonan, protegé mi kontra hende violento, ku ta plania pa laga mi trompeká.

Salmo 55:9

Destruí nan, Señor, bruha nan lenga, pasobra den siudat mi ta mira violensia i pleitu patruyando

Salmo 46:7

SEÑOR di universo — E ta ku nos. Dios di Yakob ta un fòrti pa nos.

Lukas 1:71

El a primintí ku lo E salba nos di nos enemigunan i di gara di tur esnan ku ta odia nos.

Salmo 140:11

Ku mala lenga n' tin rais riba mundu; hende ku ta usa violensia nan mes maldat kohe nan na kaminda i kousa nan kaida fatal.’

Salmo 140:1

SEÑOR, libra mi di mal hende, warda mi di hende violento,

Salmo 86:14

Dios, insolentenan a lanta kontra mi, un kuèrdè di burdugu ke mata mi, nan no ta tene kuenta ku Bo.

Salmo 84:11

SEÑOR ta un solo, un eskudo: Dios ta duna su fabor i honor. SEÑOR no ta nenga su biennan na hende di kondukta sinsero.

Salmo 84:9

O Dios, nos Eskudo, pone tinu, mira esun ungí ku bon wowo.

Salmo 72:14

L'e libra nan di opreshon i violensia, nan bida ta presioso den su bista.

Salmo 71:7

Pa hopi hende man di Dios a toka mi, ma Bo ta mi refugio fuerte.

Salmo 61:3

pa motibu ku Bo ta mi refugio, un bastion kontra enemigu.

Salmo 46:1

Dios ta nos refugio, E ta nos fortalesa, El a resultá un yudador den mesté.

Salmo 28:7

SEÑOR ta mi forsa, mi eskudo: mi kurason tin fe den djE. Anto mi a haña yudansa, mi kurason ta hubilá i mi ta gradisiÉ den mi kantika.

Salmo 27:5

Pasobra l'E skonde mi bou 'i su dak dia di peliger; E ta warda mi fo'i peliger den su tènt, altu poné riba baranka.

Salmo 5:12

SEÑOR, Bo ta duna bendishon na esun ku ta hustu; Bo ta rondon'é ku kariño manera ku un eskudo.

Salmo 3:3

Ma Abo, SEÑOR, mi eskudo i protekshon, mi gloria, Bo ta hisa mi kara!

2 Samuel 22:51

E ta duna su rei viktorianan grandi, E ta mustra su fieldat na su rei skohí, na David su desendientenan pa semper.’

2 Samuel 22:49

Bo ta salba mi for di gara di mi enemigunan, hisa mi altu riba esnan ku a ataká mi, i libra mi di hende violento.

1 Samuel 2:1

E ora ei Hana a resa asin'akí: ‘SEÑOR, mi kurason ta yen di alegria pa bo motibu, pasobra Abo a pone mi kana ku mi kara na laria atrobe. Mi por alsa bos kontra mi enemigunan Mi ta kontentu ku Bo a yuda mi.

Deuteronomio 32:37

e ora ei lo E bisa: “Unda nan diosnan a keda? Unda e baranka kaminda nan tabata skonde, ta?

Tito 3:6

Anto e Spiritu akí El a drama abundantemente riba nos pa medio di nos Salbador Hesu-Kristu.

Tito 3:4

Pero Dios, nos Salbador, a mustra su bondat i amor pa humanidat,

Lukas 1:47

mi ta kontentu di mi alma ku Dios, mi Salbador.

Yeremías 16:9

Skucha loke Mi tin di bisa, Ami, SEÑOR soberano, Dios di Israel: Mi ta bai pone fin na tur gritu di alegria i kontentu na Huda, tur zonido alegre di fiesta di kasamentu ta para.

Isaías 45:21

Palabrá ku otro kon boso ta bai presentá boso kaso i ki prueba boso por bini kuné. Ken a anunsiá loke ta pasando awor akí, ken a predesí esei basta tempu pasá? N' ta Ami, SEÑOR, e úniko Dios ku ta eksistí? Fuera di Mi no tin otro Dios legítimo ku ta salba hende di bèrdè.

Salmo 32:7

Abo, mi Asilo, ta warda mi di apuro, ta rondoná mi ku gritu di esnan ku ta gosa ku Bo a libra mi.

Salmo 142:4

Mi ta mira pariba, keda mira, ningun hende n' ta hasi kaso di mi; ningun kaminda un lugá pa mi skonde, ningun hende ku ta buska mi drechi.

Deuteronomio 32:4

E ta e Baranka, su trabou ta perfekto, tur loke E hasi ta hustu. E ta un Dios fiel, E no konosé inhustisia; E ta hustu i di konfia.

1 Samuel 2:2

No tin hende mes santu ku Bo, SEÑOR. Ni baranka no ta mes fuerte ku Bo, nos Dios. No tin manera Bo.

2 Samuel 22:31

E Dios akí — su kaminda ta perfekto, palabra di SEÑOR, bo por konfia riba dje. E ta un eskudo pa tur hende ku ta buska nan refugio serka djE.

2 Samuel 22:47

Biba SEÑOR! Bendishoná ta mi Baranka! Mare Dios por ta altu elevá. E baranka ku a duna mi viktoria!

2 Samuel 23:3

E Dios di Israel a papia, e Baranka di Israel a bisa mi: “Esun ku ta manda riba hende ku hustisia, esun ku ta manda ku rèspèt pa Dios

Éksodo 15:2

SEÑOR ta duna mi forsa, p'E mi ta kanta, t'E a duna mi salbashon. E ta mi Dios, E mi ke gaba. Ta Dios di mi tata, E mi ta honra.

Salmo 9:10

Esnan ku sa bo nòmber ta konfia den Bo, nunka Bo no sa bandoná, SEÑOR, esun ku buska Bo.

Salmo 46:2

P'esei nos no tin miedu, maske tera por tembla, òf serunan hundi den fondo di laman;