2 Samuel 18:18 - Papiamentu Bible 2013

¹⁸ Tempu Absalon tabata na bida, el a laga nan lanta un pilá di piedra pa e mes, esun den Vaye di Rei. Komo e no tabatin yu hòmber ku por a sòru pa e nòmber Absalon keda eksistí, el a duna e pilá di piedra su mes nòmber. P'esei te dia djawe e pilá yama: Monumento di Absalon.

Beibel na Papiamentu Koriente 2013

¹⁸ Tempu Absalon tabata na bida, el a laga nan lanta un pilá di piedra pa e mes, esun den Vaye di Rei. Komo e no tabatin yu hòmber ku por a sòru pa e nòmber Absalon keda eksistí, el a duna e pilá di piedra su mes nòmber. P'esei te dia djawe e pilá yama: Monumento di Absalon.

2 Samuel 18:18 Referans Kwoze

Daniel 4:30

“Mira Bábel aki, esta un siudat impreshonante! T'ami ku mi gran poder a hasié kapital di mi reino. Asin'akí hende por mira kon mahestuoso mi reino ta.”

2 Samuel 14:27

Dios a duna Absalon tres yu hòmber i un yu muhé, ku el a yama Tamar. Tamar a krese una beyesa.

1 Samuel 15:12

Su manisé Samuel a lanta trempan pa el a bai topa ku Saul, ma nan a bis'é ku Saul a bai siudat Karmel i ku einan el a lanta un Monumento na su mes honor i ku despues el a bira bai den otro direkshon i baha pa Guilgal.

Génesis 14:17

Ora Abram a bini bèk, despues di su viktoria riba Kedar-Laomèr i e otro reinan, rei di Sódoma a sali pa risibié den vaye di Shawe ku awor yama vaye di rei.

Salmo 109:13

Ku su futuro por keda ruiná i su nòmber por ta lubidá ya despues di ún generashon.

Salmo 49:11

Pa tur eternidat nan graf ta nan kas, nan paradero for di un generashon te na otro: anto nan ta hende ku a duna tera nan nòmber!

Génesis 11:9

Einan SEÑOR a bruha lenga di henter humanidat. For di einan El a pone nan plama riba henter mundu. P'esei e siudat yama Bábel.

Génesis 11:4

Despues nan a bisa: ‘Ban lanta un siudat ku un toren ku ta yega te na shelu. Asin'ei nos lo bira famoso i nos lo no haña nos plamá riba henter mundu.’

Yeremías 22:30

E ta bisa asin'akí: ‘Skibi den lista di e reinan bou di nòmber di e hòmber akí: “Sin yu. A biba pòrnada!” Pasobra niun di su susesornan lo no logra okupá trono di David ni lo no bolbe reina na Huda.’

Numbernan 32:42

Nobag tambe a sali bai konkistá Kenat ku e siudatnan rondó di dje i a duna Kenat su mes nòmber, esta Nobag.

Isaías 22:16

i bis'é: “Ki mishi bo aki i ken a duna bo pèrmit pa laga koba un graf den e barank'akí? Wak kon e hòmber ei ta laga koba un graf, altu den baranka, ku lo mester bira su delaster lugá di sosiegu!